Amos 1:10 - Maung A Balita Biblia

¹⁰ Lapud saya mangyakar ak na apoy ed saray padir na siudad na Tiro tan poolan ko ray tirinsira to.”

Maung a Balita Biblia

¹⁰ Lapud saya mangyakar ak na apoy ed saray padir na siudad na Tiro tan poolan ko ray tirinsira to.

Amos 1:10 Iomraidhean Croise

Jeremias 47:4

Sinmabi lay oras na paneral ed Filistia, say oras na pamatonda ed amin a nakdaan a tulong a manlapud Tiro tan Sidon. Siak, say Katawan, deralen ko ray Filisteo, amin da ray nanlapud saray gilig na Creta.

Ezekiel 26:12

Akokosen na saray kalaban mo iray kayamanan mo tan saray ilalakom. Igeba da ray padir mo tan deral-deralen da ray mararakep ya abung mo. Alaen da ray bato, saray tabla tan amin ya deral-deral, insan da ra ibantak ed dayat.

Ezekiel 26:4

Deralen da ray padir na siudad mo tan igeba da ray torim. Insan ko panisan ya amin so dabuk tan sakey a baton-dampay labat so natilak.

Ezekiel 28:18

Lapud saraman a maoges a ginagawam diad impansasaliw tan impanlalakom, nagmaliw a marotak iray pasen a panangingalangan. Kanyan pinoolan koy siudad tan tinemek kod apoy. Natan, amin da ray onnengneng ed sika, nanengneng da kan kadapudapul.

Joel 3:4

“Antoy gagawaen yod siak, sikayo ran taga Tiro, Sidon, tan amin a dalin a sakop na Filistia? Babayaran yo ak, lapud sakey a bengatla? No ontan so gagawaen yo, bayaran ta kayon tampol!

Amos 1:4

Kanyan mangyakar ak na apoy ed palasion impaalagey nen Ari Hazael tan poolan ko ray tirinsira nen Ari Benhadad.

Amos 1:7

Kanyan mangyakar ak na apoy ed saray padir na siudad na Gaza tan poolan ko ray tirinsira to.

Zacarias 9:4

Balet alaen na Katawan iray amin a bengatlan kayaryan to. Ibantak tod dayat iray kayamanan na Tiro tan temeken tod apoy.