2 Saray Arari 7:6 - Maung A Balita Biblia

⁶ Imparengel na Katawan ed saray Siriano so tanul na idodogpa na saray dakerakel a sondalon akakabayo tan akakarwahi, kanyan abaloan na saray Siriano ya impaibaan so ari na Israel ed saray Heteo tan saray Egipsio tan saray arari ra ya ondogpad sikara.

Maung a Balita Biblia

⁶ Imparengel na Katawan ed saray Siriano so tanul na idodogpa na saray dakerakel a sondalon akakabayo tan akakarwahi, kanyan abaloan na saray Siriano ya impaibaan so ari na Israel ed saray Heteo tan saray Egipsio tan saray arari ra ya ondogpad sikara.

2 Saray Arari 7:6 Iomraidhean Croise

2 Samuel 10:6

Abirbir na saray Ammonita ya agawa ran kalaban si David, kanyan angupa ray duamplon libon Sirianon sondalo a taga Bet-rehob tan Soba, labinduan libon lalaki a taga Tob, tan say ari ed Maaca a kaiba to ray sanlibon totoo to.

2 Samuel 5:24

No narengel mod tagey na kakiewan so tanul na panaakar da ray sondalo, dogpa ka, ta wala ak ed onaan mo a mibakal ed saray sondalo na Filistia.”

1 Saray Arari 10:29

Nansasaliw met irad Egipto na saray karwahi. Nanlalako rad saray ararin Heteo tan Siriano na saray kabayo tan saray karwahi; anem a lasus a pilak so bili na sakey na karwahi tan sanlasus tan limamplon pilak so sakey a kabayo.

1 Saray Arari 20:20

Apatey na balang sakey ed sikara so kalaban to. Batik iray Siriano, tan inoosilan ira na saray Israelita. Akakabayon binmatik si Ben-hadad tan saray pigaran akakabayo met a kaiba to.

2 Saray Arari 19:7

Parengelan na Katawan so impirador na balbalitan makasengeg na pawilan tod dilin bansa to, tan diman papatey na Katawan.”

2 Saray Arari 7:5

Kanyan kasakbayay imbilonget to, linma rad kampo da ray Siriano, balet kasabi rad man anggapoy wadman ya anggan sakey a too.

Say Libro nen Job 15:21

Makapataktakot iran tanul so narengel to, tan dogpaan na saray tutulisan no abaloan ton arawid kaatapan.

Saray Salmo 14:5

Balet ontan lay kataktakot da, ta pipilaan na Dios iray totoon matonung.

Isaias 31:1

Pangaskasiyan iray onlan patulongan ed Egipto! Manmamatalek ira ed mabiskeg tan dakerakel a sondalo, kabayo, tan karwahi na Egipto. Balet ag ira manmamatalek ed Katawan a masanton Dios na Israel odino onkekerew na tulong ed sikato.

Isaias 36:9

Ag kayo makasimbang ed anggan sankaabebaan lan opisyal na Asiria, balet iilaloan yo a saray Egipsio et itdan da kayo na saray karwahi tan saray sondalon kumakabayo.

Jeremias 46:21

Anggan saray uupaan to ran sondalo et singa ra bakan anggapoy nitulong. Ag ira inmalagey a linmaban; pinmoliktar iran amin tan batik ira. Sinmabiy agew na pakadusa ra, say oras na kaderal da.

Ezekiel 1:24

Nen tinmikyab ira nadngel koy banesbes na saray payak da; singa ungol na dayat imay banesbes, singa tanul na amayamay a sondalo, singa bosis na Makapanyarin-amin a Dios. Nen tinmonda ra, kinopit da ra may payak da,

Ezekiel 10:5

Say parakpak na saray payak da ra may pinalsa et nadngel ya anggad paway na patio. Singa bosis na Dios a Makapanyarin-amin so tanul da.

Puyan 9:9

Asakubay singa balatyang so pagew da, tan say palakpak na payak da singa tanul na amayamay a karwahin akasintad kabayo ya ombabatik a mibakal.

Saray Huis 7:21

Nanalagey ed pasen tod kaliber-liber na kampo so balang sakey, et kibatiktik a maneyag ya amin iray sondalod mad kampo.

1 Samuel 14:15

Manggiwgiw ed takot iray amin a Filisteon walad samay pasen; saray sondalon walad kampo tan saray walad lawak na bakalan et manggiwgiw irad takot; yenmegyeg, tan walay baleg ya aligewgewan.

1 Samuel 26:6

Insan tinepet nen David ed kinen Ahimelec a Heteo, tan diad kinen Abisai ya anak nen Zarvia tan agi nen Joab, “Siopad sikayon dua so milad siak ya onlad kampo nen Saul?” “Siak,” ebat nen Abisai.