2 Timoteo 1:10 - Maung A Balita Biblia

¹⁰ Balet nipaamta ya nen sinmabiy Cristo Jesus a Manangilaban tayo. Inekal toy pakayariy patey, tan impaamta toy bilay ya andi-anggaan diad panamegley na Maung a Balita.

Maung a Balita Biblia

¹⁰ Balet nipaamta ya nen sinmabiy Cristo Jesus a Manangilaban tayo. Inekal toy pakayariy patey, tan impaamta toy bilay ya andi-anggaan diad panamegley na Maung a Balita.

2 Timoteo 1:10 Iomraidhean Croise

Isaias 43:3

Ta siak so Katawan a Dios mo, say masanton Dios na Israel, a mangilalaban ed sika. Ipatalok so Egipto, Etiopia tan Seba pian narondon ka.

Isaias 45:15

Say Dios na Israel a mangilalaban ed saray totoo to et Dios ya iyaamut toy sikaton dili.

Isaias 45:21

Dago kayo tan iparontal yod korti so dalem yo; mampapanonan komun iray nidalem. Siopay abayag lan angipasakbay ed agawa? Aliwa tan siak, say Katawan, say Dios so mangilalaban ed saray totoo to? Anggapo lay arum a Dios likud ed siak.

Oseas 13:14

Ag ko ra ilaban ed pakayari na pasen a panaayaman da ray inaatey odino iyagel ira ed pakayari na patey. O patey, ipadalan mo lay salot mo! O pasen a kawalaan da ray inaatey, ipadalan mo lay panagderal mo! Ag ko la kasian ira yan totoo.

Lucas 11:36

No walay liwawa so intiron laman mo tan anggapon balut so kabyangan ton walad ambilonget, naliwawaay nagnap, tan singa nawawandagan kay maliwliwawan silew.”

Lucas 13:7

Kanyan inkuantod inkargado to, ‘Taloy taon lan oonla ak dian mananap na bunga to yan kiew, balet anggapoy naalmok. Batang mo la, ta dadaraken to labat so tabay dalin!’

Lucas 2:11

Ta diad sayan agew, nianak ed baley nen David so Manangilaban, say Criston Katawan!

Juan 1:9

Onsasabi diad mundo so tuan silew tan sikatoy mangiiter na liwawa ed saray katoowan.

Juan 14:6

Inmebat si Jesus, “Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 20:31

Balet nisulat iray logan to yan libro, pian manisia kayon si Jesus et sikatoy Cristo, say Anak na Dios, tan lapud sayan pananisia yo, nawalaan kayoy bilay ya andi-anggaan ed ngaran to.

Juan 4:42

Kanyan imbaga rad samay bii, “Manisia kami la natan, aliwan lapud samay imbagam, no ag lapud nadngel min dili; tan amta mi a sikaton tuay Manangilaban na sankamundoan.”

Juan 5:40

Balet, ag yo labay so onsingger ed siak pian nawalaan kayoy bilay.

Saray Gawgawa 13:23

Say Dios, onung ed insipan to, inter ton Manangilaban na saray totood Israel si Jesus a kabyangay boleg nen David.

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

Saray Taga Roma 16:26

Nibawag la ya natan a katwaan diad panamegley na saray insusulat da ray propita; tan lapud ganggan na andi-anggaan a Dios, nipakabat ed saray amin a bansa pian manisia tan mangonur iray amin a katoowan.

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Taga Roma 3:31

Lapud sayan pananisia, ekalan mi kasiy kakanaan so Ganggan? Andin balut! Itatalindeg mi ingen so Ganggan.

Saray Taga Roma 6:6

Amta tayon kaiba nen Cristo a nipasak ed krus so daan ya inkatoo tayo, pian naderal so makasalanan ya inkanatural tayo, et diad ontan ag ti la paaripen ed kasalanan.

1 CORINTO 15:26

Say patey so kaonuran a tatalowen.

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

2 CORINTO 5:4

Ta diad panaayam tid sayan tulda, say laman a mangaraldalin, manngesnges itayod kairapan aliwan lapud labay ti lan naandi yan laman a mangaraldalin, no ag ingen labay ti lan nasalatan na mangatatawen a laman. Diad ontan, say laman tayon ompatey et nasalatan na bilay ya andi-anggaan.

TAGA GALACIA 5:4

Sikayon mampipilalek a magmaliw a matonung ed arap na Dios diad panamegley na panangonur ed Ganggan et nisian kayod Cristo tan wala kayod paway na baleg a panangaroy Dios.

