2 Timoteo 3:13 - Maung A Balita Biblia

¹³ Balet magmaliw a lalon maoges iray managgaway kaogsan tan manamalingo. Ituloy day pamalingo rad arum, balet napalingo met ira.

Maung a Balita Biblia

¹³ Balet magmaliw a lalon maoges iray managgaway kaogsan tan manamalingo. Ituloy day pamalingo rad arum, balet napalingo met ira.

2 Timoteo 3:13 Iomraidhean Croise

Say Libro nen Job 12:16

Mabiskeg so Dios tan lawas manatalo; walad silong na pakaoley to iray managpalikdo tan saray napapalikdo.

Isaias 44:20

Say ginawa to may too et anggapoy pidomaan tod pangan na dapul. Pinalikdo na makulang-kulang a kanunotan to, kanyan ag nayarian a tulongan. Ag to birbiren ed sikaton dili a say sankabembenan ton talintao et aliwan dios lamlamang.

Ezekiel 8:13

Insan inkuan na Katawan ed siak, “Nanengneng mo ni ran manggawa na saray lalon makapaingungot nen satan.”

2 CORINTO 6:8

Asalsali miy pinapagalangan tan pinapabaingan, pinapaabeba tan pinapaatagey. Nipasen kamin matila, balet katwaay sasalitaen mi.

1 Timoteo 4:1

Malinew ya ibabagay Ispiritu, a diad kaonuran iran panaon, ikaindan na saray arum so pananisia; onuren da ray manamalingon ispiritu tan tombuken da ray bangat na saray dimonyo.

2 Timoteo 3:8

Singa insumlang di Janes tan Jambres ed kinen Moises, ontan da met ira yan totoo: onsusumlang irad katwaan. Anggapo lay kamaungan a nunoten da tan andi-kakanaay pananisia ra.

Tito 3:3

Ta nen saman makulang-kulang itayo met, benger, tan apalingo. Naaripen itayoy maoges a pilalek na laman tan minumundo ran likeliket. Nambilay itayon maoges so kanunotan, maimon itayo; binobosul da itayo tan binobosul tayo ra.

2 Pedro 2:20

Saray totoon makapikabat ed Katawan tan Manangilaban tayon Jesu-Cristo et akapaliis la rad marotak a kagagawa diad mundo. Balet no ompawil ira lamet a naaripey kaogsan, lalon maoges so kipapasen da nen say gendat.

2 Pedro 3:3

Manonaan ed amin, nepeg yon amtaen a diad kaonuran iran agew wala ray mambalaw ed sikayo, saray totoon mambibilay onung ed maoges iran pilalek na laman.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.

Puyan 13:14

Pinalikdo toy katoowan ed tapew na dalin diad panamegley na saray milagron ginagawa tod arap na samay onaan ya ayep. Imbaga tod sikaran manggaway talintao na samay ayep ya asugatay ispada balet ag to impatey.

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”