Amos 2:11 - Maung A Balita Biblia

¹¹ Pinilik a propita iray pigaran anak yon lalaki, tan pinilik met a Nazareo iray pigaran tobun-balon lalaki ed sikayo. Ag ta tua yan ibabagak, sikayo ran totood Israel? Siak, say Katawan, so nansalita.

Maung a Balita Biblia

¹¹ Pinilik a propita iray pigaran anak yon lalaki, tan pinilik met a Nazareo iray pigaran tobun-balon lalaki ed sikayo. Ag ta tua yan ibabagak, sikayo ran totood Israel? Siak, say Katawan, so nansalita.

Amos 2:11 Iomraidhean Croise

1 Saray Arari 17:1

Inkuanen propita Elias a taga Tisbe na Galaad ed kinen Ari Aca, “Diad ngaran na Katawan a mabilay a Dios na Israel a panlilingkuran ko, ibagak ed sikan anggapoy napelag a linaew o oran ed loob na arapen a duara odino taloy taon ya anggad ag ko pangibagan onoran la.”

1 Saray Arari 18:4

et nen papateyen nen Jezebel iray propita na Katawan inala toy sanlasus ed sikara, pinaamut to ran alimamplo ed saray ongib, tan iniitdan to ray tagano tan nainom.)

1 Saray Arari 19:16

tan lanaan mo met a manarid Israel si Jehu a lakin anak nen Nimsi. Lanaan mo met ya onsalat ed sikan mampropita si Eliseo a lakin anak nen Safat a taga Abelmehola.

1 Saray Arari 20:13

Legan to ya, linmay sakey a propita ed kinen Ari Acab tan kuanto, “Ibabagay Katawan, ‘Ag ka ontatakot ed saraman ya amayamay a sondalo! Panaloen ta kad sayan agew, et diad ontan naamtaan mo a siak so Katawan.’”

1 Saray Arari 20:35

Lapud ganggan na Katawan, say sakey a kabyangay grupo na saray propita ingganggan toy sakey a kapara ton propita, “Kabil mo ak!” Balet ag to kinabil.

1 Saray Arari 20:41

Biglan inekal to may akabariber ed lupa to, et say ari abirbir ton tampol a sakey ed saray propita.

1 Saray Arari 22:8

Inmebat si Acab, “Wala niy sananey, si Micaya a lakin anak nen Imla. Balet kabosul ko, ta ag balut mampropropisiya na pankaabigan ko; pakaderalan kon amin.” “Ag mo nepeg ya ibaga tan!” ebat nen Josafat.

2 Saray Arari 17:13

Angibakiy Katawan na saray managpulong tan saray propita to a mamasakbay ed Israel tan Juda. Onyay impaikuantod sikara: “Ikaindan yo ray maoges a kagagawa yo tan onur yo ray bilin kon walad Ganggan ya inter kod saray lalaki yo tan impasabik ed sikayo diad panamegley na saray aripen kon propita.”

2 Saray Arari 6:1

Say grupo na saray propita ya ipapangulo nen Eliseo inkuandad sikato, “Melmelag yay panaayaman tayo!

2 Saray Awaran 36:15

Intuloy na Katawan a Dios na saray lalaki ra so angibaki na saray totoon mamasakbay ed sikara, lapud labay ton niagel iray totoo to tan say Timplo to.

Jeremias 11:21

Labay na saray totood Anatot a pateyen da ak, kanyan imbaga rad siak a pateyen da ak no ituloy koy pampulong kod ngaran na Katawan.

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Jeremias 2:5

Say Katawan kuanto: “Antoy dalem na saray lalaki yo sumpad siak? Antoy makasengeg na impangikaindan dad siak? Inggagalang da ray andi-kakanaan a talintaoy diriyos, kanyan nagmaliw iran andi-kakanaan.

Jeremias 26:11

Insan saray papari tan saray propita kuandad saray pangulo tan saray totoo, “Sayan too kanepegan toy pateyen lapud nansalita sumpad siudad tayo. Sikayon dili so akadngel ed sikato.”

Jeremias 7:25

Manlapud samay agew ya impaway ed Egipto na saray lalaki yo ya anggad natan, intutuloy koy angibakid sikayo na saray aripen kon propita.

Saray Tagleey 4:7

Anggapoy dotak da ray prinsipi tayo nen saman tan malinis iran singa yilo, maung iran impanlaman tan mabiskeg ira, balibaliy abiglaman da.

Mikias 2:6

Saray totoo pupulongan da ak a kuanda, “Ag mo kami pupulongan. Ag mo tan ipupulong ed sikami. Say Dios et ag to kami ipelag ed kababaingan.

Saray Gawgawa 4:18

Kanyan impatawag da ra lamet tan ingganggan dan ag la ran balut mansalita o mambangat na nipaakar ed kinen Jesus.

Saray Gawgawa 5:28

Inkuanto, “Mapeget mi kayon ingganggan ya ag kayo la mambabangat ed ngaran na sayan too, balet nengneng yoy ginawa yo! Inkayat yod intiron Jerusalem so bangat yo, tan ipapakasalanan yod sikami so impatey to.”

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Deuteronomio 18:18

Mangibaki ak ed sikara na sakey a propita a singa sika a manlapud saray totoo ra; salitaen kod sikatoy ibaga to tan ibaga tod saray totoo iray amin ya iganggan ko.

1 Samuel 19:20

kanyan angibakiy pigaran lalaki a mangalad sikato. Anengneng na sarayan imbaki so grupo na saray propita a mansasayaw-sayaw tan maneeyag-eyag; si Samuel so pangulo ra. Linmoob ed sikaray ispiritu na Dios, tan ginapwan da met so mansayaw-sayaw tan maneyag-eyag.

1 Samuel 3:20

Kanyan amta na amin a totood Israel, manlapud baley na Dan ya anggad baley na Beer-seba, a tuan propita na Katawan si Samuel.