2 Timoteo 1:8 - Maung A Balita Biblia

⁸ Kanyan ag mo ibabaing so pantasim nipaakar ed Katawan, tan ag mo ak met ibabaing a priso to. Ingen, minabang kad saray kairapan lapud Maung a Balita, onung ed pakayarin inter ed sika na Dios

Maung a Balita Biblia

⁸ Kanyan ag mo ibabaing so pantasim nipaakar ed Katawan, tan ag mo ak met ibabaing a priso to. Ingen, minabang kad saray kairapan lapud Maung a Balita, onung ed pakayarin inter ed sika na Dios

2 Timoteo 1:8 Iomraidhean Croise

Saray Salmo 119:46

Ibawag kod saray arari iray ganggan mo, et ag ak ombaing.

Saray Salmo 19:7

Ayadyari so ganggan na Katawan; papasimbaloen toy biskeg na too. Napanmatalkan iray ganggan na Katawan; mangiiter ira na kakabatan ed saray anggapoy amta.

Isaias 51:7

“Dengel yo ak, sikayon makaamta na inkatonung, sikayo ran mabmabli ed puso, yoy bangat ko. Ag kayo natatakot no balbalawen tan pabpabaingan kayo na saray totoo;

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Marcos 8:38

Kanyan siopamay mangibaing ed siak tan saray salitak ed sayan panaon a makasalanan tan ag mamirbir ed Dios, sikato met so ibaing na Anak na Too, no onla dian ompawil a kataruk toy kagalangay Ama tan kaiba to ray masanton anghil.”

Lucas 9:26

Siopamay mangibaing ed siak tan saray salitak, sikato met so ibaing na Anak na Too, no onla dian ompawil a kataruk toy kagalangay Ama, tan kaiba to ray masanton anghil.

Juan 15:27

Tan mantasi kayo met na nipaakar ed siak, ta kaiba ta ki lan nanlapud gapo.

Juan 19:35

Pinaneknekan ya na akanengneng ed sayan inkagawa. Tuay impamaneknek to, ta amta ton katwaan iray sinalita to pian manisia kayo met.

Saray Gawgawa 5:41

Maliket iray apostol a tinmaynan ed arap na Sanidrin, lapud impasey Dios a manepeg iran manirap na kababaingan lapud ngaran nen Jesus.

Saray Taga Roma 1:16

Ag ko ibaing so Maung a Balita, ta sikatoy pakayariy Dios a mangilaban ed amin a manisia, onona ray Judio, insan saray Grigo.

Saray Taga Roma 16:25

Idayew tayoy Dios a nayarian ton pabiskegey pananisia yo, onung ed Maung a Balitan nipaakar ed Jesu-Cristo ya ipupulong ko; onung ed inkibawag na abaybayag lan niamut a katwaan.

Saray Taga Roma 8:36

Onung na ibabagay Masanton Sulat, “Lapud sika, ngalngali kami ompatey ed loob na sanagew; nipapasen kamin singa karniron papatayen.”

Saray Taga Roma 9:33

onung na ibabagay Masanton Sulat, “Nengneng yo, mangyan ak ed Sion na baton pakapateran, sakey a baleg a baton pakapatakbaan. Balet siopamay manisiad sikato ag nabaingan.”

1 CORINTO 1:6

Saray bangat a nipaakar ed Cristo et kinmetket la rad sikayo,

2 CORINTO 6:7

diad panangipulong miy katwaan, tan diad pakayariy Dios. Say katonungan so armas mid pananigbat tan pananamper.

TAGA-EFESO 3:1

Lapud saya, siak a si Pablo, say priso nen Cristo Jesus makasengeg ed sikayo ran Hintil, et mampipikasid Dios.

TAGA-EFESO 3:13

Kanyan kekerewen kod sikayon ag yo pakakapoyey linawa yo lapud paniirap kon para sikayo, ta pankaabigan yo met lamlamang ya.

TAGA-EFESO 4:1

Kanyan siak, sakey a priso lapud panlilingkur kod Katawan, kekerewen kod sikayo a mambilay kayo onung ed manepeg ya anawagay Dios ed sikayo.

