3 Juan 1:2 - Maung A Balita Biblia

² Pinablin kaaro, pikakasik a diad amin a bengatla wala ka komun ed maung a kipapasen tan mabiskeg komun so laman mo—a singa say amtak a kinabiskeg na maispiritun bilay mo.

Maung a Balita Biblia

² Pinablin kaaro, pikakasik a diad amin a bengatla wala ka komun ed maung a kipapasen tan mabiskeg komun so laman moa singa say amtak a kinabiskeg na maispiritun bilay mo.

3 Juan 1:2 Iomraidhean Croise

Mateo 9:12

Nadngel ira nen Jesus, kanyan sikatoy inmebat, “Aliwan saray maksil so laman so mankaukolan na doktor, no ag saray mansasakit.

FILIPOS 2:27

Tuan nansakit tan inatey lawari, balet kinasiay Dios tan pati siak so kinasian to. Pati siak kuanko, ta diad inyabig to nipaliis ak ed pinasyan ermen komun.

FILIPOS 2:4

Nengneng yoy pankaabigay arum, aliwan say pankaabigan yo labat.

2 TESALONICA 1:3

Nepeg kamin misalamat lawas ed Dios lapud sikayo, agagi. Manepeg a gawaen mi ya, ta ombibiskeg a maung so pananisia yo tan ombabaleg so panaarowan yo.

2 TESALONICA 2:13

Nepeg miy misalamat lawas ed Dios lapud sikayon agagin inararoy Katawan. Misalsalamat kami, ta sikayoy inmonan piniliy Dios ya itdan toy kilalaban, diad panamegley na panamasanto na Ispiritu, tan diad panamegley na pananisia yod katwaan.

Santiago 5:12

Manonad amin, agagik, ag kayo mansasamba no mansipan kayo. Ag yo pansasambaay tawen, o say dalin, o arum ni ran pansambaan. Duga lay pangibaga yoy “On” no on, tan “Andi” no andi, pian ag kayo sintinsiaay Dios.

1 Pedro 4:8

Manonad amin, manaarowan kayon maung, ta sakuban na aro so dakerakel a kasalanan.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

3 Juan 1:1

Sayan sulat nanlapud Masiken— Diad sika, pinablin Gayo a petepeteg kon inararo.

Puyan 2:9

Amtak iray kairapan mo; amtak a mairap-bilay ka balet, diad tuay tua, mayaman ka! Amtak met no panoy pamapaoges dad sika ray mangibabagan Judio ra, anta andi; kabyangan iray olupan nen Satanas!