Amos 5:11 - Maung A Balita Biblia

¹¹ Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Maung a Balita Biblia

¹¹ Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya apapaalagey yo odino oninom ed alak a manlapud saray mararakep ya ubas ya itatanem yo.

Amos 5:11 Iomraidhean Croise

Say Libro nen Job 20:19

lapud pinapairap tan inkakaindan to ray mairap-bilay, tan sinasamsam to ray abung ya impapaalagey na saray arum a totoo.

Isaias 16:10

Anggapo la natan so maliket ed saray mataban kaalogan. Anggapo la ray maneeyagan o mankakantaan ed saray kaubasan. Anggapo lay manggaway alak diad panggagatin dad saray ubas; nansamput lay paneeyagan ed liket.

Ezekiel 26:12

Akokosen na saray kalaban mo iray kayamanan mo tan saray ilalakom. Igeba da ray padir mo tan deral-deralen da ray mararakep ya abung mo. Alaen da ray bato, saray tabla tan amin ya deral-deral, insan da ra ibantak ed dayat.

Ezekiel 34:21

Impapaliis yo ray mansasakit tan binubuno yo ran pinaarawid poluk.

Oseas 9:2

Balet ag mabayag kulang so trigo yo tan say larak na oliba yo, tan anggapo la so alak.

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

Amos 2:6

Say Katawan kuanto, “Nankakasalanan iray totood Israel, kanyan andi-saew a dusaen ko ra. Ilalako ran aripen iray lalakin matonung ya ag da nabayaray utang da, saray mairap-bilay ya ag da nayarian a bayaran so anggan bili na sankatopag a sandalya.

Amos 2:7

Igagatin da ray totoon makapkapoy tan pangaskasiyan ed kipapasen tan ipapaliis dad dalan iray mairap-bilay. Saray sanama et miaakdul irad saksakey a biin aripen, kanyan dodotakan da onung ed ganggan so masanton ngaran ko.

Amos 3:15

Deralen ko ray kaabungan a para panaoy ambetel tan saray kaabungan a para panaoy tiagew. Natumban naderal-deral iray abung a dinokoraan na garing; naderal ya amin iray ankakabaleg a kaabungan.”

Amos 3:9

Ibawag mod saray manaayam ed saray palasiod Egipto tan Asdod: “Mantitipon kayod saray pokdul ed kaliber-liber na Samaria, ta nengneng yoy baleg a gewgew tan saray nagagawa a krimin diman.”

Amos 4:1

Dengel kayod saya, sikayo ran bibii a taga Samaria, ya ontataban singa saray maung so kapapakan a baka ed Basan, maruksa ed saray duruka, managpairap ed saray mairap-bilay, tan managpasoot ed kaasawaan yon maniter ed sikayoy alak ya inomen yo!

Amos 6:11

No mangganggan lay Katawan, nagaygaygay iray kaabungan, ankabaleg may ankelag ira.

Amos 6:12

Ombatik kasid baton-dampay iray kabayo? Pambaka kasi na totoo ed dayat iray baka? Balet impagmaliw yon samal so katonungan, tan pinekewet yoy kaptekan.

Amos 8:4

Dengel kayod sayan salita, sikayo ran manggagatin ed saray walad pankaukolan tan mandederal ed saray mairap-bilay ed bansa.

Amos 9:14

Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Mikias 1:6

Kanyan say Katawan kuanto, “Pagmaliwen ko a bunton na deral-deral so Samaria diad maawang a kaumaan, say pasen a taneman na saray ubas. Ibalasobus kod patar iray aderal-deral ed siudad tan paolyan kon kipaway-paway iray pundasion na siudad.

Mikias 2:2

No labay day kaalogan, sakopen da ra; no labay day kaabungan alaen da ra. Maatap so kipapasen na amin a pamilya na balang too odino say kayaryan to.

Mikias 6:15

Isibwag yo ray bokel, balet ag yo naani ray bunga ra. Mampespes kayo na larak ed bungay oliba, balet ag yo nikana so larak. Manggawa kayo na alak, balet ag yo ra nainom.

Sofonias 1:13

Nasamsam iray kayamanan da tan naderal iray kaabungan da. Ag iran balut makapanayam ed abung ya ipapaalagey da odino natawayan so alak a manlapud itatanem dan kaubasan.”

Aggeo 1:6

Nantanem kayoy dakerakel, balet dagdaiset so naani yo. Walay nanaakan yo, balet ag kayo napepesel. Walay nanainom yon alak, balet ag kayo napepenek! Walay ikakawes yo, balet ag napepetangan so laman yo. Ag makagenap a pambilay so nanaanap da ray kumikimey a miuupa.

Malakias 1:4

No ibaga na saray kabyangay boleg nen Esau salanti saray Edomita, “Aderal-deral iray baley mi, balet pasimbaloen mi ran ipaalagey,” say Katawan onebat ed satan, “Pasimbaloen da ra labat ya ipaalagey—igebak ira lamet. Tawagen ira na saray totoo, ‘Say maoges a bansa’ tan ‘Say bansan pamapasnukan na Katawan.’”

Deuteronomio 28:30

“Misipanan kayon mangasawa—balet sananey iray mangikasal ed sikara. Mamaalagey kayo na abung, balet ag yo napanayaman. Mantanem kayo na ubas, balet ag yo natawayan so bunga to.

Santiago 2:6

Balet nilemlemew yo ray mairap-bilay! Aliwa kasin saray mamayaman so mamapasegsegang ed sikayo tan mangigagayugoy ed sikayod korti?