2 Timoteo 2:3 - Maung A Balita Biblia

³ Minabang kad kairapan a nepeg a gawaen na matoor a sondalo nen Cristo Jesus.

Maung a Balita Biblia

³ Minabang kad kairapan a nepeg a gawaen na matoor a sondalo nen Cristo Jesus

2 Timoteo 2:3 Iomraidhean Croise

Saray Gawgawa 23:31

Inonur na saray sondalo ray ganggan ed sikara. Inala ray Pablo tan inyakar dan anggad Antipatris.

1 CORINTO 13:7

Say aro et ag balut onsuko, tan ag balut naandian na pananisia, ilalo, tan anos.

1 CORINTO 9:7

Siopa ta a sondalo so igastosan toy sikaton dili diad panlingkur to? Siopa ta a dumaralus so ag to pambilay so intanem to? Siopa ta a managkomponiy karniro so ag to ikanay gatas na karniro to?

2 CORINTO 1:6

No manirap kami, sikatoy pakaligliwaan tan pakailabanan yo; no naligliwa kami, naligliwa kayo met tan ombiskeg kayo, pian naanosan yon sakbaten so kairapan a liliknaen yo, a singa liliknaen mi.

1 Timoteo 1:18

Anak kon Timoteo, imatalek kod sika yan ganggan, onung ed saramay abayag lan propisiyan nipaakar ed sika. Saraman a salita so ikanam ya armas diad pibakal mod maung a laban,

2 Timoteo 1:1

Sayan sulat nanlapud kinen Pablo ya apostol nen Cristo Jesus onung ed linaway Dios tan nibakin mangipulong na insipan a bilay a nagamuran tayo diad pikakasakey ed Cristo Jesus—

2 Timoteo 1:8

Kanyan ag mo ibabaing so pantasim nipaakar ed Katawan, tan ag mo ak met ibabaing a priso to. Ingen, minabang kad saray kairapan lapud Maung a Balita, onung ed pakayarin inter ed sika na Dios

2 Timoteo 2:10

Lapud saya itetepel koy amin a bengatla, makasengeg ed saray pinilin totooy Dios, pian nagamuran da met komun so kilalaban a walad Cristo Jesus tan say andi-anggaan a kagalangan.

2 Timoteo 2:9

Lapud pangipupulong kod sayan Maung a Balita, maniirap ak tan natan agolunggolungan ak a singa kriminal. Balet ag agolunggolungan so salitay Dios.

2 Timoteo 3:11

Amtam so impanpapairap dad siak, ontan met ed impantetepel koy kairapan diad Antiokia, Iconio, tan Listra. Balet diad amin da ra ya, inyagel ak na Katawan.

2 Timoteo 4:5

Balet nepeg a maadya ka lawas. Itepel mo ray kairapan ya onsabid sika. Gawam so kimey na sakey a managpulong na Maung a Balita, tan say amin a kimey na sakey a managlingkur na Dios.

Filemon 1:2

tan diad iglisia a mantitipon ed abung to, diad kinen Apia ya agi min bii, tan diad kinen Arkipo a kapara min sondalo:

Saray Hebreo 10:32

Nunot yo pay agawad sikayo nen saman. Nen saman iran agew, kasumpal ya aliwawaan kayo, agaylay impaniirap yo, balet ag kayo atalo.

Saray Hebreo 11:27

Lapud pananisia, tinaynan nen Moises so Egipto tan ag to tinakotan so pasnuk na ari; mabisbiskeg so linawa to, tan singa anengneng toy ag nanengneng a Dios.

Saray Hebreo 6:15

Maanos a nanalagar si Abraham, kanyan agamuran toy insipan na Dios ed sikato.

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

Saray Huis 3:2

Ginawa to ya labat, pian nabangatan toy balang kailalakan na saray Israelita nipaakar ed bakal, nagkalalo lad saray ag nin balut akapibakal nen saman.