3 Juan 1:1 - Maung A Balita Biblia

¹ Sayan sulat nanlapud Masiken— Diad sika, pinablin Gayo a petepeteg kon inararo.

Maung a Balita Biblia

¹ Sayan sulat nanlapud Masiken. Diad sika, pinablin Gayo a petepeteg kon inararo.

3 Juan 1:1 Iomraidhean Croise

Saray Gawgawa 11:30

Ginawa ra ya sirin, kanyan impawit dad kindi Saulo tan Bernabe so kuarta ya iter dad saray mamatakken na iglisiad Judea a pinagkatulong da.

Saray Gawgawa 19:29

Kinmayat yan golo ed intiron siudad. Siningkat da ra di Gayo tan Aristarco, taga ra Macedonian kakaiba nen Pablo diad panliliber-liber to, insan da ra inggagayugoy ed plasa.

Saray Gawgawa 20:4

Akilad sikatoy Sopatro a taga Berea ya anak nen Pirro. Ontan met ya akila ra di Aristarco tan Segundo a taga ra Tesalonica, si Gayo a taga Derbe, si Timoteo, di Tikiko tan Trofimo a taga ra Asia.

Saray Taga Roma 16:23

Ibabano ki met nen Gayo a pipupundoan ko tan diad abung toy pantitiponay intiron iglisia. Ontan met, ibabano kinen Erasto a tisoriroy siudad tan si agi tayon Cuarto.

1 CORINTO 1:14

Misalamat ak ed Dios, ta si Crispo tan si Gayo labat so bininyagan kod sikayo.

1 Pedro 5:1

Siak, a sakey a matakken na iglisia, tatawagen koy imano yo, sikayon mamatakken na iglisia. Naimatunan koy impanirap nen Cristo tan minabang ak ed kagalangan a nipaamta. Pikakasik ed sikayo:

1 Juan 3:18

Anak! Ag tayo nepeg so mangaro diad panamegley na salita o balikas labat. Nepeg ya ipanengneng tayoy tuan panangaro diad panamegley na gawa.

3 Juan 1:2

Pinablin kaaro, pikakasik a diad amin a bengatla wala ka komun ed maung a kipapasen tan mabiskeg komun so laman mo—a singa say amtak a kinabiskeg na maispiritun bilay mo.