TAGA-EFESO 1:18

Ipipikasik a naliwawaan komuy kanunotan yo pian naamtaan yo no antoy ilalon impanawagan tod sikayo, no panoy kayaman na makapakelaw iran bindision ya insipan ton ipatawir ed saray totoo to,

TAGA-EFESO 1:9

ginawa to so ginetma to la nen saman tan impaamta tod sikatayoy maamut a plano to a sumpalen ton sumpalen diad panamegley nen Cristo.

2 TESALONICA 2:8

No nakal la, ompaway la yan Maoges, tan sikatoy pateyen na Katawan a Jesus no onsabi, diad panamegley na ingas to, tan deralen to diad panamegley na mapagalang ya isabi to.

2 Timoteo 1:1

Sayan sulat nanlapud kinen Pablo ya apostol nen Cristo Jesus onung ed linaway Dios tan nibakin mangipulong na insipan a bilay a nagamuran tayo diad pikakasakey ed Cristo Jesus—

2 Timoteo 1:8

Kanyan ag mo ibabaing so pantasim nipaakar ed Katawan, tan ag mo ak met ibabaing a priso to. Ingen, minabang kad saray kairapan lapud Maung a Balita, onung ed pakayarin inter ed sika na Dios

2 Timoteo 4:1

Bibilinen ta ka, diad arap na Dios tan arap nen Cristo Jesus a manintinsia ed saray mabilay tan saray inatey: lapud say isabi to tan say Panarian to, igaganggan ta kan

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

Tito 2:11

Ta impaamta na Dios so baleg a panangaro to a mangiter na kilalaban ed amin a katoowan.

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

Tito 3:4

Balet nen nipanengneng so panangasi tan panangaroy Manangilaban tayon Dios,

Saray Hebreo 10:32

Nunot yo pay agawad sikayo nen saman. Nen saman iran agew, kasumpal ya aliwawaan kayo, agaylay impaniirap yo, balet ag kayo atalo.

2 Pedro 1:1

Sayan sulat nanlapud kinen Simon Pedro, ya aripen tan apostol nen Jesu-Cristo— Diad saray kapara min angawat na mablin pananisia diad panamegley na inkatonung na Dios tan Manangilaban tayo a Jesu-Cristo:

2 Pedro 1:11

Diad ontan, nawalaan kayoy nagnap a kanepegan ya onloob ed andi-anggaan a Panarian na Katawan tan Manangilaban tayon Jesu-Cristo.

2 Pedro 1:3

Say pakayariy Dios et initdan to itayoy amin a bengatlan nakaukolan ed pambilay a matoor ed Dios, diad panamegley na pakapikabat tid samay anawag ed sikatayon minabang ed kagalangan tan kamaungan to.

2 Pedro 2:20

Saray totoon makapikabat ed Katawan tan Manangilaban tayon Jesu-Cristo et akapaliis la rad marotak a kagagawa diad mundo. Balet no ompawil ira lamet a naaripey kaogsan, lalon maoges so kipapasen da nen say gendat.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

2 Pedro 3:2

Labay kon nunoten yo lawas iray sinasalita nen saman na saray masanton propita, tan say ganggan na Katawan tan Manangilaban ya imbangat na saray apostol a nibakid sikayo.

1 Juan 1:2

Nen nagmaliw a nanengneng yan bilay, anengneng mi. Sasalitaen mi tan ibabaga mid sikayoy nipaakar ed bilay ya andi-anggaan a kaibay Ama tan nipaamta ed sikami.

1 Juan 4:14

Anengneng mi tan papaneknekan mid saray arum a say Ama imbaki toy Anak to a Manangilaban na sankamundoan.

Puyan 18:1

Kasumpal to ya, anengneng kon onleleksab a nanlapud tawen so sakey ya anghil. Balbaleg so pakayari to tan asindagay intiron mundo lapud liwawa to.

Puyan 2:7

“Sikayo ran walay layag, dengel yoy ibabagay Ispiritu ed saray iglisia! “Saray manalo itdan ko ray kanepegan a mangan na bungay kiew na bilay ed Paraiso na Dios.

Puyan 20:14

Insan nibantak ed dayat ya apoy so patey tan say Hadis. (Sayan dayat ya apoy so kumadwan patey.)

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.

Puyan 22:17

Inkuan na Ispiritu tan say Nobia, “Gala dia!” Nepeg ya amin da ray makadngel ed saya ikuanda met, “Gala dia!” Siopamay napgaan, onasingger; siopamay malabay, mangala na anggapoy bayar a danum na bilay.