TAGA-EFESO 4:17

Diad ngaray Katawan sirin, ibabagak tan ipupurek kod sikayo: ag ki la mambibilay a singa saray Hintil, ya andi-kakanaay kanunotan da

FILIPOS 1:7

Wala kayon amin lawas ed pusok, kanyan manepeg ya onyay liknaan kod sikayo. Ta akinabang kid siak ya amin ed sayan pankanawnawan inter na Dios ed siak, say pankanawnawan mangyagel tan mamaneknek ed katwaay Maung a Balita, nen ag ak ni apriso ya anggad natan ya apriso ak.

FILIPOS 3:10

Say pilalek ko lan nagamuran natan et say pakapikabat kon maung ed Cristo, say pakasalik na pakayariy inkioli to, say pakapinabang kod impanirap to, tan say pakapiparak ed impatey to,

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

1 TESALONICA 3:4

Ta nen wadtan kamin kaiba yo impasakbay mi lad sikayon napairap itayo—tan amta yo a sikaton tuay agawa.

1 Timoteo 2:6

ya inter toy sikaton dili a panondon ed amin a katoowan. Sikato yay pakanengnengay pilalek na Dios, tan nipanengneng ed niganan panaon.

2 Timoteo 1:10

Balet nipaamta ya nen sinmabiy Cristo Jesus a Manangilaban tayo. Inekal toy pakayariy patey, tan impaamta toy bilay ya andi-anggaan diad panamegley na Maung a Balita.

2 Timoteo 1:12

tan sikato yay makasengeg ya onya lay paniirap ko. Anggaman ontan, ag ko ibabaing yay nagagawad siak ta amtak no siopay panmamatalkan ko tan ag ko panduaruwaan a naasikaso ton maung, anggad saman ya Agew, so inmatalek kod sikato.

2 Timoteo 1:16

Kasian komun na Katawan so intiron pamilya nen Onesiforo, ta amimpiga-piga to ak a niligliwa. Ag to imbaing so inkaprisok,

2 Timoteo 2:3

Minabang kad kairapan a nepeg a gawaen na matoor a sondalo nen Cristo Jesus.

2 Timoteo 2:8

Nunot moy Jesu-Cristo a pinaolid bilay tan nanlapud boleg nen David, onung na ibabagay Maung a Balitan ipupulong ko.

2 Timoteo 2:9

Lapud pangipupulong kod sayan Maung a Balita, maniirap ak tan natan agolunggolungan ak a singa kriminal. Balet ag agolunggolungan so salitay Dios.

2 Timoteo 4:17

Balet inibaan tan pinabiskeg ak na Katawan, kanyan ayarian kon impulong a sigput so salita, pian narengel na saray amin a Hintil; tan nilaban ak ed sangiy lion.

2 Timoteo 4:5

Balet nepeg a maadya ka lawas. Itepel mo ray kairapan ya onsabid sika. Gawam so kimey na sakey a managpulong na Maung a Balita, tan say amin a kimey na sakey a managlingkur na Dios.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

1 Juan 4:14

Anengneng mi tan papaneknekan mid saray arum a say Ama imbaki toy Anak to a Manangilaban na sankamundoan.

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to—

Puyan 1:2

tan imbaga nen Juan ya amin iray anengneng to. Sikato yay pamapaneknek to nipaakar ed salitan nanlapud Dios tan say katwaan a tinasian nen Jesu-Cristo.

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.

Puyan 12:11

Tinaloy agagi tayo so Diablo, diad panamegley na dala na Kordiro tan diad panamegley na impantasi rad katwaan; ag da kinawanay bilay da tan nilabay day anggan ompatey.

Puyan 19:10

Dinmakmomo ak ed saliyan to a mangigalang ed sikato, balet inkuanto, “Aleg! Sakey ak met ya aripen a singa sika tan saray agagim ya amaneknek na katwaan ya impaamta nen Jesus. Say Dios so igalang mo!” Ta say katwaan ya impaamta nen Jesus sikatoy ispiritu na propisiya.