2 Saray Arari 5:10 - Maung A Balita Biblia

¹⁰ insan angibakiy Eliseo na sakey ya aripen a mangibagad kinen Naaman ya orasan ton mamimpito ed Ilog na Jordan so laman to, et sigput ya onabig ed sakit to.

Maung a Balita Biblia

¹⁰ insan angibakiy Eliseo na sakey ya aripen a mangibagad kinen Naaman ya orasan ton mamamimpito ed Ilog na Jordan so laman to, et sigput ya onabig ed sakit to.

2 Saray Arari 5:10 Iomraidhean Croise

2 Saray Arari 2:21

insan linmad kawalaay sobul na siudad, imbontuk tod danum imay asin, tan kuanto, “Onyay ibabagay Katawan: ‘Gawaen kon masamit yan danum, tan ag la makapatey odino makapaekal na lokun da ray bibii.’”

2 Saray Arari 3:16

tan kuanto, “Onyay ibabaga na Katawan: ‘Gawaen kon dipositoy danum yan nakatan a kolus.

2 Saray Arari 4:35

Binmangon si Eliseo, nanakar-akar ed dalem na kuarto, insan tinmikleb lamet ed samay bangkay. Amimpiton binmasis imay ogaw, insan linmimata.

2 Saray Arari 4:41

Akialay Eliseo na daiset ya arina, impelag tod samay banga tan kuanto, “Mangibales kayo lamet, ta mangan ira may totoo.” Ag la natan makasamal.

2 Saray Arari 5:11

Balet mamapasnuk a tinmaynan si Naaman tan kuantod sikaton dili, “Abaloan kon pawayan to ak, mampikasid Katawan a Dios to, ipetek-petek tod akating a partiy laman ko so lima to, tan paabigen to ak!

2 Saray Arari 5:14

Linma sirin ed Jordan si Naaman, linmegep ya amimpito, onung na imbaga nen Eliseo, et sigput ya inmabig. Balibali so nagmaliway laman to tan singa baog na ogaw so baog to.

2 Saray Arari 5:9

Kanyan linmad abung nen Eliseo si Naaman a kaiba to ray kabayo tan saray karwahi to. Tinmondad lolooban na abung nen Eliseo,

Exodo 4:18

Sinmempet si Moises tan linmad kinen katolangan ton Jetro tan kuanto, “Abuloyan yo ak pa ya ompawil ed saray kakanayon kod man ed Egipto, ta nengnengen ko no mabilay ni ra kasi.” Inmabuloy si Jetro tan pinasiput to.

Levitico 13:58

No ipesak to, et nakal imay boot, ipesak to lamet, et magmaliw lan malinis onung ed ganggan.

Levitico 14:16

idelnet toy tamoro na kawanan a lima to tan iwalsik tod man a mamimpito diad arapan na Katawan.

Levitico 14:51

Insan to alaen ira may kiew a sidro, samay sangay isopo, samay ambalangan koldon, tan samay mabilay a manok tan isawsaw to ra ed dala na samay pinatey ton manok tan diad samay danum. Insan walsikan ton mamimpito imay abung.

Levitico 14:7

Iwalsik ton mamimpito imay dala ed samay toon linisan ed sakit ton kating, insan sintinsiaan ton malinis onung ed ganggan. Paibolus tod kaalogan imay mabilay a manok.

Levitico 16:14

Mangala na daiset a dala to may baka tan diad panamegley na tamoro to iwalsik tod arap na samay sakub, insan mamimpito ton iwalsik so daiset a dala diad arap to may Kaban na Sipanan.

Levitico 16:19

Diad panamegley na tamoro to nepeg a mamimpito ton walsikan so tapew na altar. Diad onya, nalinisan to may altar ed saray kasalanan da ray totood Israel tan napasanto to.

Saray Bilang 19:19

Diad kumatlon agew tan diad kumapiton agew say too a malinis onung ed ganggan et walsikan to na samay danum so toon marotak onung ed ganggan. Diad kumapiton agew say toon malinis linisan to may toon marotak. Diad mansironget magmaliw a malinis onung ed ganggan kayari ton impesak so kawes to tan kinalboan so laman to na danum.

Saray Bilang 19:4

Mangalay Eleazar na daiset a dala, insan diad panamegley na gamet to mamimpito ton iwalsik diad dapag a mamaarap ed Tulda.

Juan 9:7

Inkuanen Jesus ed sikato, “Laka, ta mandilamus kad man ed dipositoway danum ed Siloe” (a kabaliksan toy “Nibaki”). Linma may bulag sirin tan nandilamus diman. Nen pinmawil makanengneng la.

1 CORINTO 6:11

Ontan met iray arum ed sikayo nen saman. Balet naorasan ki lad kasalanan yo; apasanto ki lad Dios; nibilang ki lan anggapoy kasalanan ed arap na Dios diad panamegley na ngaran na Katawan tayon Jesu-Cristo tan lapud Ispiritu na Dios tayo.

Josue 6:4

Pitoran papari a sankaawit na balang sakey ed sikara so trumpita, so onlad arap na Kaban na Sipanan. Diad kumapiton agew sika tan saray sondalom et nepeg yon liberen a mamimpito so siudad legan a papaknulen na saray papari iray trumpita.