2 Timoteo 2:24 - Maung A Balita Biblia

²⁴ Ag nepeg a mikolkol so kumikimey na Katawan, no ag ingen nepeg a mapangasid amin a katoowan, maung a mambangat, maanos,

Maung a Balita Biblia

²⁴ Ag nepeg a mikolkol so kumikimey na Katawan, no ag ingen nepeg a mapangasid amin a katoowan, maung a mambangat, maanos,

2 Timoteo 2:24 Iomraidhean Croise

2 Saray Awaran 24:6

Impatawag to sirin si Joiada a pangulo ra, tan tinepet to, “Akin et ag mo ni impakolikta ed saray Levita so buis da ray taga Juda tan Jerusalem, a si Moises ya aripen na Katawan et ingganggan tod saray totoo a bayaran da para Tuldan Ayamay Katawan?” (

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Daniel 6:20

Kasabi tod samay abut, mapagpagan kinmulyaot, “Daniel ya aripen na mabilay a Dios! Ayarian kan niagel ed saray lion na Dios a matoor mon panlilingkuran?”

Mateo 12:19

Ag to oningal o misangsangan, ag mambando ed saray dalan.

Juan 6:52

Lapud saya, ginmapoy ampetang a sangsangan da ray Judio. “Panoy pangiter to yan too na laman to a kanen tayo?” tinepet da.

Saray Gawgawa 15:2

Sinumlang ya nen Pablo tan Bernabe tan pinmetang so impansasangsangan da. Kanyan nampapaknaan da ya ibaki ed Jerusalem ira di Pablo tan Bernabe tan saray arum ya agagin taga Antiokia, ta itepet da yan gotgotan ed saray apostol tan saray mamatakken diman.

Saray Gawgawa 23:9

Kinmasil so ingalan da. Inmalagey iray pigaran iskriba a kakaiba ray Pariseo tan inkuandan sinmumlang, “Anggapoy naalmo min kasalanan to yan too! Ompan walan tuay sakey ya ispiritu o anghil ya akitongtong ed sikato!”

Saray Gawgawa 7:26

Nen ontombuk ya agew, anengneng toy duaran Israelita a manlalaban, tan pankakaaroen to ra. ‘Kakaaro,’ inkuanto, ‘akin et manlalaban kayo anta sanagi kayo?’

2 CORINTO 10:1

Siak, a si Pablo, so dilin mikakasid sikayo—siak ya asalitan maoyo-yamo no kaiba ta kayo, balet masebesebeg no arawi ak. Diad panamegley na inkaoyamo tan inkaabig nen Cristo, pikasik ed sikayo ya

2 CORINTO 10:4

Saray ikakana min armas et aliwan minumundon armas, no ag ingen saray mabiskeg ya armas na Dios a paneral mid saray mabiskeg a tirinsira. Dederalen miy tila-tilan katonungan;

2 CORINTO 6:4

Ingen, diad amin a gagawaen mi, ipapaamta min kumikimey kami na Dios, lapud ontan lan pantetepel mid saray segsegang, kairapan, tan kaermenan.

TAGA GALACIA 5:22

Balet say bungay Ispiritu et aro, liket, deen, anos, panangasi, kaabigan, katooran,

TAGA-EFESO 4:2

Lawas maoyamo, mapaabeba, tan maanos kayo komun. Ipanengneng yoy panangaro yo diad pantetepelan yo.

Deuteronomio 34:5

Kanyan si Moises ya aripen na Katawan inatey diman ed dalin na Moab, onung na imbagay Katawan ed sikato.

FILIPOS 2:14

Gawa yo ray amin a kimey ya anggapoy ngorongoro tan sangsangan,

FILIPOS 2:3

Ag kayo manggagaway antokaman lapu labat ed siblet yo o lapud labay yoy mampasirayew; mampaabeba kayo ingen tan ipasen yo ray arum a totoo a maung ira nen say sikayon dili.

COLOSAS 3:13

Mantutulongan kayo, tan mampipirdonaan kayo no walay irap na linaway sakey ed sananey. Mampipirdonaan kayo, onung na impamirdonay Katawan ed sikayo.

1 TESALONICA 2:7

anggaman a walay kanepegan min nadayew, lapud apostol kami nen Cristo. Balet inanosan mi kayo a singa panaanos na inan mangaasikasod saray anak to nen wadtan kamid sikayo.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

Tito 1:1

Sayan sulat nanlapud kinen Pablo ya aripen na Dios tan apostol nen Jesu-Cristo. Nibaki ak a mamabiskeg ed pananisia da ray totoon pinili na Dios tan mangiwanwan ed sikara ed katwaan ya ontokuy ed kasantosan,

Tito 1:7

Ta say panguloy iglisia nepeg ya anggapoy pakabalawan ed sikato, bangta say kimey a nipaakar ed Dios so nipalimad sikato. Nakaukolan ya aliwan mapaatagey, aliwan mapasnuk, aliwan buanges, aliwan maruksa, tan aliwan maagom.

Tito 1:9

Nepeg a bembenan ton malet so tuan salita a napanmatalkan tan ontokuy ed bangat, pian nayarian toy manimbawa onung ed tuan bangat, tan nipanengneng toy lingo da ray arum.

Tito 3:2

Ibagam ed sikaran ag ira mansasalitad siopaman na maoges, no ag ingen nepeg ya aliwa ran makolkol, maoyamo ra, tan maung lawas so pipiolup dad kapara ran too.

Santiago 1:1

Sayan sulat nanlapud kinen Santiago, aripen na Dios tan say Katawan a Jesu-Cristo: Ibabano ta kayon amin a totooy Dios, amin yon akaykayat ed intiron mundo.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

Santiago 4:2

Wala ray labalabay yo balet et ag yo ra nagamuran, kanyan mamatey ki la; wala ray pampilpilalekan yon nagamuran balet et ag yo ra naala, kanyan mikolkol tan milaban ki la. Ag yo nagagamuran iray labay yo, ta ag yo ra kekerewen ed Dios.

Josue 1:1

Kayariy impatey nen Moises ya aripen na Katawan, say Katawan akitongtong ed kinen Josue a lakin anak nen Nun tan katulong nen Moises.

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

Judas 1:3

Inararon agagi, gagawaen ko lawariy anggaay nayarian kon mansulat ed sikayo nipaakar ed kilalaban tayo. Balet lapud amtak a sikato yay nakaukolan, apasootan ak a sulaten ta kayo natan pian tanggoyuren ta kayon mangitalindeg na pananisian inter na Dios ya amimpinsan ed saray totoo to.