2 TESALONICA 1:5 - Maung A Balita Biblia

⁵ Sikato yay pakanengnengay matonung a pananintinsiay Dios, ta lapud saya naako kayon manepenepeg ed Panariay Dios, a makasengeg na paniirapan yo.

Maung a Balita Biblia

⁵ Sikato yay pakanengnengay matonung a pananintinsiay Dios, ta lapud saya naako kayon manepenepeg ed Panariay Dios, a makasengeg na paniirapan yo.

2 TESALONICA 1:5 Iomraidhean Croise

Say Libro nen Job 8:3

Pikeweten sirin na Dios so katunongan? Pikeweten to sirin so kaptekan?

Saray Salmo 111:7

Sikatoy matoor tan matonung ed amin a gagawaen to; napanmatalkan ya amin iray ganggan to.

Saray Salmo 33:5

Inaroy Katawan so katonungan tan say kaptekan; say mundo napno na ag mangoman a panangaro to.

Saray Salmo 50:6

Ibabawag da ray katawenan a matonung so Dios tan sikaton dili so huis!

Saray Salmo 72:2

pian maptek so panoley tod saray totoom, tan matonung so panoley tod saray napapairap.

Saray Salmo 99:4

Makapanyarin ari, inarom so inkatonung; inletneg moy inkatonung ed Israel; inawit moy kaptekan tan kaalasan.

Jeremias 9:24

No walay labay toy mampasirayew, nepeg ya ipasirayew to ya amta to ak tan natalusan to ak, ta ag mangoman so panangarok, tan gagawaen ko so katonungan tan kaptekan ed intiron mundo. Sikara yay bengatlan panliketan ko. Siak, say Katawan, so nansalita.”

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Lucas 20:35

Balet saray lalaki tan saray bibiin nibilang ed saray manepeg ya onolid bilay, tan makakar ed biek a bilay, ag la ra mangasawa o miasawa.

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.”

Saray Gawgawa 13:46

Balet lalon tinmepel so linawa di Pablo tan Bernabe a nampulong. Inkuanda, “Nepeg a sikayoy onaan a pangipulongay salitay Dios. Balet lapud ag yo awaten, tan sisintinsiaan yoy sikayon dili ya ag kayo manepeg a makagamur na bilay ya andi-anggaan, taynan mi kayo tan onla kami lad saray Hintil.

Saray Gawgawa 14:22

Pinabiskeg day linawa na saray disipulo, tan binilin da a mansiansia ran matoor ed pananisia. Inkuanda met ed sikara, “Dakel iray nepeg tin palabasen ya irirap diad iloob tayod Panariay Dios.”

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Saray Taga Roma 8:17

Et natan ta anak itayo lay Dios, mananawir ti la na Dios tan kaiba tin mananawir si Cristo. Ta no minabang itayod kairapan to, minabang itayo met ed kagalangan to.

TAGA-EFESO 4:1

Kanyan siak, sakey a priso lapud panlilingkur kod Katawan, kekerewen kod sikayo a mambilay kayo onung ed manepeg ya anawagay Dios ed sikayo.

FILIPOS 1:28

Ag yo tatakotan iray onlalaban ed sikayo, ta sikato yay pakanengnengan a nadusa ra, balet nilaban kayo, lapud say Dios so mangiiter na kilalaban yo.

COLOSAS 1:12

Tan misalamat kid Ama a nanggawad sikatayon manepeg a minabang ed niparaan a tawiren da ray totoo to diad panarian na liwawa.

1 TESALONICA 2:14

Say nagagawad sikayo, agagi, et kapara to may agawad saray iglisiay Dios a walad Judea, diad saray totoon wadman a manmamatalek ed Cristo Jesus. Papairapen kayo ray dilin kabandaan yo, a singa saray taga Judea a pinasegsegang na saray kapara ran Judio.

2 TESALONICA 1:11

Sikato yay makasengeg na lawas min pangipipikasid sikayo. Kekerewen mid Dios tayo a gawaen to kayon manepenepeg ed bilay ya anawagan tod sikayo. Iyabuloy to komun, diad panamegley na pakayari to, a nagamuran yoy amin a maung a pilalek yo tan nasumpal yoy amin a kimey a bungay pananisia yo.

2 Timoteo 2:12

No ituloy tayoy mantepel, nakaiba ti met a manoley. No sikato so ibori tayo, sikatayo met so ibori to.

Puyan 15:4

Katawan, siopay ag ontakot ed sika? Siopay ag malabay a mangigalang ed ngaran mo? Sika labat so masanto. Ondagon amin iray bansa tan mangigalang irad sika, ta anengneng na amin a katoowan iray matonung a gawgawam.”

Puyan 16:7

Insan nadngel koy bosis a nanlapud altar ya inkuanto, “Katawan a Dios a Makapanyarin-amin, talagan matonung tan tua ray sintinsiam!”

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”

Puyan 3:4

Anggaman ontan, wala ray pigarad sikayo ed Sardis ya ag nandotak na saray kawes da. Kanyan akaampoti ran manakar a kaibak, lapud manepeg ira.