2 TESALONICA 1:10 - Maung A Balita Biblia

¹⁰ Nagawa ya ed Agew ya isabi ton mangawat na galang a manlapud saray totoon pinili to, tan say dayew a manlapud saray mananisiad sikato. Kaiba da kayo met, ta sinisia yoy Maung a Balitan impulong mid sikayo.

Maung a Balita Biblia

¹⁰ Nagawa ya ed Agew ya isabi ton mangawat na galang a manlapud saray totoon pinili to, tan say dayew a manlapud saray mananisiad sikato. Kaiba da kayo met, ta sinisia yoy Maung a Balitan impulong mid sikayo.

2 TESALONICA 1:10 Iomraidhean Croise

Saray Salmo 68:35

Makapataktakot so Dios no ompapaway ed santuario to— say Dios na Israel. Iitdan toy pakayari tan biskeg iray totoo to. Idayew yoy Dios!

Saray Salmo 89:7

Sikay gagalangen ed tipon da ray masanto; manalalagey iran amin a natatakot ed sika.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 43:21

Sikaray totoon ginawak a para siak, mankanta ra na saray dayew ko!”

Isaias 44:23

Eyag kayod liket, sikayon katawenan! Eyag kayo, sikayon aralem a pasen na dalin! Eyag kayod liket, sikayon kapalandeyan, tan amin yon kakiewan ed katakelan! Diad impangilaban tod saray totoo ton Israel impanengneng toy inkatalonggaring to.

Isaias 49:3

Inkuantod siak, “Israel, sikay aripen ko; lapud sika, idayew ak na saray totoo.”

Isaias 60:21

Magmaliw a matonung ya amin iray totoo, Tan kayaryanen dan ando lan ando so dalin. Intanem ko ra, ginawak ira, A mangipatnag ed amin a totoo na inkatalonggaring ko.

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Malakias 3:17

“Sikaray magmaliw a totook,” kuay Katawan a Makapanyarin-amin. “Diad agew a siak so onggalaw, sikaray magmaliw a petepeteg kon kayaryan. Kasian ko ra a singa pangakasi na ama ed anak ton laki a manlilingkur ed sikato.

Saray Bilang 23:23

Anggapoy panamalikdo odino panagsalamangka diad pananulong na maoges ya ispiritu A makasumpa ed bansan Israel. Natan saray totoo ikuanda nipaakar ed Israel. ‘Nengneng yo no antoy ginawa na Dios!’

Mateo 16:27

Ta onsabiy Anak na Too a walad sikatoy pakayari na Ama to, tan kaiba to ray anghil to. Diad satan met a bekta so pambayar tod balang too, onung ed gawgawa to.

Mateo 16:28

Tandaan yo ya! Wala ra diad sikayoy ag ompatey ya anggad ag da nanengneng so Anak na Too ya onsabin sakey ya Ari.”

Mateo 24:36

“Balet anggapoy mikabat no kapigay isabi na sayan agew o oras. Ag kabat na saray anghil ed odino say anggan say Anak. Say Ama labat so mikabat.

Mateo 25:31

“No onsabin Ari so Anak na Too a kaiba to ray amin ya anghil, onyorung ed mapagalang a trono to.

Mateo 7:22

No onsabiy Agew na Okum, dakerakel iray mangibagad siak na: ‘Katawan, Katawan! Diad ngaran mo nampupulong kami, pinapaekal mi ray dimonyo tan nanggagawa kami ray milagro!’

Lucas 10:12

Kuankod sikayo a no Agew na Okum, lalon anlemew so dusa na baley na Sodoma nen sayan baley!”

Juan 11:4

Balet nen nadngelan ya nen Jesus, inkuanto, “Aliwan patey so pansumpalan to yan sakit nen Lazaro. Agawa yan pakagalangay Dios, pian nitanduroy Anak na Dios.”

Juan 17:10

Amin a kayaryan ko kien mo ra, tan amin a kayaryan mo kien ko ra; tan nipatnag ed panamegley da so kagalangan ko.

