2 Timoteo 2:25 - Maung A Balita Biblia

²⁵ maoyamon mametek ed saray onsumlang ed sikato, ta ag la pigan saraya et itdan iray Dios na pankanawnawan mampataulid kasalanan da tan naamtaan day katwaan.

Maung a Balita Biblia

²⁵ maoyamon mametek ed saray onsumlang ed sikato, ta ag la pigan saraya et itdan iray Dios na pankanawnawan mampataulid kasalanan da tan naamtaan day katwaan.

2 Timoteo 2:25 Iomraidhean Croise

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Ezekiel 11:19

Itdan ko ra na balon puso tan balon ispiritu. Ekalen kod sikaray anawet a puso tan salatan ko na puson matoluk.

Ezekiel 12:3

“Natan, sika a toon ompatey, mambalkut kan singa gagawaen da ray adakep a nibantak tan laka la legan ya agew ni. Ipanengneng mod balang sakey ya ontataynan ka ya onlad arum a pasen. Angangko, naimano ka na saraman a mananumlang.

Ezekiel 36:26

Itdan ta kayo na balon puso tan balon isip. Ekalen kod sikayoy inmawet a puso yon singa bato tan itdan ta kayo na maonur a puso.

Ezekiel 36:31

Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.

Zacarias 12:10

“Panoen ko na ispiritu na panangasi tan ispiritu na pikakasi iray kabyangay boleg nen David tan saray arum a totoo ed Jerusalem. Onnengeng irad sakey a dinoyuk da, tan ermenan da a singa ra saray maneermen ed saksakey ya anak. Mapalaloy panermen da a singa ra saray maneermen ed impatey na panguloan ya anak a laki.

Mateo 11:29

Sakbat yoy pakok tan manaral kayod siak, ta mauyamo tan mapaabeba ak, et makapampainawa kayo.

Mateo 21:32

Ta linma diay Juan tan imbangat tod sikayoy maptek a panagbilay, et ag yo sinisia. Balet sinisia na saray sumisingil na buis tan saray marorotak a bibii. Anggaman a naimatunan yo ya, ag kayo nagbabawi tan anisiad sikato.”

Marcos 1:15

Inkuanto, “Sinmabi la so nigetar a panaon tan asingger lay Panarian na Dios! Pansibkelan yo la ray kasalanan yo, tan manisia kayo lad Maung a Balita!”

Juan 5:34

Aliwan say nakaukolan koy pantasiy too. Ibabagak ya labat ed sikayo, pian nilaban kayo.

Saray Gawgawa 11:18

Nen nadngel da ya, intonda ray pantetetel da tan indayew day Dios. “No ontan sirin,” inkuanda, “initday Dios met iray Hintil na pankanawnawan magbabawi ed saray kasalanan da, pian nagamuran day bilay!”

Saray Gawgawa 2:38

Inmebat si Pedro ed sikara, “Magbabawi kayod saray kasalanan yo, tan mampabinyag kayod ngaran nen Jesu-Cristo, et diad ontan, napirdona ray kasalanan yo. Awaten yo met ed satan so Ispiritu Santo a panangaroy Dios.

Saray Gawgawa 20:21

Impupulong kod saray Judio tan saray Hintil a nepeg day mampataulid saray kasalanan da, ompawil irad Dios, tan manisia rad Katawan a Jesu-Cristo.

Saray Gawgawa 5:21

Tinmoluk ira may apostol kanyan diad kabkabwasan, linmoob irad Timplo tan ginapoan day nambangat. Samay Pangulon Pari tan saramay kakaiba to tinawag da ray mamatakken a Judio, ta manmiting so intiron Sanidrin. Insan da impatawag ya onarap ed sikara ira may apostol.

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

Saray Gawgawa 8:22

Magbabawi ka sirin tan ibeneg mo yan maoges a pilalek mo, tan mampikasi kad Katawan a pirdonaen to ka.

TAGA GALACIA 6:1

Agagi, no walad sikayoy naplag ed kasalanan, sikayon iwawanwan na Ispiritu so mangagwat ed sikato. Maamuyot a gawaen yo ya, tan manasikaso kayon maung, ta ompan sikayoy natukso met.

1 Timoteo 2:4

a labay ton nilaban ya amin iray katoowan tan nakabatan day katwaan.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

2 Timoteo 3:7

Bibii ran aral ya aral, balet ag dan balut nakabatay katwaan.

Tito 1:1

Sayan sulat nanlapud kinen Pablo ya aripen na Dios tan apostol nen Jesu-Cristo. Nibaki ak a mamabiskeg ed pananisia da ray totoon pinili na Dios tan mangiwanwan ed sikara ed katwaan ya ontokuy ed kasantosan,

Tito 3:2

Ibagam ed sikaran ag ira mansasalitad siopaman na maoges, no ag ingen nepeg ya aliwa ran makolkol, maoyamo ra, tan maung lawas so pipiolup dad kapara ran too.

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

1 Pedro 3:15

Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.

1 Juan 5:16

No nanengneng na siopaman so agi to a manggagaway kasalanan ya ag mansusumpal ed patey, nepeg ya ipikasi to, tan say Dios itdan toy bilay yan agi. Say kipaakaran to ya et saray totoon saray kasalanan da et ag mansusumpal ed patey. Ta walay kasalanan a mansusumpal ed patey, tan ag ko ibabagan ipikasian yoy toon manggagawad saya.