Amos 4:9 - Maung A Balita Biblia

⁹ “Angibaki ak na ampetapetang tan makasinit a dagem, pian namagaan iray tanaman yo. Inooput na dorun iray amin a tanaman ed tanamanan yo tan diad saray kaubasan yo; inooput da ray kakiewan yon igos tan oliba. Balet siansia nin ag kayo pinmawil ed siak.

Maung a Balita Biblia

⁹ Angibaki ak na ampetapetang tan makasinit a dagem, pian namagaan iray tanaman yo. Inooput na dorun iray amin a tanaman ed tanamanan yo tan diad saray kaubasan yo; inooput da ray kakiewan yon igos tan oliba. Balet siansia nin ag kayo pinmawil ed siak.

Amos 4:9 Iomraidhean Croise

1 Saray Arari 8:37

“No walay eras ed dalin, odino salot, odino namagaan iray tanaman, odino deralen ira na saray dorun, odino dogpaan na saray kalaban iray totoom, odino mansakit o manginagem ira,

2 Saray Awaran 6:28

“No walay eras ed dalin, odino salot, odino namagaan iray tanaman, odino deralen ira na saray dorun, odino dogpaan na saray kalaban iray totoom, odino mansakit o manginagem ira,

Isaias 1:5

Akin et itutuloy moy onsumpa? Labay mon ompalaloy pakadusam? Israel, asugat-sugat lay olom, tan wala lay sakit na pusom tan say kanunotan mo.

Isaias 50:11

Sikayon mankokomplut a maneral ed saray arum et naderal kayo ed saray dilin komplut yo. Say dilin Katawan so mangyabuloy ya onyay nagawa; makapasinagem so pansumpalan yon kairapan.

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Jeremias 3:10

Kayari na sarayan amin, say Juda ya aliwan matoor a biin agi na Israel, nankonkonwarin ompawil ed siak; aliwan masimoon so impawil tod siak. Siak, say Katawan, so nansalita.”

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Oseas 11:5

“Ag da labay so ompawil ed siak, kanyan nepeg ya ompawil irad Egipto tan manoley ed sikara so Asiria.

Joel 1:4

Nantotombukan a dinmadapod saray tanaman ed kaalogan iray pigaran grupoy dorun; inooput na arum a grupo iray tanaman a kera-keray sakey a grupo.

Joel 1:7

Dinederal da ray sengeg na ubas tayo tan nginingitngit da ray kiew tayon igos. Ineekal dan impepelag iray obak ya anggad ampoti-poti ray sanga.

Joel 2:25

Ipawil kod sikayo ira may naandid sikayo diad saramay taon ya inaakan na amayamay a dorun iray tanaman yo. Siak so angibakid sikayo ra man ya amayamay a dorun.

Amos 4:6

“Siak so angipadalan na eras ed saray siudad yo, balet ag kayo pinmawil ed siak.

Amos 4:8

Saray totood arum a siudad linma ran mananap na danum ed sakey a siudad, balet anggapoy nalmo ran magenap a danum ya inomen. Et siansia nin ag kayo pinmawil ed siak.

Habacuc 3:17

Anggan anggapoy bungay igos tan saray kaubasan, anggan anggapoy naborbor ed kaolibaan tan anggapoy naanid kaalogan, anggan ompatey ya amin iray karniro tan naandian na baka iray koral,

Aggeo 2:17

Angibaki ak na makasinit a dagem tan ontan met na kristal ya angoran ed antokaman ya intanem yo, balet siansian ag kayo nagbabawi.

Malakias 3:11

Ag ko abuloyan a deralen na saray bigis iray tanaman yo, et diad ontan mambunga na amayamay iray sengeg na ubas yo.

Deuteronomio 28:22

Say Katawan ipadalan tod sikayo ray makaalis a sakit, larag, tan petang; pakisiren ton maung so danum yo tan pasinagen toy makasinit a petang na agew et naderal iray tanaman yo. Ondalan ed sikayo ra ya, anggad ag yo ipatey.

Deuteronomio 28:42

Kanen na bigis iray kakiewan tan saray tanaman yo.