2 Saray Awaran 2:3 - Maung A Balita Biblia

³ Impaikuanen Solomon ed kinen Ari Hiram na Tiro: “Lakoan mo ak met na tablan sidro a singa samay impangilakom ed amak ya Ari David nen amaalagey na palasio ra.

Maung a Balita Biblia

³ Impaikuanen Solomon ed kinen Ari Hiram na Tiro: Lakoan mo ak met na tablan sidro a singa samay impangilakom ed amak ya Ari David nen amaalagey na palasio ra.

2 Saray Awaran 2:3 Iomraidhean Croise

2 Samuel 5:11

Si Ari Hiram na Tiro angibaki na totoo to ed kinen David; initdan to na saray troson sidro, saray karpintiro tan saray kantiro ta ipaalageyan day sakey a palasio.

1 Saray Awaran 14:1

Si Ari Hiram na Tiro angibaki na totoo to ed kinen David; initdan to na saray troson sidro, tan saray karpintiro tan saray kantiro, ta igawaan day palasio si David.

2 Saray Awaran 13:11

Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

2 Saray Awaran 24:14

Nen asumpal so impangapiger, niiter ed ari tan si Joiada iray soluk a balituk tan pilak. Inkana da ra ya ed panggawa na saray yaung tan arum ni ran kagawaan na Timplo. Legan a mabilay si Joiada, ag tinmonda so pangisasaklang na saray bagat ed Timplo.

2 Saray Awaran 4:19

Nanggawa met si Ari Solomon na saray balituk a kagawaan a para Timplo: say altar tan saray lamisaan a pangibagatan na tinapay ed Dios;

2 Saray Awaran 8:13

Angisaklang na saray bagat a popoolan onung na ibabagay Ganggan nen Moises kapag nasabi ra yan masanton agew: Agew na Panagpainawa, Pistay Balon Bulan, tan saray taloran tinaon a pista, salanti, Pistay Tinapay ya Anggapoy Libadura, Pistay Panagani, tan Pista na saray Abung-abung.

Esdras 6:3

“Diad ononan taon na impanoley nen Impirador Ciro, ingganggan ton ipaalagey lamet ed Jerusalem so Timplo a pambagatan tan pangisaklangan na saray bagat a popoolan. Nepeg a talomplon mitro so kaatagey tan talomplon mitro so kaawang na ipaalagey lamet a Timplo.

Nehemias 10:34

Sikamin totoo, saray papari, tan saray Levita, et mampapalaranan kami a tinaon pian naamtaan mi no dinan iray boleg a mangiter na kiew a pamool ed saray bagat ya isaklang ed Katawan a Dios tayo, onung na ibabagay Ganggan.

Exodo 25:30

Diad tapew na lamisaan mangyan ka lawas na tinapay a nibagat ed siak.

Exodo 29:38

“Inagew-agew ed anggan kapigan a panaon, mangibagat kayo na duaran kordiro ya ataonan la.

Exodo 29:39

Ibagat yod kabwasan so sakey a kordiro tan diad labi say sakey.

Exodo 29:41

Ibagat yod labi so kumadwan kordiro, tan tekepan yo na singa karakel na arina, larak na oliba, tan alak a singa samay bagat ed kabwasan. Saya so kakanen a bagat ed siak a Katawan, tan makapaliket ed siak so balingit to.

Exodo 30:7

Kapag kabwasan no iparaan nen Aaron iray lamparaan, sikatoy nepeg a mamool na ambalingit ya insinso ed tapew na altar.

Levitico 23:2

iray onggendan a totontonen a tombuken na saray totood Israel no mampista ra diad pangigalang dad Katawan.

Levitico 9:17

Inyapay to may bagat a trigo, angala na sankaakup ya arina tan pinoolan tod tapew na altar. (Kaaruman ya na inagew-agew a bagat a popoolan.)

Saray Bilang 28:11

Iyapay yod Katawan so bagat a popoolan diad ononan agew na kapag bulan: duaran malangwer a bakan kalakyan, sakey a karniron kalakyan, pitoran sakey taon a kordiron kalakyan; nepeg ya anggapoy deral na laman da.

Saray Bilang 28:9

Diad Agew na Panagpainawa mangyapay kayo na duaran sakey taon a kordiron kalakyan ya anggapoy deral na laman da, duaran kilon arina a nikames ed larak na oliba a sikatoy bagat a trigo, tan say bagat ya alak.