2 Saray Arari 6:12 - Maung A Balita Biblia

¹² Inmebat so sakey ed sikara, “Ang-gapod sikami, Kagalang ya Ari. Ibabaga nen propita Eliseo ed ari na Israel so anggan say ibabagam ed dalem na dilin kuartom.”

Maung a Balita Biblia

¹² Inmebat so sakey ed sikara, Ang gapod sikami, Kagalang ya Ari. Ibabaga nen propita Eliseo ed ari na Israel so anggan say ibabagam ed dalem na dilin kuartom.

2 Saray Arari 6:12 Iomraidhean Croise

2 Saray Arari 5:26

Balet inmebat si Eliseo, “Ag ta wadman ak ed ispiritu nen inmepas ed karwahi to may too tan inabet to ka? Akin, panaon natan a pangawat na kuarta, tan kawes, kakiewan na oliba, tan kaubasan, karniro, tan baka, odino saray aripen?

2 Saray Arari 5:3

Aminsan inkuanto yan aripen a bii ed amo ton bii, “Onla komun si amok ed samay propitan manaayam ed Samaria! Paabigen to.”

2 Saray Arari 5:8

Nen nadngelan nen Eliseo so agawa, impaibaga tod ari: “Akin et nagugunigon ka? Ibakim ed siak itay too, ta ipanengneng kod sikaton walay propita ed Israel!”

2 Saray Arari 6:11

Lapud saya agunigon a maung so ari na Siria; tinawag to ray opisyal to tan tinepet tod sikara, “Siopad sikayoy migagampid ari na Israel?”

2 Saray Arari 6:13

Ingganggan na ari, “Anap yo no iner so kawalaan to, ta paerel ko.” Nen nibagad sikaton walad Dotan si Eliseo,

Exodo 8:3

Napano na patang so Ilog na Nilo kanyan onsakbit ira tan onla rad palasiom, diad kuartom, diad katrim, diad kaabungan na saray opisyal mo tan saray totoom, tan anggan diad saray ornowan tan diad saray kawalin panaggawaan moy tinapay.

Probirbio 21:30

Anggapoy kakanaay kakabatan, pakatalus, tan say pakaamta na too, no sumpa so Katawan ed sika.

Ecclesiastes 10:20

Ag mo isasamba so ari anggan diad maamut, tan ag mo isasamba so mayaman anggan diad dalem na kuartom, ompan nidalem kad sikara ta nanlayag so dalin.

Isaias 29:15

Pangaskasiyan iray totoon mangyaamut ed Katawan na saray plano ra! Maamut a gagawaen da ray getma ra, tan abaloan da ya anggapoy makanengneng ed sikara o makaamta na saray gagawaen da.

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Daniel 2:47

Inkuan na ari, “Say Dios mo so sankatalonggaringan ed amin da ray diriyos, say Katawan da ray arari, tan sikato so mangipapaamta ed kabaliksan na saray mistirio. Amtak ya, lapud ayarian mon impaliwawa so kabaliksan na sayan mistirio.”

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.