2 Saray Arari 9:13 - Maung A Balita Biblia

¹³ Saramay kapara nen Jehu ya opisyal inyaplag dan tampol ed tagey na saray balitang iray kolibemben da, ta toonan nen Jehu, pinaknul da ray trumpita insan da ineyag, “Ari si Jehu!”

Maung a Balita Biblia

¹³ Saramay kapara nen Jehu ya opisyal inyaplag dan tampol ed tagey na saray balitang iray kolibemben da, ta toonan nen Jehu, pinaknul da ray trumpita insan da ineyag, Ari si Jehu!

2 Saray Arari 9:13 Iomraidhean Croise

2 Samuel 15:10

Balet angibakid amin a tribu ed Israel tan impaikuanto, “No narengel yoy trumpita, iyeyag yo, ‘Nagmaliw ya ari ed Hebron si Absalom!’”

1 Saray Arari 1:25

Diad sayan agew, linman angibagat si Adonias na amayamay a baka, karniro, tan pinataban kilaw na baka, tan binagaan to ray lalakin anak mo, si Joab a pangulo na saray sondalom tan si Abiatar a pari. Diad sayan bekta, kaiba ran manaakan tan maniinom tan iyeeyag na saray kakaiba to, ‘Andokey komun so bilay nen Ari Adonias!’

1 Saray Arari 1:34

Sikayon dua, Sadoc tan Natan, so manlana ed kinen Solomon a manari ed Israel. Insan yo paknulen so trumpita tan iyeyag yo, ‘Andokey komun so bilay nen Ari Solomon!’

1 Saray Arari 1:39

Inala nen Sadoc so pananginan na larak na oliban inala tod Tuldan Ayamay Katawan, insan to nilanaay Solomon. Pinaknul day trumpita, tan ineyag na amin a totoo, “Andokey komun so bilay nen Ari Solomon!”

2 Saray Arari 11:12

Insan impaway nen Joiada si Joas, kinoronaan to tan inter tod sikato ray ganggan a nipaakar ed panari. Alanaan tan nibawag a manari si Joas. Nantitipak iray totoo tan ineeyag da, “Andokey komun so bilay na ari!”

2 Saray Arari 11:14

Anengneng tod man so balon ari a manalalagey ed abay na lusek ed lolooban na Timplo, onung na naogaliyan. Aliber na saray opisyal tan saray managtrumpita so ari, tan malikeliket a maneeyag tan mampapaknul na trumpita iray totoo. Diad inkagunigon to ginebyas toy kawes to tan ineyag to, “Sumlang ya ed pakaoley! Sumlang ya ed pakaoley!”

2 Saray Arari 9:12

“Ag mi amta,” ebat da. “Ibagam ed sikami no antoy imbaga to!” “Imbaga tod siak a say Katawan ibabawag to: ‘Lalanaan ta kan manari ed Israel!’”

Saray Salmo 98:6

Sibuk yo ray trumpita tan saray tamboyug, tan eyag kayod liket ed Katawan ya ari tayo.

Lucas 19:36

Leleg a mamapaarap si Jesus ed siudad, saray totoo inyaaplag dad dalan iray kolibemben da.