2 Timoteo 4:2 - Maung A Balita Biblia

² ipulong moy salitay Dios, ipasoot mon ibaga ed anggan anton oras; mananggoyur, mamasnuk, manimbawa, tan mananos kan mambangat.

Maung a Balita Biblia

² ipulong moy salitay Dios, ipasoot mon ibaga ed anggan anton oras; mananggoyur, mamasnuk, manimbawa, tan mananos kan mambangat.

2 Timoteo 4:2 Iomraidhean Croise

Saray Salmo 40:9

Diad pantitipon da ray amin a totoom, O Katawan, imbagak so maung a balitan Manangilaban ka. Amtam ya ag ak balut ontondan mangibagad saya.

Jonas 3:2

Inkuanto, “Lakad Ninive, say baleg a siudad, ta ibagam ed saray totood man so sinalitak ed sika.”

Lucas 7:23

Maliket so toon ag naekalay pananisia ed siak!”

Lucas 7:4

Linma ra sirin ed kinen Jesus tan akikasi ra, “Manepeg a tulongan mo yan too,

Lucas 9:60

Inkuanen Jesus, “Paolyan mo la ray inaatey a mangipompon na inaatey da. Lakan mampulong na nipaakar ed Panariay Dios.”

Saray Gawgawa 13:5

Nen sinmabi ran Salamina, impupulong day salitay Dios ed saray sinagoga na Judio. Kaiba ran katulongan da si Juan a tatawagen met na Marcos.

Saray Gawgawa 16:13

Diad Agew na Panagpainawa, pinmaway kamid puirtay siudad, tan linma kamid gilig na ilog diad sakey a pasen ya abaloan min walay panagpikasiyan da ray Judio. Inmirung tan akitongtong kamid saray bibiin nantitipon diman.

Saray Gawgawa 20:7

Diad ononan agew na sakey simba, nantitipon kami a manumpal na panagpisag na tinapay. Nampaliwaway Pablo ed saray totoo ya anggad pegley labi, ta onsiput lad kaimbuas.

Saray Gawgawa 28:16

Kasabi mid Roma, naabuloyay Pablo a manayam ed abung a bukbukor to, balet walay sakey a sondalon mambantay ed sikato.

Saray Taga Roma 10:15

Tan panon a makapampulong iray Maung a Balita, no ag ira imbaki? Onung na ibabagay Masanton Sulat, “Agaylay abig a nengnengen so isabi da ray managpulong na Maung a Balita!”

Saray Taga Roma 12:12

Manliket kid paniilalo yo, mananos kayod saray kairapan yo, tan mampikasi kayo lawas.

TAGA GALACIA 6:6

Say mambangat na salitay Dios nepeg a pinabangen ed saray kaabigan a nagagamuran da ray babangatan to.

COLOSAS 1:25

Say Dios ginawa to ak a managlingkur ed iglisia, pian natulongan ta kayo diad panggawak na kimey ya inter na Dios ed siak. Sayan kimey et say nasput a pangipulong na salitay Dios,

COLOSAS 4:3

Ipikasi yo kami pa ya itdan kamiy Dios na pankanawnawan mangipulong na salita to tan mangipaliwawa na niamut a katwaan a nipaakar ed Cristo. Ta saya so makasengeg no akin et wadya ak ya apriso natan.

1 TESALONICA 1:6

Inalig yo kami tan say Katawan. Diad impangawat yoy Maung a Balita, nanlikna kayoy ontan lan kairapan; balet anggaman ontan, walad sikayoy liket a manlalapud Ispiritu Santo.

1 TESALONICA 5:14

Agagi, ipurek mid sikayo a bilin yo ray mangiras, pabiskeg yo ray mabaing, tulongan yo ray makapoy, tan anosan yo ran amin.

1 TESALONICA 5:20

Ag yo babalawey antokaman a bangat a nanlapud Dios.

1 Timoteo 4:13

Anggad ag ko ni isabi, ikanam so oras tan biskeg mo diad pangibasam na Masanton Sulat ed saray totoon mantitipon, tan diad pampulong tan pambangat.

1 Timoteo 5:20

Pampasnukan mod arap na totoo so toon nankasalanan, pian ontakot iray arum.

2 Timoteo 2:21

Siopamay onaarawid kaogsan nikana para nidoma-doma ran getma, ta sikatoy nigana tan makana-kanad Katawan. Sikatoy sipaparaan a nikanad amin a maung iran gawgawa.

2 Timoteo 2:25

maoyamon mametek ed saray onsumlang ed sikato, ta ag la pigan saraya et itdan iray Dios na pankanawnawan mampataulid kasalanan da tan naamtaan day katwaan.

2 Timoteo 3:10

Balet sika, tinombuk moy bangat, ogali, tan getmak ed bilay. Inalig moy pananisiak, panaganos ko, panangarok, tan panagtepel ko.

Tito 1:13

Tua yan imbaga to. Lapud saya, pampasnukan mo ran maung, pian mambilay iran matonung onung ed pananisia ra,

Tito 2:15

Ibangat mo ra ya, tan ikanam so intiron pakaoley mo no manimbawa tan mamasnuk ka. Ag mo aabuloyan a lemlemewan kay siopaman.

Saray Hebreo 13:22

Kekerewen kod sikayo, agagi, ya anosan yon dengelen yan bangat kon mamabiskeg na linawa yo, ta antikey met yan sulat kod sikayo.

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.