2 Timoteo 4:10 - Maung A Balita Biblia

¹⁰ Imbatikan ak nen Demas lapud panangaro tod sayan mundo, tan linmad Tesalonica. Linmad Galacia si Cresente, tan si Tito, dia ed Dalmacia.

Maung a Balita Biblia

¹⁰ Imbatikan ak nen Demas lapud panangaro tod sayan mundo, tan linmad Tesalonica. Linmad Galacia si Cresente, tan si Tito, dia ed Dalmacia.

2 Timoteo 4:10 Iomraidhean Croise

Mateo 12:32

Napirdona so toon manlabir na bengatlan sumpad Anak na Too; balet ag napirdona so toon manlabir na bengatlan sumpad Ispiritu Santo, natan o diad arapen a panaon.”

Mateo 26:56

Balet agawa yan amin pian nasumpal so ibabaga ray propita ed Masanton Sulat.” Nagsibatik ya amin iray disipulo tan tinaynan dan bukbukor si Jesus.

Lucas 14:33

Ontan met sirin, anggapoy nayarid sikayon magmaliw a disipulok no ag to ikaindan iray amin a kayaryan tod sayan bilay.”

Lucas 16:13

“Anggapoy aripen a makapanlingkur ed duaran amo, ta bosulen toy sakey tan aroen toy sakey; panlingkuran toy sakey tan balawen toy sakey. Ag kayo makapanlingkur ed Dios tan say kayamanan.”

Lucas 17:32

Nunot yoy agawad asawa nen Lot!

Saray Gawgawa 13:13

Manlapud Pafos, binmaliw ira di Pablo tan saray kakaiba to, tan sinmabi rad Perge na Pamfilia. Balet sinmian ed sikaray Juan a tatawagen met na Marcos tan pinmawil lad Jerusalem.

Saray Gawgawa 15:38

balet ninunot nen Pablo ya ag manepeg ya awiten da, lapud ag akila ya anggad samput na kimey da, no ag ingen sinmian ed sikara diad Pamfilia.

Saray Gawgawa 16:6

Nambiahi ra di Pablo, Silas, tan Timoteo ed pasen a nasasakopan na Frigia tan Galacia, lapud sinebelan ira na Ispiritu Santo a mampulong irad Asia.

Saray Gawgawa 17:1

Dinmalan ira di Pablo tan Silas ed Amfipolis tan Apolonia, tan sinmabi rad Tesalonica. Walad may sinagoga da ray Judio,

Saray Gawgawa 17:11

Magmaung ni rad may Judion pitongtongan nen saray taga Tesalonica. Agaylay karerengel da ed ipupulong nen Pablo, tan inagew-agew dan sosokayan so Masanton Sulat, ta labay dan nengnengen no tuay ibabaga nen Pablo.

Saray Gawgawa 17:13

Balet nen nadngelan na saray Judio ed Tesalonica ya impulong met nen Pablo so salitay Dios ed Berea, pinmegdat irad man tan sinosogsogan da ray karaklan a manggolo.

Saray Gawgawa 18:23

Kalabas na pigay agew, inmalis la lamet. Binibisita to ray pasen a nasasakopay Galacia tan Frigia, tan pinapabiskeg toy pananisia da ray disipulo.

2 CORINTO 2:13

Balet mapaga ak, ta ag ko naalmod may agi tayon Tito. Kanyan nampatanir ak la, tan tinmuloy ak ed Macedonia.

2 CORINTO 7:6

Balet say Dios a manliligliwad saray nanaekalay ilalo, niligliwa to kami diad insabi nen Tito.

2 CORINTO 8:16

Ontan lay pisasalamat mid Dios, ta ginawa toy Tito a maseeseet ya ontulong ed sikayo a singa kinaseet mi!

2 CORINTO 8:23

No nipaakar ed kinen Tito, sikatoy kaibak ya ontutulong ed sikayo; nipaakar ed saray agagin milad sikato, sikaray mangilalaman na saray iglisia tan mangiiter na galang ed Cristo.

2 CORINTO 8:6

Kanyan tinanggoyur miy Tito ya ituloy to yan kimey ya inggapo to, tan ibaan to kayon manumpal ed sayan nidoman panaglingkur lapud aro.

TAGA GALACIA 1:2

Mikakasakey ed siak ya amin iray agagin kaibak dia a mangipapasabi na pabano ed saray iglisia ed Galacia:

FILIPOS 2:21

Ta anggapoy aanapey balang sakey no ag say pankaabigan ton dili, aliwan say pankaabigan nen Jesu-Cristo.

1 Timoteo 6:10

Ta say panangarod kuarta et lamut na amin a kaogsan. Wala ray nampipilalek a makatipoy kayamanan et sikato yay makasengeg na inarawian dad pananisia, tan adoyuk-doyuk so puso ra na amayamay a kaermenan.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

2 Timoteo 1:15

Amtam a balang sakey a walad Asia et inkaindan da ak, pati di Figelo tan Hermogenes.

2 Timoteo 4:16

Anggapoy anggan sakey ya angibad siak nen inmonan inmarap ak ed korti. Tinaynan da ak ya amin. Ag ya komun ipakasalanan na Dios ed sikara!

Tito 1:4

Diad sika Tito a tuan anak kod pananisian pankakasakeyan ta: Itdan kayo komun na Dios ya Ama tan si Cristo Jesus a Manangilaban tayo na bindision tan kareenan.

Filemon 1:24

Ontan met a papaibanoan ira di Marcos, Aristarco, Demas, tan Lucas a kakimeyan ko ra.

2 Pedro 2:15

Tinaynan day maptek a dalan tan sikaray abalang; tinombuk day dalan nen Balaam ya anak nen Bosor a nanliket ed kuartan nala to, lapud impanggawa toy kaogsan.