Amos 4:8 - Maung A Balita Biblia

⁸ Saray totood arum a siudad linma ran mananap na danum ed sakey a siudad, balet anggapoy nalmo ran magenap a danum ya inomen. Et siansia nin ag kayo pinmawil ed siak.

Maung a Balita Biblia

⁸ Saray totood arum a siudad linma ran mananap na danum ed sakey a siudad, balet anggapoy nalmo ran magenap a danum ya inomen. Et siansia nin ag kayo pinmawil ed siak.

Amos 4:8 Iomraidhean Croise

1 Saray Arari 18:5

Inkuanen Acab ed kinen Obadias, “Tala, ta anapen tan amin iray kawalaay sobul tan saray kolus diad intiron nanarian, tan nengnengen ta no wala ray dikan nipakan tayod saray kabayo tan saray mula, pian ag ira ompatey. Angangko ag tayo mamatey na anggan sakey ed saray ayayep tayo.”

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 3:3

Sikato yay makasengeg no akin et ag onoran, tan anggan panaon lay nepnep et anggapo niy napelag ya oran. Singa marotak a bii so nengneng mo; anggapoy kababaingan mo.

Jeremias 3:7

Ninunot ko, a kayari ton gawaen ira yan amin, andi-saew ya ompawil ed siak. Balet ag pinmawil, insan say malamang ya agi ton bii a Juda et anengneng to yan agawa.

Jeremias 5:3

Andi-duaruwan aanapen na Katawan so katooran. Binakbak to kayo, balet ag yo inkabilangan; kinabil to kayo, balet ag kayo nampasimbalo. Anawet so puso yo tan ag yo ikaindan iray kasalanan yo.

Oseas 11:5

“Ag da labay so ompawil ed siak, kanyan nepeg ya ompawil irad Egipto tan manoley ed sikara so Asiria.

Oseas 7:10

Say panagpaatagey na saray totood Israel et mantatasi sumpad sikara. Anggan anto so agawa, ag ira pinmawil ed siak a Katawan a Dios da.

Amos 4:6

“Siak so angipadalan na eras ed saray siudad yo, balet ag kayo pinmawil ed siak.

Mikias 6:14

Mangan kayo, balet ag kayo napesel—diad tuay tua narasan kayo ni. Ibatik yoy amin a bengatla, balet ag yo ra niyagel; deralen kod bakal so antokaman a niyagel yo.

Aggeo 1:6

Nantanem kayoy dakerakel, balet dagdaiset so naani yo. Walay nanaakan yo, balet ag kayo napepesel. Walay nanainom yon alak, balet ag kayo napepenek! Walay ikakawes yo, balet ag napepetangan so laman yo. Ag makagenap a pambilay so nanaanap da ray kumikimey a miuupa.

Aggeo 2:17

Angibaki ak na makasinit a dagem tan ontan met na kristal ya angoran ed antokaman ya intanem yo, balet siansian ag kayo nagbabawi.