2 Timoteo 4:16 - Maung A Balita Biblia

¹⁶ Anggapoy anggan sakey ya angibad siak nen inmonan inmarap ak ed korti. Tinaynan da ak ya amin. Ag ya komun ipakasalanan na Dios ed sikara!

Maung a Balita Biblia

¹⁶ Anggapoy anggan sakey ya angibad siak nen inmonan inmarap ak ed korti. Tinaynan da ak ya amin. Ag ya komun ipakasalanan na Dios ed sikara!

2 Timoteo 4:16 Iomraidhean Croise

Marcos 14:50

Nagsibatik ya amin iray disipulo tan tinaynan day Jesus.

Lucas 12:11

“No awiten da kayon akusaen ed saray sinagoga o diad arap da ray gobirnador o arum iran manoley, ag yo pampapagaan no panoy pangyagel yod sikayon dili o no antoy ibaga yo.

Juan 16:32

Onsabiy oras, diad tuay tua ginmapo la, a nikaykayat kayo. Onlay balang sakey ed sikayo ed labay ton laen tan natilak ak a bukor. Anggaman ontan, siansian ag ak mambukbukor, ta kaibak so Ama.

Saray Gawgawa 22:1

“Atateng tan agagi, dengel yo pay ibagak a pangyagel koy laman kon dili!”

Saray Gawgawa 25:16

Inkuankod sikara ya aliwan ogali na saray mibabaley na Roma so mandusay siopaman a naakusa no ag ni akiarapan ed saray mangaakusad sikato, tan ag ni naitday pankanawnawan mangyagel ed laman ton dili.

Saray Gawgawa 7:60

Tinmalimukor tan ineyag toy makmaksil, “Katawan, ag mo pa la ipapakasalanan ed sikara yan ginawa ra!” Kapangibaga tod saya, inatey.

1 CORINTO 13:5

say aro aliwan mabanday so kagagawa to, aliwan masiblet, o maipapasnuk; ag mamopokuk na sakit na linawa.

1 CORINTO 9:3

Onyay ebat kod saray mamabalaw ed siak:

2 CORINTO 7:11

Nengneng yo no antoy ginawad bilay yo na sayan ermen a nanlapud Dios: nagmaliw kin maseet, tan mapeleng kayon mangipapanengneng ya anggapoy kasalanan yo nipaakar ed saraman a bengatla. Saman ya impanpasnuk yo, saman ya inkapagaan yo, saman a liknaan yo, saman a panangaro yo, saman ya inkaparaan yon manusa ed makapoy a gawa! Impanengneng yon ag ki nankasalanan ed saraman a bengatla.

FILIPOS 1:17

Saray arum balet ipupulong day Cristo, aliwan lapud malinis a getma, no ag ingen lapud pilalek dan makasiblet, ta abaloan dan naaruman day irap ko legan kon walad prisowan.

FILIPOS 1:7

Wala kayon amin lawas ed pusok, kanyan manepeg ya onyay liknaan kod sikayo. Ta akinabang kid siak ya amin ed sayan pankanawnawan inter na Dios ed siak, say pankanawnawan mangyagel tan mamaneknek ed katwaay Maung a Balita, nen ag ak ni apriso ya anggad natan ya apriso ak.

2 Timoteo 1:15

Amtam a balang sakey a walad Asia et inkaindan da ak, pati di Figelo tan Hermogenes.

2 Timoteo 4:10

Imbatikan ak nen Demas lapud panangaro tod sayan mundo, tan linmad Tesalonica. Linmad Galacia si Cresente, tan si Tito, dia ed Dalmacia.

2 Timoteo 4:15

Manalwar kad sikato, ta mapalaloy impanumlang tod saray ibabangat tayo.

1 Pedro 3:15

Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.