Amos 3:6 - Maung A Balita Biblia

⁶ Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Maung a Balita Biblia

⁶ Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Amos 3:6 Iomraidhean Croise

Genesis 50:20

Nankokomplutan yo ak a nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

2 Saray Arari 6:33

Ag to ni asumpal so ibabaga to nen sinmabiy ari tan kuanto, “Say Katawan so angiter ed sikatayo na sayan gunigon! Akin et manalagar ak niy antokaman a gawaen to?”

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Jeremias 4:5

Paknul yod intiron dalin na Juda so trumpita! Eyag kayoy maksil tan malinew! Ibaga yod saray totood Juda tan Jerusalem ya ombatik irad saray siudad ya aliber na padir.

Jeremias 5:22

Siak so Katawan; akin et ag yo ak takotan? Akin et ag kayo onggiwgiw ed arap ko? Impasen koy kabueran a ketegan na dayat, sakey a mansiansian ketegan ya ag to nalabsanan. Onsipwak iray daluyon to, balet ag to nalabsanan so kabueran; onungol iray daluyon to, balet ag to napalumbasan.

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Ezekiel 33:3

No nanengneng ton ondadago ray kalaban, paknulen toy trumpita a pamasakbay tod balang sakey a too.

Oseas 5:8

Sibuk yod Gabaa iray trumpitan panawag na bakal! Paknul yod Rama so pamasakbay. Iyeyag yo ed Bet-haven so para bakal! Lalaki a taga Benjamin, dogpa kayo lan mibakal!

Amos 3:5

Naerel kasid patit so sakey a manok no anggapoy nitapang ed sikato? Onsaran bigla kasi so patit no anggapo niy nala to?

Sofonias 1:16

sakey ya agew ya apaknul iray trumpitan manawag na bakal, tan maneyaeyag iray sondalon ondodogpad saray padir na siudad tan saray atatagey a tori.

Zacarias 8:10

Kasakbayan to man a panaon anggapoy toon nayarian toy mangupa na totoo odino ayayep, tan anggapoy toon ag igagaem na kalaban to. Impanbubusolan kod saman ya amin iray totoo.

Saray Gawgawa 2:23

Sayan Jesus ya impalimay Dios ed sikayo, onung ed linawa tan pakapikabat ton nanlapu lad gapoy gapo, nakar yon impaipasak ed krus tan impapatey ed saray totoon makasalanan.

Saray Gawgawa 4:28

Ginagawa ran amiy nakaukolan a nagawa, onung na inggetar mo la nen saman lapud pakayarim tan linawam.

2 CORINTO 5:11

Amta miy kabaliksan na ontakot ed Katawan, kanyan tatanggoyuren mi ray totoon ontakot ed sikato. Kabat na Dios so petepeteg ya inkatoo mi, tan iilaloan kon kabkabat yo met ed puso yo.