Amos 3:12 - Maung A Balita Biblia

¹² Say Katawan kuanto, “No panon a nabawi na pumapastol so duaran sali odino sakey a layag na karniron sinira na lion, ontan met a daiset labat so nakeraan ed saray totood Samaria a natan mandodokul irad saray mamabmablin katri.

Maung a Balita Biblia

¹² Say Katawan kuanto, No panon a nabawi na pumapastol so duaran sali odino sakey a layag na karniron sinira na lion, ontan met a daiset labat so nakeraan ed saray totood Samaria a natan mandodokul irad saray mamabmablin katri.

Amos 3:12 Iomraidhean Croise

1 Saray Arari 20:30

Saray ag apatey batik irad siudad na Afek, et apataan diman na saray padir na siudad iray duamplo tan piton libo ed sikara. Batik met ed loob na siudad si Ben-hadad, tan inmamut ed kuartod beneg na sakey ya abung.

1 Saray Arari 20:34

Inkuanen Ben-hadad ed sikato, “Ipawil kod sika ray baley a sinamsam nen amak ed kinen amam, tan nayaryan moy mamaalagey na panaglakowan ed Damasco, a singa ginawa nen amak ed Samaria.” Inmebat si Acab, “Ibolus ta ka sirin lapud saratan a paknaan.” Akipaknay Acab ed sikato, insan to la imbolus.

1 Saray Arari 22:25

“Naamtaan mo no onla kan onamut ed kuarton walad beneg,” ebat nen Micaya.

2 Saray Arari 16:9

Inmabubon si Tiglat-pileser ed kerew nen Acaz. Dinogpaan to tan saray sondalo to so Damasco, adakep da, pinatey day Ari Rezin, tan inawit dad Kir iray totoon adakep da.

Ester 1:6

Say solar diman naarkusan na ampoti tan asul iran kurtina. Aberber ira na pinon linen a purpura, tan nibitin irad saray pilak a singsing diad saray marmol a lusek. Niiyan iray yorungan a balituk tan pilak ed solar ya abaldusaan na marmol ya ampoti, ambalanga, tan saray baton mabmabli.

Ester 7:8

Nen pinmawil ed kuarto so arin nanlapud tanamanan, katiktikleb nen Haman ed yurongan a kawalaan na riyna. Diad impakanengneng na ari ed saya, inmeyag, “Sayan laki et pasooten to met so riyna ed arap ko, diad dilin loob na palasio?” Ag ni asumpal so arin mansasalita, nen kinobutan la na saray yunuko so olo nen Haman.

Saray Salmo 132:3

“Ag ak onsempet ed abung odino ondokul ed katrik;

Isaias 17:7

No onsabiy tan ya agew, onsingger iray totoo ya onkerew na tulong ed Amalsad sikara, say masanton Dios na Israel.

Isaias 31:4

Inkuan na Katawan ed siak, “Anggan panon so paningal tan paneyag na saray pastol, ag da napatakot so lion pian arawian toy pinatey ton ayep; ontan met, anggapoy makabanod siak ed pangyagel kod Palandey na Sion, siak a Katawan a Makapanyarin-amin.

Isaias 8:4

Kasakbayan a nayarian to lan ibagay ‘Ina’ tan ‘Ama,’ say ari na Asiria alaen ton isempet iray amin a kayamanan na Damasco tan amin ya asamsamsam na Samaria.”

Amos 6:4

Pangaskasiyan so kipapasen yo, sikayon maninat-inat ed saray mabmablin katri yo tan manliliket ed pandorongo yod potahin karniy kilaw na baka tan kordiro!

Amos 9:8

Siak, say Katawan a Dios, et babantayan ko yan makasalanan a nanarian na Israel, tan deralen kod tapew na dalin. Balet ag ko deralen ya amin iray kabyangay boleg nen Jacob.