2 Saray Awaran 7:3 - Maung A Balita Biblia

³ Nen anengneng na saray totood Israel a naplag a nanlapud tawen so apoy tan pinano na liwawa so Timplo, dinmakmomo ran anggad dalin, inggalang day Dios tan indayew da lapud kaabigan tan ag mangoman a panangaro to.

Maung a Balita Biblia

³ Nen anengneng na saray totood Israel a naplag a nanlapud tawen so apoy tan pinano na liwawa so Timplo, dinmakmomo ran anggad dalin, inggalang day Dios tan indayew da lapud kaabigan tan ag mangoman a panangaro to.

2 Saray Awaran 7:3 Iomraidhean Croise

1 Saray Arari 18:39

Nen anengneng ya na saray totoo tinmiblak irad dalin, tan kuanda, “Say Katawan et Dios; say Katawan labat so Dios!”

1 Saray Awaran 16:34

Misalamat kayod Katawan, ta sikato et maung; andi-anggan so panangaro ton ag mangoman!

1 Saray Awaran 16:41

Kaiba rad man si Heman tan si Jedutun tan saray arum a pinili tan intalaga a mankantay dayew ed Katawan lapud andi-anggaan a panangaro to.

1 Saray Awaran 29:20

Insan ingganggan nen David ya amin iray totoo, “Igalang yoy Katawan a Dios yo!” Kanyan inggalang na amin da ra may totoon nantitipon so Katawan a Dios na saray lalaki ra. Tinmewek ira diad impangigalang dad Katawan tan diad impangidayew dad ari.

2 Saray Awaran 20:18

Dinmakmomoy Josafat ya anggad dalin tan dinmakmomo met iray arum a totoo, insan inggalang day Katawan.

2 Saray Awaran 20:21

Kayari na ari a binilin iray totoo, ingganggan to ray pigaran tumutogtog tan pigaran kumakanta a mansulong iray kawes ya isosolung da no wala ray masanton pista tan mankurang iran walad onaan da ray sondalo tan ikankanta ra: “Nadayew komun so Katawan! Ag mangangga so ag mangoman a panangaro to!”

2 Saray Awaran 29:28

Akibiang so balang sakey ed impangigalang ed Katawan tan nituloy so pankakanta tan pantotogtog ya anggad apoolan ya amin ira may imbagat.

2 Saray Awaran 29:29

Insan say ari tan amin da ray totoo nantalimukor ira tan inggalang day Dios.

2 Saray Awaran 29:30

Si Ari Ezekias tan saray pangulo na bansa et imbaga rad saramay Levita a kantaen dad Katawan iray kanta a pangidayew ya insulat ira nen David tan si Asaf a propita. Kanyan kinanta ran malikeliket legan dan mantatalimukor tan mangigagalang ed Dios.

Esdras 3:11

Nankakanta ra a pangidayew tan pisalamat dad Katawan. Inolit-olit dan kinanta yan parti na kanta: “Maung so Katawan tan say ag mangoman a panangaro tod Israel et andi-anggaan.” Inmeyag so balang sakey na anggaay nayarian to; indayew day Katawan lapud nigapo lan niletneg so pundasion na Timplo.

Saray Salmo 100:5

Maung so Katawan; ando lan ando so panangaro to tan anggad angga so inkatoor to.

Saray Salmo 103:17

Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Saray Salmo 106:1

Idayew yoy Katawan! Misalamat kayod Katawan, ta sikato et maung; andi-anggaan so panangaro to.

Saray Salmo 107:1

“Misalamat kayod, Katawan, ta sikato et maung; andi-anggaan so panangaro to!”

Saray Salmo 118:1

Misalamat kayod Katawan, ta sikato et maung, tan andi-anggaan so panangaro to.

Saray Salmo 95:6

Dago kayo, ta mandakmomo tan mangigalang itayod sikato; mantalimukor itayod arap na Katawan a Manamalsa tayo!

Exodo 4:31

Anisia ra, et nen nadngel dan dinalaw iray Katawan tan anengneng toy ontan lan kakairapan da, tinmuek ira tan angigalang irad Katawan.

Isaias 63:7

Salitaen ko so ag mangoman a panangaro na Katawan; Idadayew ko lapud amin a ginagawa ton para sikatayo. Daakan so impamindision tod saray totood Israel lapud panangasi tan say ag mangoman a panangaro to.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Saray Bilang 14:5

Insan si Moises tan si Aaron dinmakmomo ra ya anggad dalin diad arap na amin a totoo.

Saray Bilang 16:22

Balet di Moises tan Aaron dinmakmomo ra ya anggad dalin tan kuanda, “O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?”

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.