1 CORINTO 1:6

Saray bangat a nipaakar ed Cristo et kinmetket la rad sikayo,

1 CORINTO 3:13

Naamtaan so klasiy kimey na balang too no ipatnag la na Agew nen Cristo. Ta say apoy na satan ya Agew so manubok tan mangipatnag na klasiy kimey na balang too.

TAGA GALACIA 1:24

Kanyan inggalang day Dios lapud siak.

TAGA-EFESO 1:12

Sikami sirin ya onaan a nanilalod Cristo, itanduro miy kagalangan na Dios!

TAGA-EFESO 1:14

Say Ispiritu so kaletan ya awaten tayo so insipay Dios ed saray totoo to, tan impailalo to a say Dios itdan toy nagnap a kawayangan iray totoon kayaryan to. Itanduro tayoy kagalangan na Dios!

TAGA-EFESO 1:18

Ipipikasik a naliwawaan komuy kanunotan yo pian naamtaan yo no antoy ilalon impanawagan tod sikayo, no panoy kayaman na makapakelaw iran bindision ya insipan ton ipatawir ed saray totoo to,

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

TAGA-EFESO 2:7

Ginawa to ya pian nipanengneng tod arapen a panaon so ag nabilang a kayamanay panangaro tod sikatayo, diad panamegley nen Cristo Jesus.

TAGA-EFESO 3:10

pian diad panamegley na iglisia, nipakabat natan so andi-anggaan a kakabatay Dios ed saray manoley tan saray walay pakayari ed katawenan.

TAGA-EFESO 3:16

Kekerewen kod sikato, onung ed ontan lan kagalangan to, ya itdan to kayo komuy pakayarin mamabiskeg ed maispiritun bilay yo diad panamegley na Ispiritu to.

1 TESALONICA 1:5

Ta say Maung a Balita et impulong mid sikayo aliwan diad panamegley na salita labat, no ag ingen nantekep na pakayari, tan diad tulong na Ispiritu Santo, tan ag min balut nanduaruwaan so katwaan to. Anengneng yo no panoy impanbilay mi nen wadtan kami. Ginawa mi man a pankaabigan yo.

1 TESALONICA 2:1

Sikayon diliy makaamta, agagi, ya aliwan andi-kakanaan so inyakar mid tan.

1 TESALONICA 2:12

Pinapabiskeg miy linawa yo, nililigliwa mi kayo, tan sinisimbawa mi kayon mambilay a matoor tan makapaliket ed arap na Dios ya anawag ed sikayo, pian makapinabang kayod Panarian tan kagalangan to.

1 TESALONICA 2:13

Say sakey nin makasengeg na pangiiteran mi lawas na pisasalamat ed Dios, saya: nen impulong miy salitay Dios ed sikayo inawat yon aliwan salitay too, no ag ta peteg a salitay Dios. Say pakayari to yan salitay Dios et nanengneng ed panagbilay yon mananisia.

2 TESALONICA 1:12

Diad ontan, napagalangan yoy ngaran na Katawan tayon Jesus, tan napagalangan to ki met onung ed baleg a panangaroy Dios tayo tan say Katawan a Jesu-Cristo.

2 TESALONICA 2:13

Nepeg miy misalamat lawas ed Dios lapud sikayon agagin inararoy Katawan. Misalsalamat kami, ta sikayoy inmonan piniliy Dios ya itdan toy kilalaban, diad panamegley na panamasanto na Ispiritu, tan diad panamegley na pananisia yod katwaan.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

2 Timoteo 1:12

tan sikato yay makasengeg ya onya lay paniirap ko. Anggaman ontan, ag ko ibabaing yay nagagawad siak ta amtak no siopay panmamatalkan ko tan ag ko panduaruwaan a naasikaso ton maung, anggad saman ya Agew, so inmatalek kod sikato.

2 Timoteo 1:18

Iyabuloy komun na Katawan a diad saman ya Agew, nagamuran toy panangasi na Katawan. Kabkabat mon maung no panoy impanlingkur tod siak ed Efeso.

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.