Amos 5:21 - Maung A Balita Biblia

²¹ Say Katawan kuanto, “Kabosul ko ray pista yo; ag ak manliket ed sikara!

Maung a Balita Biblia

²¹ Say Katawan kuanto, Kabosul ko ray pista yo; ag ak manliket ed sikara!

Amos 5:21 Iomraidhean Croise

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Probirbio 28:9

No ag mo oonuren so ganggan, kabosul na Dios a dengelen so pikakasim.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Jeremias 6:20

Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Ezekiel 23:18

Impanengneng toy sikaton dili a labus-lakseb, tan impaamta tod karaklan a sikatoy marotak a bii. Akapasnuk ak ed sikato a singa impakapasnuk kod atsi to.

Oseas 2:11

Patondaen kon amin iray pista to—saray pista ton binulan tan tinaon, say panagngilin tod Agew na Panagpainawa tan amin da ray tinandaan a pista.

Oseas 5:6

Iyaakar dan ibagat ed Katawan iray karniro ra tan saray baka ra, balet anggapoy kaabigan a nagogonggona ra. Ag da narumog so Katawan, ta tinaynan to la ra.

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Levitico 26:31

pagmaliwen kon aderalderal iray siudad yo, deralen ko ray pasen a panangigalangan yo, tan ag ko awaten iray bagat yo.

Amos 4:4

Say Katawan a Dios kuanto, “No tuan ag kayo napatonda, laka yod masanton pasen ed Betel, sikayo ran totood Israel, ta mankasalanan kayo! Laka yod Gilgal tan mankasalanan kayo ed anggaay nayarian yo! Mangawit kayo na saray ayayep ya ibagat yon kinabwasan, tan iyakar yon kapag mikatlon agew iray kakaplo yo.

Amos 4:5

Ituloy yoy pangibagat yo na tinapay diad pisalamat yod Dios, tan ipanta yoy masoluk a bagat yo! Sikato yay labalabay yon gawaen.

Amos 6:8

Say Katawan a Dios a Makapanyarin-amin et masimoon ton inter yan pasakbay: “Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.”

Amos 8:10

Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

FILIPOS 4:18

Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.