Amos 6:12 - Maung A Balita Biblia

¹² Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

Maung a Balita Biblia

¹² Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

Amos 6:12 Iomraidhean Croise

Isaias 48:4

Amtak ya anawet so olom, anaweawet a singa balatyang tan ag napiklon singa gansa.

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Oseas 10:13

Balet ag kayo inmonur, no ag ingen nantanem kayo na kaogsan tan inani yoy bunga ton maoges. Inakan yo ray bunga na saray tila yo. “Lapud nanmatalek kayod saray karwahi yo tan saray amayamay a sondalo yo,

Oseas 10:4

Andi-kakanaan iray sasalitaen da tan anggapoy kabaliksan iray sipan tan saray pisisipanan da. Apikewet la so katonungan; singa samal a dikan ontutubod abakan alog.

Amos 2:3

Pateyen koy manoley ed Moab tan amin a pangulo ed satan a dalin.”

Amos 3:10

Say Katawan kuanto, “Sarayan totoo et papanoen da ray ankakabaleg ya abung da na saray bengatlan sinasamsam da tan tinatakew da. Ag da amtay manggaway kaptekan.

Amos 5:7

Pangaskasiyan kayo la, sikayon mamipikewet ed katonungan tan manlalames ed saray totoo!

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Santiago 3:18

Say toon maarod kareenan, diad panaanap toy kareenan, isisibwag toy bokel a mambungay katonungan.