2 Saray Arari 5:7 - Maung A Balita Biblia

⁷ Kapambasa na ari na Israel ed samay sulat, pinilat toy kawes to a pangipanengneng toy inkagunigon to tan inkuanto, “Panoy panilalo na ari ed Siria a napaabig ko yan too? Dios ak sirin a walay pakayarid bilay tan patey? Mapatnag a labay toy mikolkol ed siak!”

Maung a Balita Biblia

⁷ Kapambasa na ari na Israel ed samay sulat, pinilat toy kawes to a pangipanengneng toy inkagunigon to tan inkuanto, Panoy panilalo na ari ed Siria a napaabig ko yan too? Dios ak sirin a walay pakayarid bilay tan patey? Mapatnag a labay toy mikolkol ed siak!

2 Saray Arari 5:7 Iomraidhean Croise

Genesis 30:2

Akapasnuk si Jacob ed kinen Raquel tan inkuanto, “Dios ak sirin? Say Dios, aliwan siak, so makasengeg na ag mo pananak.”

Genesis 37:29

Nen pinmawil ed samay bobun si Ruben tan anengneng ton anggapo lad may Jose, pinilat toy kawes to diad ermen to.

Genesis 50:19

Balet inkuanen Jose ed sikara, “Ag kayo natatakot; ag ko nayarian ya alaey pasen na Dios.

2 Samuel 1:11

Diad ermen nen David pinilat toy kawes to, tan onya met so ginawa na saray totoo to.

1 Saray Arari 20:7

Impaawit nen Ari Acab ya amin iray pangulo na bansa tan kuanto, “Nengneng yo no panoy panggugunigon na sayan too ed sikatayo. Inmabuloy ak la lantid pangala tod saray asawak tan saray anak ko, saray pilak tan saray balituk ko.”

2 Saray Arari 11:14

Anengneng tod man so balon ari a manalalagey ed abay na lusek ed lolooban na Timplo, onung na naogaliyan. Aliber na saray opisyal tan saray managtrumpita so ari, tan malikeliket a maneeyag tan mampapaknul na trumpita iray totoo. Diad inkagunigon to ginebyas toy kawes to tan ineyag to, “Sumlang ya ed pakaoley! Sumlang ya ed pakaoley!”

2 Saray Arari 18:37

Kanyan diad ermen di Eliakim, Sebna, tan Joas, pinilat day kawes da, linma la ra, insan imbalita rad ari so imbaga na samay opisyal na Asiria.

2 Saray Arari 5:6

Onyay ibabaga na sulat a sankaawit to: “Ikabat na sayan sulat si Naaman a sakey ed saray opisyal ko. Paabig mo pa ed sakit to.”

Jeremias 36:24

Balet samay ari odino saramay opisyal ya akadngel ed sarayan amin et ag ira tinmakot odino angipatnag na pagbabawi ra.

Daniel 2:11

Satay kekerewen mo, Kagalang ya Ari, et petepeteg a mairap tan anggapoy makagawa likud labat ed saray diriyos, balet ag ira mililimug ed saray katoowan.”

Oseas 6:1

Saray totoo kuanda, “Ompawil itayod Katawan! Binibingkas to itayo, balet andi-saew a paabigen to itayo; sinusugat to itayo balet andi-saew a berberen to ray sugasugat tayo.

Saray Bilang 14:6

Et si Josue ya anak nen Nun tan si Caleb ya anak nen Jefone a kabyangan irad saramay ispia pinipilat day kawes da diad pangipanengneng day ermen da

Mateo 26:65

Kadngel na Pangulon Pari ed saya, ginebyas ton pinilat so kawes to tan inkuanto, “Nansalitay sumpad Dios! Ag tayo la nakaukolay arum ni ran tasi! Nadngel yoy kaogsay salita ton sumpad Dios!

Lucas 11:54

ta labay dan naerel ed panagsalita to.

Saray Gawgawa 14:14

Nen naamtaan ya nen Bernabe tan Pablo, ginabyas da ray kawes da tan batik iran linmad pegley na totoo. Iningal da,

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.

Deuteronomio 32:39

“‘Siak, tan siak labat, so Dios; anggapo lay arum. Mamatey ak tan mangiter ak na bilay, manugat ak tan mamaabig ak, tan anggapoy makasumlang ed antokaman a gawaen ko.

1 Samuel 2:6

Say Katawan mamatey tan mamabilay; ibaki tod pasen a panaayaman da ray inaatey iray totoo, tan agwaten to ra.