2 Saray Arari 8:7 - Maung A Balita Biblia

⁷ Linmad Damasco si Eliseo nen mansasakit si Ari Ben-hadad na Siria. Nen nibagad ari a wadmay Eliseo,

Maung a Balita Biblia

⁷ Linmad Damasco si Eliseo nan mansasakit si Ari Ben-hadad na Siria. Nen nibagad ari a wadmay Eliseo,

2 Saray Arari 8:7 Iomraidhean Croise

Genesis 14:15

Kasabi tod man, impankadwa to ray totoo to, dinogpaan dad labi iray kalaban da tan tinalo da ra. Inosilan to ran anggad Hoba a walad baybay na Damasco,

1 Saray Arari 11:24

tan nagmaliw a pangulo na grupoy tutulisan. (Agawa ya nen tinalo nen David si Hadadezer tan pinapatey to ray Sirianon kakaiba to.) Linman nanayam ed Damasco si Rezon tan saray totoo to, tan ginawad man na totoo to ya arid Siria.

1 Saray Arari 13:1

Lapud ganggan na Katawan, linmad Betel a nanlapud Juda so sakey a propita tan asabian ton manalalagey ed abay na altar si Jeroboam a mangibabagat.

1 Saray Arari 15:18

Kanyan inala nen Ari Asa iray amin a pilak tan balituk ya atilak nid dalem na Timplo tan diad dalem na palasio, insan to ingganggan iray pigaran opisyal to ya iyakar da rad Damasco. Diad Damasco so panaayaman na ari na Siria a si Ari Ben-hadad a lakin anak nen Tabrimon tan apo nen Hezion. Inter dad ari imay pilak tan balituk, insan da sinalita so papaibaga nen Ari Asa:

1 Saray Arari 20:1

Impantitipon nen Ari Ben-hadad na Siria iray amin a sondalo to. Kaiba toy talomplo tan duan manoley a kaolup da ray kabayo ra tan saray karwahi ra, ta looban day Samaria, insan dinogpaan da.

1 Saray Arari 20:34

Inkuanen Ben-hadad ed sikato, “Ipawil kod sika ray baley a sinamsam nen amak ed kinen amam, tan nayaryan moy mamaalagey na panaglakowan ed Damasco, a singa ginawa nen amak ed Samaria.” Inmebat si Acab, “Ibolus ta ka sirin lapud saratan a paknaan.” Akipaknay Acab ed sikato, insan to la imbolus.

2 Saray Arari 1:2

Aminsan ya agew si Ari Ahazias na Israel apattak a nanlapud balkon na toktok na palasio to ed Samaria tan mapalaloy inkasakitan to. Angibaki sirin na saray mangipanon ed Baalzebub a dios na siudad na Ekron ed Filistia, ta amtaen da no kasi onabig ni odino andi la.

2 Saray Arari 2:15

Anengneng na saramay limamplon propita a nanlapud Jerico si Elias tan kuanda, “Walad kinen Eliseo so pakayari nen Elias!” Nila ran inabet, dinmakmomo rad arap to

2 Saray Arari 5:20

nen si Giezi ya aripen nen Eliseo et inkuantod sikaton dili, “Ag impanbayar na amok si Naaman a Siriano. Inawat to komun imay iiter to. Diad ngaran na mabilay a Katawan, aboten ko, ta miala ak na antokaman ed sikato.”

2 Saray Arari 6:12

Inmebat so sakey ed sikara, “Ang-gapod sikami, Kagalang ya Ari. Ibabaga nen propita Eliseo ed ari na Israel so anggan say ibabagam ed dalem na dilin kuartom.”

2 Saray Arari 6:24

Ag abayag, impangulo nen Ari Ben-hadad na Siria iray amin a sondalo to a mibakal ed Israel tan nilakob day siudad na Samaria.

2 Saray Arari 8:6

Nen inmebat imay bii ed tepet na ari, pinaletan to may tongtong nen Giezi, kanyan anawag na sakey ya opisyal imay ari tan kuantod sikato, “Ibagam ya ipawil dad sayan bii iray kayaryan to, pati say bili na amin a naanid kaalogan to legan na pitoy taon ya inkaandi to.”

Isaias 7:8

Akin? Lapud aliwan mabiskeg so Siria nen say Damasco a manonan baley to, tan say Damasco et aliwan mabiskeg nen si Ari Rezin. No nipaakar ed Israel, naderal-deral ed loob na anemaplo tan limay taon kanyan ag natogyup a sakey a bansa.

Jeremias 40:5

Nen ag ak onebat, inkuanen Nebuzaradan ed siak, “Pawil kad kinen Gedalias, a lakin anak nen Ahicam tan apo nen Safan, a sikatoy impagmaliw na ari na Babilonia a gobirnador na saray baley na Juda. Nayarian moy manayam ed sikato a kalimug mo ray totood man, odino onla ka ed inerman a pasen a labay mo.” Initdan to ak na rigalo tan say nakan ya awiten ko, insan to ak la pinasiput.

Saray Gawgawa 17:6

Balet nen ag da ra naalmo, inggagayugoy day Jason tan pigaran agagi, insan da ra inyakar ed arap na saray manoley na siudad, tan iningal-ingal da, “Aloobay siudad tayo na totoon manggogolod inerman a laen da!

Deuteronomio 33:1

Saraya so bindision ya inter nen Moises a too na Dios ed saray Israelita kasakbayan na impatey to.

Saray Huis 16:2

Akabatan na saray totood Gaza a wadmay Samson, kanyan niliktub da may pasen tan sanlabi ran inalagar ed puirta na siudad. Mareereen iran sanlabi tan ninunot dad sikaran dili, “Manalagar itayo dia ya anggad kabwasan, insan tayo pateyen.”