2 Timoteo 1:13 - Maung A Balita Biblia

¹³ Gawam ya oliran na bilay mo ray imbangat kod sika, ta katwaan iran salita. Mansiansia kad pananisia tan panangaro, a wala rad sikatayo lapud pikakasakey ed Cristo Jesus.

Maung a Balita Biblia

¹³ Gawam ya oliran na bilay mo ray imbangat kod sika, ta katwaan iran salita. Mansiansia kad pananisia tan panangaro, a wala rad sikatayo lapud pikakasakey ed Cristo Jesus.

2 Timoteo 1:13 Iomraidhean Croise

Probirbio 23:23

Say katwaan, say kakabatan, say bilin, tan say pakatalus et manepeg iran panggastosan; mabmabli ra kanyan ag mo ra ilalako.

Probirbio 3:18

Maliket iray totoon magmamaliw a makabat; say kakabatan itdan to ra na bilay.

Probirbio 3:21

Anak ko, bembenan moy kakabatan tan pakatalus a walad sika; ag mo ra iikbanan.

Probirbio 4:13

Nunot mo lawas so naaral mo. Say aral mo sikatoy bilay mo—simpitan mon maung.

Probirbio 8:14

Mamplaplano ak tan susumpalen ko ra. Walay pakatalus ko, tan mabiskeg ak.

Saray Taga Roma 2:20

sakey kan managbangat ed saray makulang-kulang tan saray mamalangwer. Anggapoy panduaruwam a diad Ganggan walad sikay amin a kakabatan tan katwaan.

Saray Taga Roma 6:17

Balet, salamat ed Dios, ta sikayon gendat ya aripey kasalanan et nagmaliw ki lan maonur ed bangat ya inawat yo.

FILIPOS 1:27

Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

FILIPOS 4:9

Gawa yo ray bengatla onung na naaral, naawat, nadngel tan anengneng yod siak. Diad ontan, niwalad sikayoy Dios a manangiter na kareenan.

COLOSAS 1:4

Ta abalitaan miy nipaakar ed pananisia yod Cristo Jesus, tan say panangaro yod amin a totooy Dios.

1 TESALONICA 5:21

Subok yoy amin a bengatla tan pili yo ray maung.

1 Timoteo 1:10

saray managgaway inmoralidad, saray lalakin miaakdul ed kapara ran lalaki, saray managalay ogaw, saray matitila, saray tasin tilay tatasian da tan saray manggagaway antokaman ya onsumlang ed tuan bangat.

1 Timoteo 1:14

Say Katawan inibung tod siak so ag nasabsabaan a bindision to tan initdan to ak na pananisia tan aro a walad sikatayo diad pikakasakey tid Cristo Jesus.

1 Timoteo 6:3

Siopamay mangibangat na nidoman bangat tan ag onabubon ed saray tuan salita na Katawan tayon Jesu-Cristo tan say bangat a nipaakar ed rilihion tayo,

2 Timoteo 1:1

Sayan sulat nanlapud kinen Pablo ya apostol nen Cristo Jesus onung ed linaway Dios tan nibakin mangipulong na insipan a bilay a nagamuran tayo diad pikakasakey ed Cristo Jesus—

2 Timoteo 1:14

Diad tulong na Ispiritu Santo a manaayam ed sikatayo, asikasom so maung a bengatlan nimatalek ed sika.

2 Timoteo 2:2

Saray salitan nadngel mod siak diad arap na amayamay a tasi so ibangat mod saray totoon napanmatalkan tan nayarian day mangibangat met ed arum.

2 Timoteo 3:14

Balet mansiansia kad katwaan ya inaral mo tan malet a panisiaan mo bangta kabkabat mo no siopa ray nambangat ed sika.

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

Tito 1:9

Nepeg a bembenan ton malet so tuan salita a napanmatalkan tan ontokuy ed bangat, pian nayarian toy manimbawa onung ed tuan bangat, tan nipanengneng toy lingo da ray arum.

Tito 2:1

No say sika balet, salitam so ontokuy ed tuan bangat.

Tito 2:8

Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

Saray Hebreo 10:23

Paeleten tayoy ilalo tayo tan ag tayo mapaga, ta matoor so Dios a nansipan ed sikatayo.

Saray Hebreo 3:6

Balet si Cristo matoor ya Anak ya inkargadod abung na Dios. Sikatayoy abung to, no mansiansiay panagmatalek tan biskeg na linawa tayo ed iilaloan tayo.

Saray Hebreo 4:14

Kanyan pabiskegen tayo lawas so pananisia tayo, ta walay matalonggaring a Pangulon Pari tayo a linmoob ed kawalaay Dios—si Jesus ya Anak na Dios.

Judas 1:3

Inararon agagi, gagawaen ko lawariy anggaay nayarian kon mansulat ed sikayo nipaakar ed kilalaban tayo. Balet lapud amtak a sikato yay nakaukolan, apasootan ak a sulaten ta kayo natan pian tanggoyuren ta kayon mangitalindeg na pananisian inter na Dios ya amimpinsan ed saray totoo to.

Puyan 2:25

Balet pansiansia yo ya anggad isabik iray kamaungan a walad sikayo.

Puyan 3:11

Magano lay isabik. Asikasom iray walad sika, pian anggapoy makasamsam ed koronam.

Puyan 3:3

Nunot mon maung sirin no anto ray nibangat ed sika tan nadngel mo. Sumpal mo ra, tan mampatauli ka. No ag ka onliing, singa ak matakew ya onlad sika—ag mo amta so oras na isabik.