Amos 5:12 - Maung A Balita Biblia

¹² Amtak iray ambelat a kasalanan yo tan saray dakerakel a ginagawa yon kaogsan. Pinapairap yo ray maung a totoo, nanaawat kayoy pasoksok, tan sinesebelan yo ray mairap-bilay diad pakagamur day katonungan ed saray korti.

Maung a Balita Biblia

¹² Amtak iray ambelat a kasalanan yo tan saray dakerakel a ginagawa yon kaogsan. Pinapairap yo ray maung a totoo, nanaawat kayoy pasoksok, tan sinesebelan yo ray mairap-bilay diad pakagamur day katonungan ed saray korti.

Amos 5:12 Iomraidhean Croise

Say Libro nen Job 20:19

lapud pinapairap tan inkakaindan to ray mairap-bilay, tan sinasamsam to ray abung ya impapaalagey na saray arum a totoo.

Say Libro nen Job 31:21

No walay olilan sinaol ko, lapud amtak a manalo ak ed korti,

Saray Salmo 127:5

Maliket so toon walay dakel ya ontan iran pana to! Ag balut natalo, no miarap ed saray kalaban to diad pasen a panagsintinsiaan.

Exodo 23:3

Ag yo kikilingan so mairap-bilay no salaysayen ed korti.

Exodo 23:6

“Ag yo pipikeweten so katonungan na mairap-bilay no onapireng ed korti.

Probirbio 17:8

Walay totoon abaloan da a singa salamangka so gagawaen na pasoksok; sisiaen dan nagawaan toy amin a bengatla.

Probirbio 22:22

Ag mo tatakewan so mairap-bilay lapud sarasarag mo; ag mo aanamutey pankanawnawam a mamairap ed saray totoon anggapoy nayarian no wala kayod korti.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Isaias 10:2

Ontan so panesebel yod saray mairap-bilay ed pakagamur dad saray kanepegan tan say katonungan da. Ontan so pangaala yod saray kayamanan da ray balo tan saray olila.

Isaias 29:21

Deralen na Dios iray mamapaoges na kapara ran too, saray manesebel na pakadusa da ray kriminal, tan saray mantatasiy tila pian ag niiter so katonungan da ray maptek so kabibilay da.

Isaias 33:15

Nitepel yo, no salitaen tan gawaen yoy inkatonung, no ag yo ikanay pakayari yo a mansaol ed saray mairap-bilay tan ag kayo mangawat na pasoksok, no ag kayo miolup ed saray mamplaplanon mamatey na too odino manggawa na arum a kaogsan.

Isaias 47:9

Balet diad sakey a bekta, diad sakey ya agew, nagawa ra yan dua ed sika. Anggan antoy panggawam na amin a salamangka, nabalang moy asawam tan saray anak mo.

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.

Isaias 66:18

Amtak iray kanunotan tan saray gawgawa ra. Onsabi ak a manipon ed saray totood amin a bansa. No mantitipon ira, nanengneng da no antoy nagawaan na pakayarik

Jeremias 29:23

Onyay nagawad sikara, lapud ambelabelat so ginagawa ran kasalanan—akikaloguran irad asaway kapara ran too, tan nantila rad ngaray Katawan. Sumpa yad linaway Katawan; amta to ray ginagawa ra, tan sikatoy tasi sumpad sikara. Say Katawan so nansalita.”

Saray Tagleey 3:34

Amta na Katawan no maniirap so ispiritu tayo ed dalem na prisowan;

Ezekiel 13:22

“Diad panamegley na saray panagtila yo pabebetelen yoy linawa da ray maung a totoon ag ko labay a pasakitan. Sesebelan yo ray totoo ed pangibeneg dad saray kaogsan da tan pangilaban dad bilay da.

Oseas 5:3

Amtak so kapara na Israel—ag to ak naboryan. Aliwan matoor ed siak so Israel, tan saray totoo to et marotak ira, kanyan aliwa ran manepeg a mangigalang ed siak.”

Amos 2:16

Diad satan ya agew anggan saray sankasebegan a sondalo et ikbanan da ray armas da tan ombatik ira.” Say Katawan so nansalita.

Amos 2:3

Pateyen koy manoley ed Moab tan amin a pangulo ed satan a dalin.”

Amos 5:10

Sikayo ran totoo et kabosul yoy siopaman ya onsusumpa ed kaogsan tan sasalitaen tod korti so intiron katwaan.

Amos 5:7

Pangaskasiyan kayo la, sikayon mamipikewet ed katonungan tan manlalames ed saray totoo!

Amos 8:4

Dengel kayod sayan salita, sikayo ran manggagatin ed saray walad pankaukolan tan mandederal ed saray mairap-bilay ed bansa.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Mikias 7:3

Amin da et masilib a manggaway kaogsan. Onkekerew na pasoksok iray opisyal tan saray huis. Say toon gagalangen ed bansa et ibabaga tod sikaray labay ton naala o nagawa, et mankokomplut la ra.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Saray Gawgawa 7:52

Siopan propita so ag pinapairap na saray lalaki yo? Pinapatey da ray imbabakiy Dios a mangipasakbay ed iyakar diay matonung ya Aripen to, a sikato balet so inyawat tan pinatey yo.

Deuteronomio 16:18

“Manoro kayo na saray huis tan saray arum ya opisyal ed kapag baley ya iter ed sikayo na Katawan a Dios yo. Sarayan totoo et nepeg ya ipakurang day katonungan ed saray totoo.

Deuteronomio 31:21

et amayamay a makapataktakot a deral so ondalan ed sikara. Balet nakanta yan kanta, tan magmaliw a sakey a tasi a sumpad sikara. Anggan natan, kasakbayan ko ran iyakar ed dalin ya insipan kod sikara, amtak la so nununoten da.”

Santiago 5:4

Dengel yoy riklamo da ray totoon nankimey ed dalin yo, ta ag yo ra inoopaan. Nadngel na Katawan a Makapanyarin-amin so dageyem da ray omaani yo!

Santiago 5:6

Sinintinsiaan yon nadusa tan pinatey yo ray totoon matonung; ag ira linmaban ed sikayo.

Ruth 4:1

Linmay Booz ed pasen a pandadagupay karaklan diad puirtay siudad, tan inmirung diman. Kabebekta, sinmabi may lakin asalita nen Booz ed kinen Ruth, a sikatoy sankaasinggeran a kanayon nen Elimelec. Tinawag nen Booz, “Gala dia, kaaro, ta yorung ka.” Dinmago tan inmirung.

1 Samuel 8:3

Balet ag da inalig so ama ra; kayamanan labat so pilalek dan nagamuran, kanyan nanaala ray pasoksok tan pinipekewet day katunongan.