2 Timoteo 2:2 - Maung A Balita Biblia

² Saray salitan nadngel mod siak diad arap na amayamay a tasi so ibangat mod saray totoon napanmatalkan tan nayarian day mangibangat met ed arum.

Maung a Balita Biblia

² Saray salitan nadngel mod siak diad arap na amayamay a tasi so ibangat mod saray totoon napanmatalkan tan nayarian day mangibangat met ed arum.

2 Timoteo 2:2 Iomraidhean Croise

Esdras 7:10

Inapasakey la nen Esdras so bilay to diad panaral tan pangonur tod Ganggan, tan diad pangibangat tod saray Israelita na saray bilin tan saray totontonen a walad Ganggan.

Esdras 7:25

“Sika, Esdras, ikanam so kakabatan ya inter ed sika na Dios mo diad panorom na saray opisyal tan saray huis a manoley ed amin da ray totoo ed Sagur na Eufrates a mambibilay ira onung ed Ganggan na Dios mo. Nepeg yon ibangat itan a Ganggan ed siopaman a toon ag makaamta.

Nehemias 7:2

Insan ko impasen a manoley ed siudad na Jerusalem so duaran lalaki a di Hanani ya agik tan Hananias a pangulon opisyal na tirinsira. Anggapoy mipara ed kinen Hananias ed inkatoor to tan say inkatakot tod Dios.

Saray Salmo 101:6

Manliket ak ed saray matoor ed Dios tan panayamen ko rad palasiok. Naabuloyan a manlingkur ed siak iray nagnap a napanmatalkan.

Probirbio 13:17

Panlalapwan na gunigon iray manangibalitan ag napanmatalkan, balet kareenan so iiter da ray napampiaan.

Jeremias 23:28

Say propitan walay kogip to nepeg ton ibaga a sakey labat a kogip, balet say propitan walad sikatoy salitak nepeg a matoor ton ipulong. Antoy piparaan na dayami ed ilik?

Levitico 14:42

Insan saray arum a bato la so isalat ed saramay baton nakal, tan palitadaan la na balo so dalem na abung.

Malakias 2:7

Nepeg ya ibangat na saray papari so tuan pakapikabat ed Dios. Nepeg ya onlad sikaran mangamta na linawak iray totoo, lapud sikaray ibabaki na Katawan a Makapanyarin-amin.

Saray Bilang 12:7

Doma balet no misalita ak ed aripen kon Moises; impasen ko a makaoley ed amin a totook ya Israelita.

Mateo 13:52

Kanyan kuanto, “Ontan sirin, balang iskriban magmaliw a disipulo ed Panariay tawen, miparad akanabung a mangipaway na balo tan daan iran bengatla a manlapud panangisinupan to.”

Mateo 24:25

Tandaan yo! Imbagak la yad sikayo kasakbayan a nagawa.

Lucas 12:42

Inmebat so Katawan, “Siopa sirin so napanmatalkan tan marunong ya aripen? Say aripen ya ipasen na amo to a mangasikasoy abung to, tan mangiter na kanen da ray kapara ton aripen diad manepeg ya oras.

1 CORINTO 4:2

Nakaukolan a matoor ed amo to so toon managasikaso.

2 CORINTO 2:14

Balet salamat ed Dios, ta lawas to kamin pipilaen ed paraday pananalo nen Cristo, lapud pikakasakey mid sikato. Tan diad panamegley mi, ikakayat na Dios ed amin a pasen so pikakabat nipaakar ed Cristo, a singa ikakayat na balingit.

2 CORINTO 3:5

No diad sikamin dili labat, ag mi nipasen a nagnap so pakayari mid sayan gawa; manlalapud Dios so antokaman a pakayari mi.

COLOSAS 1:7

Nadngel yo yad kinen Epafras, say pinabli min kumikimey nen Cristo tan matoor a kakimeyan a mangilalaman ed sikami.

1 Timoteo 1:12

Misasalamat ak ed Katawan tayon Cristo Jesus, ya amabiskeg ed siak para sayan kimey ko, ta impasen to ak a manepeg diad impanoro tod siak a kumikimey to.

1 Timoteo 1:18

Anak kon Timoteo, imatalek kod sika yan ganggan, onung ed saramay abayag lan propisiyan nipaakar ed sika. Saraman a salita so ikanam ya armas diad pibakal mod maung a laban,

1 Timoteo 4:14

Ag mo papaolyay maispiritun langkap a walad sika, a niiter ed sika nen nansasalita ray propita tan intapew na mamatakken ed sika iray lima ra.

1 Timoteo 4:6

Magmaliw kan maung a managlingkur nen Cristo Jesus no ibangat mo ra yan bilin ed saray agagi. Legan mon ibabangat ira ya, tataganoen mo met so sikan dili na maispiritun kakanen, salanti saray salitan nipaakar ed pananisia tan say tuan bangat ya oonuren mo la.

1 Timoteo 5:22

Ag ka maganat a mangitapew na limam a pangiter mod siopaman na pakayarin mangipangulod kimey ed iglisia. Ag ka mibibiang ed kasalanay arum. Mansiansia kan ag namansaay kasalanan.

1 Timoteo 6:12

Gawam so anggaay nayarian mon mibakal nipaakar ed pananisia, tan nagamuran mod satay bilay ya andi-anggaan ya anawagay Dios ed sika nen impaamtam so pananisiam ed arap na amayamay a tasi.

2 Timoteo 3:10

Balet sika, tinombuk moy bangat, ogali, tan getmak ed bilay. Inalig moy pananisiak, panaganos ko, panangarok, tan panagtepel ko.

2 Timoteo 3:14

Balet mansiansia kad katwaan ya inaral mo tan malet a panisiaan mo bangta kabkabat mo no siopa ray nambangat ed sika.

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

1 Samuel 2:35

Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.