Amos 5:14 - Maung A Balita Biblia

¹⁴ Pian mambilay kayo say kamaungan so pampilalekan yon gawaen, aliwan say kaogsan. Diad satan say Katawan a Dios a Makapanyarin-amin so peteg a niwalad sikayo onung na ibabaga yo.

Maung a Balita Biblia

¹⁴ Pian mambilay kayo say kamaungan so pampilalekan yon gawaen, aliwan say kaogsan. Diad satan sa Katawan a Dios a Makapanyarin-amin so peteg a niwalad sikayo onung na ibabaga yo.

Amos 5:14 Iomraidhean Croise

Genesis 39:23

Anggapo lay sakit na olo to may inkargadoy prisowan ed antokaman a nipiad kinen Jose, ta walay Katawan ed kinen Jose tan pinaaligwas tod amin a gagawaen to.

1 Saray Awaran 28:20

Inkuanen Ari David ed anak ton Solomon, “Pabiskeg moy linawam tan ag ka natatakot. Igapom so kimey tan ag mo aabuloyan so antokaman a manebel ed sika, ta walad sika so Katawan a Dios a panlilingkuran ko. Ag to ka ikaindan; mansiansiad sika ya anggad pakasumpal moy kimey ed Timplo to.

2 Saray Awaran 15:2

insan linman inmabet ed Ari Asa. Inkuanto, “Dengel mo ak, Ari Asa, tan amin yon totood Juda tan Benjamin! Mansiansiad sikayo so Katawan, legan a mansiansia kayo ed sikato. No anapen yoy Katawan iyabuloy ton naalmo yo, balet no ibeneg yo ikaindan to kayo.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 97:10

Inaro na Katawan iray mamobosul na kaogsan; iyaagel toy bilay na saray totoo to, ilalaban to rad pakayari da ray totoon maoges.

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Probirbio 11:27

No kamaungan iray getmam, sikay napagalangan, balet no goloy anapen mo, sikatoy narumog mo.

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Amos 3:3

Makapambiahi kasin mambansag so duaran too no ag ni ra akapampaknan mambana ed sakey a pasen?

Amos 5:6

Singger kayod Katawan, et mambilay kayo. No ag kayo onsingger ed Katawan, sikatoy mamalanit a singa apoy ed saray totood Israel. Poolan na apoy iray totood Betel, tan anggapoy makaerep ed pool.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Mikias 6:8

Andi, imbagad sikatayo na Katawan no anto so maung. Say labay ton pagawad sikatayo saya: say panggawa tayo na katunongan, say pangipanengneng tayo na ag mangoman a panangaro tayo, tan say pambilay tayon mapaabeban masisiglaotan ed Dios.

Sofonias 2:3

Singger kayod Katawan, amin yon mapaabeban totoo ed bansa, sikayon manusumpal na saray ganggan to. Manggawa kayo na kaptekan, tan mampaabeba kayo ed arap na Katawan. Angangko napaliisan yoy dusa no agew ya idapo na Katawan so pasnuk to.

Saray Bilang 16:3

Nantitipon ira ed arap di Moises tan Aaron tan kuandad sikara, “Nalalabas kayo la! Amin da ray totood Israel et kayaryan ira na Katawan, tan oolupen itayon amin na Katawan. Akin sirin, Moises, et ipapasen moy sikan dili ya atagey nen saray amin a katoowan?”

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Mateo 6:33

Sikayo, balet, anap yon onona so Panarian na Dios tan say pambilay yon onung ed linawa to, et iter tod sikayoy amin a nakaukolan yo.

2 Timoteo 4:22

Niwala komun ed ispiritum so Katawan. Nawalaan kayo komuy bindision na Dios.

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”