2 Saray Arari 6:8 - Maung A Balita Biblia

⁸ Mibabakal ed Israel so ari na Siria. Kayariy impangipanon tod saray opisyal to, amiliy pasen a pankampoan to.

Maung a Balita Biblia

⁸ Mibabakal ed Israel so ari na Siria. Kayariy impangipanon tod saray opisyal to, amiliy pasen a pankampoan to.

2 Saray Arari 6:8 Iomraidhean Croise

1 Saray Arari 20:1

Impantitipon nen Ari Ben-hadad na Siria iray amin a sondalo to. Kaiba toy talomplo tan duan manoley a kaolup da ray kabayo ra tan saray karwahi ra, ta looban day Samaria, insan dinogpaan da.

1 Saray Arari 20:23

Inkuan na saray opisyal nen Ben-hadad ed sikato, “Diriyos na palandey iray diriyos na Israel, kanyan tinalo itayo na taga Israel. Balet andi-saew a taloen tayo ra no labanan ti rad saray patar.

1 Saray Arari 20:34

Inkuanen Ben-hadad ed sikato, “Ipawil kod sika ray baley a sinamsam nen amak ed kinen amam, tan nayaryan moy mamaalagey na panaglakowan ed Damasco, a singa ginawa nen amak ed Samaria.” Inmebat si Acab, “Ibolus ta ka sirin lapud saratan a paknaan.” Akipaknay Acab ed sikato, insan to la imbolus.

1 Saray Arari 22:1

Duay taon ya anggapoy balingaan na Israel tan Siria,

1 Saray Arari 22:31

Ingganggan na arid Siria iray talomplo tan duan pangulo na saray sondalon akakarwahi ya anggapoy arum a dogpaan da no ag say ari na Israel.

2 Saray Arari 6:24

Ag abayag, impangulo nen Ari Ben-hadad na Siria iray amin a sondalo to a mibakal ed Israel tan nilakob day siudad na Samaria.

2 Saray Arari 6:7

“Alam,” ingganggan nen Eliseo, kanyan linmasur imay too tan inala to.

2 Saray Arari 6:9

Balet impaibaga nen Eliseo ed ari na Israel, “Ag ka ondadalan ed saman a pasen, ta tatambangan kad man na saray Siriano.”

Probirbio 20:18

Dengel kad maung a simbawa, et mampalabo ka; no mibakal ka iplanom nin onona.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.