Amos 5:6 - Maung A Balita Biblia

⁶ Singger kayod Katawan, et mambilay kayo. No ag kayo onsingger ed Katawan, sikatoy mamalanit a singa apoy ed saray totood Israel. Poolan na apoy iray totood Betel, tan anggapoy makaerep ed pool.

Maung a Balita Biblia

⁶ Singger kayod Katawan, et mambilay kayo. No ag kayo onsingger ed Katawan, sikatoy mamalanit a singa apoy ed saray totood Israel. Poolan na apoy iray totood Betel, tan anggapoy makaerep ed pool.

Amos 5:6 Iomraidhean Croise

2 Samuel 19:20

Amtak a nankasalanan ak, kanyan siak so onaan a kabyangan na saray tribun walad baybay a linma dia natan a mangabet ed Kagalang kon Ari.”

1 Saray Arari 11:28

Wala nid kalangweran si Jeroboam tan walay ibabaga ton too. Nen naimano nen Solomon so inkakoli to, ginawa ton makaoley ed amin da ray pinasoot a mankimey diad lugar da ray tribu di Manases tan Efraim.

2 Saray Awaran 34:25

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, et ag ombetel.

Saray Salmo 27:8

Nen kuanmo, “Dago kayod siak,” inmebat ak, “Ondago ak ed sika, Katawan.”

Saray Salmo 69:33

Dedengelen na Dios iray walad pankaukolan, tan ag to lilingwanan iray totoo tod prisowan.

Exodo 22:6

“No say sakey a too et mamool ed alog to tan onkayamkam so apoy ed alog na arum a too tan napoolan iray ontutubon tanaman diman odino saray pinalot a nisimbun diman, say angigapoy apoy et nepeg a bayaran toy adarak.

Isaias 1:31

No panon a napadalang na anggan melmelag ya apoy so amagan dayami, ontan met a naderal iray makapanyarin totoo diad panamegley na saray dilin maoges a gawgawa ra tan anggapoy makapatonda na kaderal da.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Isaias 55:6

Pawil kayod Katawan tan mampikasi kayod sikato, natan ta asingger ni.

Jeremias 38:20

Inkuankod sikato, “Ag ka nipalimad sikara. Kerewen kod sika ya onur moy salitay Katawan onung na imbagak lad sika; diad ontan maung so pansumpalan mo. Nipaliis kad patey.

Jeremias 4:4

Toor yoy impisipanan yod siak a Katawan yo, tan isaklang yoy sikayon dili ed siak, sikayo ran totood Juda tan Jerusalem. No ag yo tooren, ondalang a singa apoy so pasnuk ko, lapud saray kaogsan a ginawa yo. Ondalang, et anggapoy makaerep.”

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Ezekiel 21:3

a siak a Katawan kuanko: Siak so kalaban yo. Oyusen koy ispadak tan pateyen ta kayon amin, matonung may maoges.

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Ezekiel 37:19

ibagam ed sikara a siak a Katawan a Dios et alaen ko so bislak ya ilalaman toy Israel, insan ko ilatup ed sakey a bislak ya ilalaman toy Juda. Pagmaliwen ko ran saksakey a bislak, insan ko ra bembenan ed limak.

Amos 3:14

“Diad agew a dusaen ko ray totood Israel lapud saray kasalanan da, deralen ko ray altar ed Betel. Napoter iray suyok na balang altar tan napelag irad dalin.

Amos 5:14

Pian mambilay kayo say kamaungan so pampilalekan yon gawaen, aliwan say kaogsan. Diad satan say Katawan a Dios a Makapanyarin-amin so peteg a niwalad sikayo onung na ibabaga yo.

Amos 5:4

Say Katawan kuantod saray totood Israel, “Dago kayod siak, et mambilay kayo.

Amos 6:6

Saray bason ankabaleg so paniinoman yod saray alak tan sankabalingitan a pabalingit iray ipopoyuk yo, balet ag yo eermenan so kaderal na Israel.

Sofonias 2:3

Singger kayod Katawan, amin yon mapaabeban totoo ed bansa, sikayon manusumpal na saray ganggan to. Manggawa kayo na kaptekan, tan mampaabeba kayo ed arap na Katawan. Angangko napaliisan yoy dusa no agew ya idapo na Katawan so pasnuk to.

Zacarias 10:6

“Pabiskegen ko ray totood Juda; iyagel ko ray totood Israel. Ipawil ko rad dalin lapud inarok ira. Magmawil iran singa ra ag ko impolisay. Siak so Katawan a Dios; ebatan ko ray pikakasi ra.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Deuteronomio 4:24

lapud maimon tan singa manliub ya apoy so Katawan a Dios yo.

Josue 18:5

Pankapitoen a parti so dalin; ag la galawen so dalin ed abalaten a nipabetang ed tribu nen Juda tan say dalin ed baybay a nipabetang ed tribu nen Jose.