Amos 6:11 - Maung A Balita Biblia

¹¹ No mangganggan lay Katawan, nagaygaygay iray kaabungan, ankabaleg may ankelag ira.

Maung a Balita Biblia

¹¹ No mangganggan lay Katawan, nagaygaygay iray kaabungan, ankabaleg may ankelag ira.

Amos 6:11 Iomraidhean Croise

2 Saray Arari 25:9

Pinoolan toy Timplo, say palasio, tan say kaabungan na amin da ray totoon atagey so kipapasen ed Jerusalem,

Saray Salmo 105:16

Impadalan na Katawan so eras ed bansa ra, tan inala ton amiy kakanen da.

Saray Salmo 105:31

Nangganggan so Katawan et apano na apangat tan ageyet so intiron bansa.

Saray Salmo 105:34

Nangganggan et sinmabi ray dorun, ya ag ira nabilang ed karakel da.

Ecclesiastes 10:18

No say sakey a too et mangiras a mangapiger na atep na abung to, onterter insan nageba.

Isaias 13:3

Tinawag na Katawan iray mapaatagey tan masebeg a sondalo to, ta milaban irad masanton bakal diad panusa rad saray pamapasnukan ton totoo.

Isaias 55:11

Ontan met so pagmaliwan na salitan ibabalikas ko— ag ompawil ed siak ya anggapoy agawaan to; sumpalen toy antokaman a ginetmak tan gawaen toy angibakian kon gawaen to.

Oseas 13:16

Nepeg a nadusa so Samaria lapud insumpa tod siak. Ompatey ed bakal iray totoo to, nibasig-basig ed dalin iray ogogaw ya ankekelag, tan nabutbutyakan iray malokun a bibii.”

Amos 3:15

Deralen ko ray kaabungan a para panaoy ambetel tan saray kaabungan a para panaoy tiagew. Natumban naderal-deral iray abung a dinokoraan na garing; naderal ya amin iray ankakabaleg a kaabungan.”

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Amos 6:8

Say Katawan a Dios a Makapanyarin-amin et masimoon ton inter yan pasakbay: “Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.”

Amos 9:1

Anengneng koy Katawan a manalalagey ed abay na altar. Ingganggan to: “Maso yo ray toktok a lusek na Timplo, pian nayegyeg so pundasion. Igeba-geba yod kaoluan da ray totoo. Pateyen kod bakal iray nakdaan a totoo. Anggapod sikaray makaarawi; anggapoy anggan sakey a makabatik ed sikara.

Amos 9:9

“Mangganggan ak, et nayegyeg iray totood Israel a singa kayakayak na belas ed yakayakan. Yakayaken ko rad saray bansa, ta ekalen ko ray amin ya andi-kakanaan.

Nahum 1:14

Sikato yay ingganggan na Katawan nipaakar ed saray taga Asiria: “Naoput iray kabyangay boleg da a mangikayat na ngaran da. Deralen ko ray talintaon walad saray timplo da ray diriyos da. Mangipaparaan ak na lobuk a para saray taga Asiria—ag da kanepegay mambilay!”

Zacarias 14:2

Pankakasakeyen na Katawan iray bansa a mibakal ed Jerusalem. Nadakep so siudad, nasamsaman iray kaabungan, tan napasoot iray bibii. Nibantak ed arum a bansa iray kapalduan totoo, balet ag nipaway ed siudad iray arum a totoo.

Malakias 1:4

No ibaga na saray kabyangay boleg nen Esau salanti saray Edomita, “Aderal-deral iray baley mi, balet pasimbaloen mi ran ipaalagey,” say Katawan onebat ed satan, “Pasimbaloen da ra labat ya ipaalagey—igebak ira lamet. Tawagen ira na saray totoo, ‘Say maoges a bansa’ tan ‘Say bansan pamapasnukan na Katawan.’”

Lucas 19:44

Deralen da ka tan saray totoon walad loob na padir mo. Anggapoy anggan sakey a baton natilak ed pasen to, ta ag mo inasikasoy insabi na Dios a mangilaban ed sika!”