Amos 5:25 - Maung A Balita Biblia

²⁵ “Totood Israel, diad loob na apataplon taon na impangiwanwan kod sikayo ed kalawakan, ag ko kinaukolan ed sikayon mangyapay kayod siak na saray bagat.

Maung a Balita Biblia

²⁵ Totood Israel, diad loob na apataplon taon na impangiwanwan kod sikayo ed kalawakan, ag ko kinaukolan ed sikayon mangyapay kayod siak na saray bagat.

Amos 5:25 Iomraidhean Croise

Nehemias 9:18

Nanggawa ray talintaon kilaw a baka, insan inkuandan sikatoy dios ya angipaway ed sikarad Egipto. Agaylay impamabaing dad sika, Katawan!

Nehemias 9:21

Diad apataploy taon ya impanayam dad kalawakan initdan mo ray amin a nakaukolan da; ag balut dinmaan so kawes da, tan ag linmarag ed sakit so sali ra.

Ezekiel 20:16

Insambak iman a gawaen ta sinumlang da ray bilin ko, impolisay da ray ganggan ko, tan ag da nginilinan so Agew na Panagpainawa—nilabay da ni so angigalang ed saray talintaoy diriyos da.

Ezekiel 20:24

Ginawak iman ta impolisay da ray bilin ko, sinumlang da ray ganggan ko, ag da nginilinan so Agew na Panagpainawa, tan angigalang irad saray talintaoy diriyos a nanlilingkuran na saray lalaki ra.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Levitico 17:7

Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

Zacarias 7:5

“Ibagam ed saray totood bansa tan saray papari ya ag da ak pinagalangan nen nanayuno tan nanermen ira nen kumalima tan kumapiton bulan legan na saraman a pitomplon taon.

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.