Aggeo 2:16 - Maung A Balita Biblia

¹⁶ linma kayod bunton na trigo ya inilaloan yon makala kayoy duamplon sako, balet samsamploray wala. Linma kayon mangaur ed pananginan na limamplon galon na alak, balet duamduamploy nala yo.

Maung a Balita Biblia

¹⁶ linma kayod bunton na trigo ya inilaloan yon makala kayoy duamplon sako, balet samsamploray wala. Linma kayon mangaur ed pananginan na limamplon galon na alak, balet duamduamploy nala yo.

Aggeo 2:16 Iomraidhean Croise

Isaias 5:10

Say limaran iktarian dalin a tinanemay ubas et pangalaan labat na sakey galon ya alak. Say binin samploran sako et napananian labat na sakey sako.”

Jeremias 48:33

Naandi ray liket tan gayaga ed mabonan dalin na Moab. Ag ko la papaagosen so alak a manlapud panagpespesan na ubas; anggapo lay manggawa na alak tan anggapo la ray oneyag ed liket.

Aggeo 1:6

Nantanem kayoy dakerakel, balet dagdaiset so naani yo. Walay nanaakan yo, balet ag kayo napepesel. Walay nanainom yon alak, balet ag kayo napepenek! Walay ikakawes yo, balet ag napepetangan so laman yo. Ag makagenap a pambilay so nanaanap da ray kumikimey a miuupa.

Aggeo 2:15

Say Katawan kuanto, “Ag yo nanaimano so agawad sikayo! Kasakbayan yon inggapoy pamaalagey lamet ed Timplo,

Aggeo 2:17

Angibaki ak na makasinit a dagem tan ontan met na kristal ya angoran ed antokaman ya intanem yo, balet siansian ag kayo nagbabawi.

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.