2 TESALONICA 3:8 - Maung A Balita Biblia

⁸ Ag kami angawat ed sikayo na antokaman ya ag mi binayaran. Agew-labi kamin nankimey tan nansagput, pian ag kami makabelabelat ed anggan siopa.

Maung a Balita Biblia

⁸ Ag kami angawat ed sikayo na antokaman ya ag mi binayaran. Agew-labi kamin nankimey tan nansagput, pian ag kami makabelabelat ed anggan siopa.

2 TESALONICA 3:8 Iomraidhean Croise

2 Saray Arari 6:2

Abuloyan mo kamin onlad Jordan, ta mamatang kami na saray kiew, pian makapaalagey kamiy babaleg a panayaman tayo.” “On, lakayo,” ebat nen Eliseo.

Nehemias 5:18

Inagew-agew a nansaklang ak na sakey a baka, anemiran sankaabigan a karniro, tan amayamay a manok. Kapag samploy agew sasalatan koy ipaparongok a sawasawaan ya alak. Anggaman ontan, ag ko inala so kuartan kanepegan ya awaten na gobirnador, ta ambelat la so sasakbaten na saray totoo.

Probirbio 31:27

Wala lawas so gagawaen to tan iiter to ray nakakaukolan na pamilya to.

Mateo 6:11

Itdan mo kami pay kanen mid sayan agew.

Saray Gawgawa 18:3

Akiayam tan akikimey ed sikara, ta managgawa ray tulda a kapara to.

Saray Gawgawa 20:34

Kabat yo met ya impankimey ko ra yan limak, pian makalmo ak na onkana ed siak tan saray kakaibak.

1 CORINTO 4:12

Mapalaloy kababanalan mid panagkimey mi. No nisasamba kami, mamibindision kami; no napapairap kami, itetepel mi;

1 CORINTO 9:4

Anggapo tay kanepegan min naitday kanen tan inomen?

2 CORINTO 11:27

Asalik so nankikimey tan nansasagput; ontan met a naynay so puyat, eras, tan kaapgaan. Naynay a kulang so kanen, ikawes tan siruman ko.

2 CORINTO 11:9

Nen wadtan ak tan kinmulang ak na kuarta, ag ta ki sinigensigen, ta amin a nakaukolan ko et inawit ed siak na saray agagin sinmabi a nanlapud Macedonia. Singa nen saman la, tan anggan kapigan, ag ko labay so pasakbat ed sikayo.

TAGA-EFESO 4:28

Say toon matakew nakaukolan ya ag la mantakew, no ag ta mankimey la na anggan anton aliwan mabanday a kimey, pian makatulong ed saray mairap-bilay.

1 TESALONICA 2:9

Natandaan yo ni, agagi, so impansasagput tan impankekesaw mi; nankimey kamid agew tan labi pian ag kami la makasakisakit na olod siopaman legan min ipupulong ed sikayo so Maung a Balitan nanlapud Dios.

1 TESALONICA 4:11

Gawa yoy anggaay nayarian yon mambilay a mareen. Arap yo labat so kimey yon bukor tan mananap kayoy pambilay yo, onung na ingganggan mi lad sikayo.

2 TESALONICA 3:12

Diad ngaray Katawan a Jesu-Cristo, igaganggan tan sisimbawaen mi ra tan a totoo, a mananap iray anapay bilay da tan mambilay la ran maoksuy.