2 Saray Arari 5:13 - Maung A Balita Biblia

¹³ Sinmingger ed sikato ray aripen to tan kuanda, “Amo, no mairap so imbagad sika na propita, ag mo komun gawaen. Natan ta mainomay, orasan moy sikan dili onung na imbaga to, ta ag la pigan onabig ka?”

Maung a Balita Biblia

¹³ Sinmingger ed sikato ray aripen to tan kuanda, Amo, no mairap so imbagad sika na propita, ag mo komun gawaen. Natan ta mainomay, orasan moy sikan dili onung na imbaga to, ta ag la pigan onabig ka?

2 Saray Arari 5:13 Iomraidhean Croise

Genesis 41:43

Impaikana to ed kinen Jose so kumadwan karwahi to, insan saray guardiad palasio nambabando rad onaan to, “Paliis kayo! Paliis kayo!” Onya so inkatoro nen Jose a gobirnador ed intiron Egipto.

1 Saray Arari 20:23

Inkuan na saray opisyal nen Ben-hadad ed sikato, “Diriyos na palandey iray diriyos na Israel, kanyan tinalo itayo na taga Israel. Balet andi-saew a taloen tayo ra no labanan ti rad saray patar.

1 Saray Arari 20:31

Linma ray opisyal to tan kuandad sikato, “Nadngelan min mapangasi ray arari na Israel. Abuloyan mo kamin mamberber na sakod balangbang mi tan mangibaliber na lobir ed beklew mi, insan kami onlad ari, ta ag la pigan ag to ka pateyen.”

2 Saray Arari 13:14

Mapalaloy sakit nen Eliseo tan ipatey to la; binisita nen Ari Jehoas na Israel. Nanakis ed abay nen Eliseo tan inkuanto, “Ama, O ama! Sikay makapanyarin manangyagel na Israel!”

2 Saray Arari 2:12

Anengneng nen Eliseo so agawa tan ineyag tod kinen Elias, “Ama, ama! Makapanyarin manangyagel na Israel!” Insan ag to la anengneng a balut si Elias. Diad ermen nen Eliseo, pinilat ton nankadwa so kolibemben to.

2 Saray Arari 5:10

insan angibakiy Eliseo na sakey ya aripen a mangibagad kinen Naaman ya orasan ton mamimpito ed Ilog na Jordan so laman to, et sigput ya onabig ed sakit to.

2 Saray Arari 5:3

Aminsan inkuanto yan aripen a bii ed amo ton bii, “Onla komun si amok ed samay propitan manaayam ed Samaria! Paabigen to.”

2 Saray Arari 6:21

Nen anengneng na ari ed Israel iray Siriano, tinepet tod kinen Eliseo, “Kagalang a propita, pateyen ko ra? Pateyen ko la ra?”

2 Saray Arari 8:9

Kanyan pinano nen Hazael na amin a klasiy sankaabigan a bengatlan narumog ed Damasco so beneg na apataplon kamilyo, insan linmad kinen Eliseo. Nen apiarapan nen Hazael si Eliseo, inkuantod sikato, “Imbaki ak dia na managlingkur mon Ari Ben-hadad, ta patetepet tod sika no onabig nikasid sakit to odino andi la.”

Saray Salmo 51:2

Orasan mo ak pad amin a kaogsan ko tan linisan mo ak pad amin a kasalanan ko!

Saray Salmo 51:7

Ekal mo pay kasalanan ko, et magmaliw ak a malinis; orasan mo ak pa, et magmaliw ak ya ampoti-poti.

Isaias 1:16

Orasan yoy sikayon dili. Tondaan yoy amin a kaogsan a nanenengneng kon gagawaen yo. On, tondaan yo lay panggagawa yoy kaogsan

Malakias 1:6

Say Katawan a Makapanyarin-amin kuantod saray papari, “Say anak papagalangan toy ama to, tan say aripen papagalangan toy amo to. Siak so ama yo—akin et ag yo ak pagalangan? Siak so amo yo, akin et ag yo ak itday galang? Babalawen yo ak balet tetepeten yo, ‘Panoy pamabalaw mid sika?’

Mateo 23:9

Tan nepeg ya ag yo tatawagen so siopaman a too na ‘Ama’ diad dalin, ta saksakey so Ama yon walad tawen.

Juan 13:8

Inkuanen Pedro ed sikato, “Ag kon balut paorasan iray salik ed sika!” Inmebat si Jesus, “No ag mo ra paorasan ed siak, anggapo siriy pibibiang mod siak.”

Juan 9:7

Inkuanen Jesus ed sikato, “Laka, ta mandilamus kad man ed dipositoway danum ed Siloe” (a kabaliksan toy “Nibaki”). Linma may bulag sirin tan nandilamus diman. Nen pinmawil makanengneng la.

Saray Gawgawa 22:16

Natan sirin, ag ka la mantatayam-tayam. Alagey ka tan pabinyagan ka, tan paorasan mo ray kasalanan mo diad panamegley na itawag mod ngaran to.’”

1 CORINTO 1:21

Ta lapud kakabatay Dios, ag to inyabuloy a sikatoy nakabatay too diad panamegley na kakabatan na sankamundoan. Ingen nilabay ton ilaban iray totoon manisia diad panamegley na ipupulong min Maung a Balita ya ipapasen ya andi-kakanaan na sankamundoan.

1 CORINTO 1:27

Balet pinili na Dios so ipapasen ya andi-kakanaan na sankamundoan, pian napabaingan to ray makabat a totoo, tan pinili to so ipapasen a makapoy na sankamundoan, pian napabaingan to ray mabiskeg.

1 CORINTO 4:15

Ta anggan samplon liboy managbangat yon nipaakar ed pambibilay yon Cristiano, saksakey labat so ama yo. Ta diad pikakasakey yod Cristo Jesus anak ta kayo, diad panamegley na Maung a Balitan impupulong kod sikayo.

Tito 3:5

inlaban to itayo. Nilaban itayo, aliwan lapud saray ginagawa tayon kamaungan, no ag ingen lapud panangasi to, diad panamegley na panangoras a mangipanengneng a say Ispiritu Santo initdan to itayoy balon inkatoo tan balon bilay.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

1 Pedro 3:21

Sayan danum aliling toy binyag a mangilaban ed sikayo natan. Say binyag et aliwan panlinis na dotak na laman, no ag ingen say sipan ed Dios a nanlapud sakey a malinis a konsinsia. Ilaban kayoy binyag diad panamegley na inkiolid bilay nen Jesu-Cristo,

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.

1 Samuel 24:11

Nengneng mo, ama, nengneng mo yay sankabembenan kon parti na saloy na kawes mo! Apatey ta ka la komun, balet saya labat lay ginerger ko. Diam nanengneng ya anggapoy kanunutan kon onlaban ed sika o pasakitan ka. Aanapen mo ak a pateyen anggaman ya anggapoy ginawak a maoges ed sika.

1 Samuel 28:23

Ag inmabuloy si Saul, tan inkuanton ag mangan na antokaman. Balet tinanggoyur met na saray opisyal to. Inmabuloy a siansia, binmangon, tan inmirung ed katri.