2 Saray Arari 7:7 - Maung A Balita Biblia

⁷ Kanyan diad pangyagel na saray Siriano ed bilay da, batik irad saman a labi; tinaynan da ray tulda ra, saray kabayo ra tan saray asno ra; tinaynan day kampo ed kipapasen ton gendat.

Maung a Balita Biblia

⁷ Kanyan diad pangyagel na saray Siriano ed bilay da, batik irad saman a labi; tinaynan da ray tulda ra, saray kabayo ra tan saray asno ra; tinaynan day kampo ed kipapasen ton gendat.

2 Saray Arari 7:7 Iomraidhean Croise

1 Saray Arari 10:29

Nansasaliw met irad Egipto na saray karwahi. Nanlalako rad saray ararin Heteo tan Siriano na saray kabayo tan saray karwahi; anem a lasus a pilak so bili na sakey na karwahi tan sanlasus tan limamplon pilak so sakey a kabayo.

1 Saray Arari 20:20

Apatey na balang sakey ed sikara so kalaban to. Batik iray Siriano, tan inoosilan ira na saray Israelita. Akakabayon binmatik si Ben-hadad tan saray pigaran akakabayo met a kaiba to.

Say Libro nen Job 18:11

Diad kaliber-liber to takot so manaalagar ed sikato; tombutombuk ed inerman a laen to.

Saray Salmo 33:17

Saray kabayon para bakal et anggapoy nitolung dad pananalo; ag makapangilaban so ontan lan biskeg da.

Saray Salmo 68:12

“Ombabatik la ray arari tan saray sondalo ra!” Saray bibiin atilak ed kaabungan inaapag da ray asamsam:

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Probirbio 6:5

Paway kad patit a singa manok odino singa sakey ya ulsan ibabatikan toy umaanup.

Isaias 2:20

No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

Saray Hebreo 6:18

Kanyan say sipan tan say samba to et ag ira mangoman, tan ag makapantilay Dios nipaakar ed saraya. Sikatayo sirin a sinmaral ed sikato et mabiskeg so linawa tayo a manilalod insipan tod sikatayo.

Saray Huis 7:21

Nanalagey ed pasen tod kaliber-liber na kampo so balang sakey, et kibatiktik a maneyag ya amin iray sondalod mad kampo.

1 Samuel 14:15

Manggiwgiw ed takot iray amin a Filisteon walad samay pasen; saray sondalon walad kampo tan saray walad lawak na bakalan et manggiwgiw irad takot; yenmegyeg, tan walay baleg ya aligewgewan.