2 Saray Arari 8:4 - Maung A Balita Biblia

⁴ Asabi toy ari a mitotongtong ed kinen Giezi ya aripen nen Eliseo, ta labay na arin amtaen iray milagron gagawaen nen Eliseo.

Maung a Balita Biblia

⁴ Asabi toy ari a mitotongtong ed kinen Giezi ya aripen nen Eliseo, ta labay na arin amtaen iray milagron gagawaen nen Eliseo.

2 Saray Arari 8:4 Iomraidhean Croise

2 Saray Arari 2:14

Impaspas tod danum imay kolibemben nen Elias tan kuanto, “Kawalaan na Katawan, say Dios nen Elias?” Pinaspas to lamet so danum, et abelsay, kanyan nanakar ya anggad basil na ilog.

2 Saray Arari 2:24

Nilingaw to ra, minoldagatan to ra, tan insamba to rad ngaran na Katawan. Kabebekta pinmaway ed takel so duaran uso a kabatyan tan binibingkas day apataplo tan dua ed saramay ogogaw a lalaki.

2 Saray Arari 4:12

Imbaga tod aripen ton si Giezi a tawagen to may bii. Kasabi to may bii ed kawalaan nen Eliseo,

2 Saray Arari 4:25

Pinmikal sirin tan amaarap ed Palandey na Carmelo, a dimay panaayaman nen Eliseo. Arawi ni may bii, anengneng la nen Eliseo, kanyan kuantod si aripen ton Giezi, “Nengneng mo—nitan la may biin taga Sunem!

2 Saray Arari 5:14

Linma sirin ed Jordan si Naaman, linmegep ya amimpito, onung na imbaga nen Eliseo, et sigput ya inmabig. Balibali so nagmaliway laman to tan singa baog na ogaw so baog to.

2 Saray Arari 6:32

Insan angibakiy sakey a toon mangalad kinen Eliseo. Legan to ya, kaiba nen Eliseo ed abung to iray pigaran mamasiken na Israel ya ombibisitad sikato. Kasakbayay insabi na samay imbaki na ari, inkuanen Eliseo ed saramay mamasiken, “Saman a managpatey na too et angibakiy mamotul na olok! Kasabi to dia, italak yoy puirta tan ag yo palolooben. Manomtombuk ed sikato so ari.”

2 Saray Arari 6:6

“Naplagan to?” tepet nen Eliseo. Intoro na samay too so pasen, insan amoter si Eliseo na bislak, imbontuk tod danum imay bislak tan pinaletaw to may oloy wasay.

2 Saray Arari 7:1

Inmebat si Eliseo, “Dengel moy ibabaga na Katawan. Diad onyan oras nabwas nilakod sakey a pilak diad tindaan na Samaria so taloran kilon sankaabigan a trigo odino anemiran kilon sibada.”

2 Saray Arari 7:10

Kanyan tinaynan day kampo da ray Siriano, linma rad siudad, insan tinawag da ray guardia na saray puirta tan kuandad sikara: “Linma kamid kampo da ray Siriano, et anggapoy toon anengneng o alikas min wadman; ag naokbaran iray kabayo tan saray asno, tan singa kipapasen dan gendat iray tulda.”

2 Saray Arari 7:3

Walay apatiran lalakin akating a wala rad paway na saray puirta na siudad, tan kuandad sakey tan sakey, “Akin et manalagar tayo dia ya anggad ag tayo ipatey?

2 Saray Arari 8:3

Kayariy pitoy taon samay bii pinmawil ed Israel, insan linmad ari, ta kerewen ton nipawil ed sikatoy abung to tan say dalin to.

Mateo 2:8

Insan to ra imbakid Betlehem tan imbilin tod sikara, “Apiger yon anapen itay ogaw. No nalmo yo la, ipakabat yod siak, pian makakar ak met a mangigalang ed sikato.”

Lucas 23:8

Makaliliket si Herodes nen anengneng toy Jesus, ta abayag lan mampipirawat a napilupaan to yan too, lapud amayamay lay abalitaan ton nipaakar ed sikato. Maniilalon nanengneng ton manggaway milagro si Jesus.

Lucas 9:9

Inkuanen Herodes, “Impapotul koy olo nen Juan. Balet siopa yan toon amayamay so nababalitaan kon nipaakar ed sikato?” Kanyan nampilalekan ton nanengneng si Jesus.

Juan 9:27

Inmebat ed sikara, “Imbagak lad sikayo et ag yo ak met dengelen. Akin et labay yo ya isalaysay ko lamet? Angangko labay yo met so magmaliw a disipulo to, anto?”

Saray Gawgawa 24:24

Kalabas na pigay agew, sinmabiy Felix a kaiba toy asawa ton Drusila a sakey a Judio. Impatawag toy Pablo tan dinengel ton nansalitay nipaakar ed pananisiad Cristo Jesus.