Amos 1:11 - Maung A Balita Biblia

¹¹ Say Katawan kuanto, “Nankakasalanan iray totoon taga Edom, kanyan andi-saew a dusaen ko ra. Inoosilan day ispada iray lalakin agagi ra ya Israelita, tan ag da ran balut kinasian. Anggapoy anggaan so pasnuk da tan ag dan balut pinakepa.

Maung a Balita Biblia

¹¹ Say Katawan kuanto. Nankakasalanan iray totoon taga Edom, kanyan andi-saew a dusaen ko ra. Inoosilan day ispada iray lalakin agagi ra ya Israelita, tan ag da ran balut kinasian. Anggapoy anggaan so pasnuk da tan ag dan balut pinakepa.

Amos 1:11 Iomraidhean Croise

2 Saray Awaran 20:10

“Natan, dinogpaan kami na saray totood Ammon, Moab, tan Edom. Nen pinmaway ed Egipto iray lalaki mi, ag mo inabuloyan a looban da ra man a dalin, kanyan sinmaliberber ira tan ag da ra dineral.

2 Saray Awaran 20:11

Onya natan so labay dan ibales ed sikami—sinmabi ran mamagit ed sikami ed sayan dalin ya inter mod sikami.

Saray Salmo 137:7

Nunot mo pa, Katawan, so ginagawa da ray Edomita, nen agew ya adakep so Jerusalem. Nunot mo may imbabagbaga ra, “Geba yo ya anggad pundasion to!”

Saray Salmo 85:5

Andi-anggaan so pasnuk mod sikami? Ag la ontonday petang na olom ed amin a kailalakan?

Ecclesiastes 7:9

Ag ka bengatbengat mamapasnuk; inkakulang-kulang so pomokuk na sakit na linawa.

Isaias 57:16

Initdan ko na bilay iray totook, tan ag ko ituloy so pangakusak ed sikara odino pamasnuk kod sikara ed ando lan ando.

Oseas 8:3

impolisay da so kamaungan. Lapud saya osilan ira na saray kalaban da.

Joel 3:19

“Magmaliw a disirto so Egipto, tan magmaliw a dalin ya aderal-deral so Edom, lapud dinogpaan day dalin na Juda tan pinapatey da ray totoo ton anggapoy kasalanan.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Zacarias 1:15

Balet baleg so pasnuk kod saray bansa a manliliket ed kareenan, ta diad pamopokpok koy pasnuk kod saray totook, iloloor dan pairapen iray totook.

Malakias 1:2

Say Katawan kuantod saray totoo to, “Inaro ta kayo lawas.” Balet ebat da, “Panoy impangarom ed sikami?” Ebat na Katawan, “Sanagi ra di Jacob tan Esau, balet inarok si Jacob tan saray kabyangay boleg to,

Malakias 1:4

No ibaga na saray kabyangay boleg nen Esau salanti saray Edomita, “Aderal-deral iray baley mi, balet pasimbaloen mi ran ipaalagey,” say Katawan onebat ed satan, “Pasimbaloen da ra labat ya ipaalagey—igebak ira lamet. Tawagen ira na saray totoo, ‘Say maoges a bansa’ tan ‘Say bansan pamapasnukan na Katawan.’”

TAGA-EFESO 5:1

Alig yo so Dios, bangta anak to kayon inararo.

Deuteronomio 23:7

“Ag yo bobosulen iray Edomita, ta kakanayon yo ra. Ag yo met bobosulen iray Egipsio, ta nanayam kayod man nen saman ed dalin da.