2 Saray Arari 7:13 - Maung A Balita Biblia

¹³ Inkuan na sakey ed saray opisyal to, “Ompatey met lamlamang iray totoo diad siudad a singa saramay inaatey la. Kanyan magmaung no mangibaki tayoy pigarad sikara, pian naamtaan tayo no antoy tuan agawa. Paikana ti la ra may limara ed saray nakdaan a kabayo.”

Maung a Balita Biblia

¹³ Inkuan na sakey ed saray opisyal to, Ompatey met lamlamang iray totoo diad siudad a singa saramay inaatey la. Kanyan magmaung no mangibaki tayoy pigarad sikara, pian naamtaan tayo no antoy tuan agawa. Paikana ti la ra may limara ed saray nakdaan a kabayo.

2 Saray Arari 7:13 Iomraidhean Croise

2 Saray Arari 5:13

Sinmingger ed sikato ray aripen to tan kuanda, “Amo, no mairap so imbagad sika na propita, ag mo komun gawaen. Natan ta mainomay, orasan moy sikan dili onung na imbaga to, ta ag la pigan onabig ka?”

2 Saray Arari 6:33

Ag to ni asumpal so ibabaga to nen sinmabiy ari tan kuanto, “Say Katawan so angiter ed sikatayo na sayan gunigon! Akin et manalagar ak niy antokaman a gawaen to?”

2 Saray Arari 7:12

Labi ni, balet binmangon lay ari tan kuantod saray opisyal to, “Ibagak ed sikayoy implano na saray Siriano! Amta ray nagagawan eras dia, kanyan tinaynan day kampo ra, ta inmaamut irad gilig na kaalogan. Abaloan dan ompaway tayon mananap na nakan, insan da itayod satan dakepen a mabilay tan looban day siudad.”

2 Saray Arari 7:14

Amili ra sirin na pigaran lalaki, pinalogan da rad duaran karwahi, insan ira la imbaki na ari kayari to ran binilin a nengnengen da no antoy agawa ed saray sondalo na Siria.

2 Saray Arari 7:4

No onloob tayod siudad, ompatey tayod eras labat, ta anggapod may naakan. Balet no manayam tayo dia, ompatey tayo met ni lamlamang. Kanyan onla tayod kampo da ray Siriano; no ag da itayo diwiten mambilay tayo, balet no pateyen da tayo andi bali ta ompatey tayo met ni lamlamang.”

Jeremias 14:18

No ompaway ak ed saray kaalogan, nanengneng ko ray bangkay na saray totoon inaatey ed bakal; no onla ak ed saray baley, nanengneng ko ray totoon ompapatey ed eras. Itutuloy na saray propita tan saray papari so kimey da, balet ag da amta so gagawaen da.”

Saray Tagleey 4:9

Maung niy kipapasen da ray inaatey ed bakal nen saray inaatey ed eras; nankalkalnan naoyus so linawa ra, lapud anggapoy napambilay da.