2 Saray Arari 4:42 - Maung A Balita Biblia

⁴² Aminsan met, walay toon sinmabin nanlapud Baal-salisa. Inawitan toy Eliseo na duamplon tinapay a ginawad ononan inani a sibada ed saman a taon, tan pigaran kapanggetel a dawa a nikargad sako. Imbaga nen Eliseo ed samay aripen to ya ipakan to ya ed saray propita,

Maung a Balita Biblia

⁴² Aminsan met, walay toon sinmabin nanlapud Baal-salisa. Inawitan toy Eliseo na duamplon tinapay a ginawad ononan inani a sibada ed saman a taon, tan pigaran kapanggetel a dawa a nikargad sako. Imbaga nen Eliseo ed samay aripen to ya ipakan to ya ed saray propita,

2 Saray Arari 4:42 Iomraidhean Croise

1 Saray Arari 14:3

Iyawitan mo na samploran tinapay, pigaran kanen, tan sakey a garapon a dilo. Tepet mo no antoy nagawad ogaw, et ibaga tod sika.”

2 Saray Arari 4:38

Aminsan ya agew nen dinmalay eras ed intiron bansa, pinmawil ed Gilgal si Eliseo. Legan ton babangatan iray propita, imbaga tod samay aripen to a mangitoon na baleg a sayap, ta ilutoan to ray kanen da.

2 Saray Arari 5:5

Inkuan na ari, “Lakad ari na Israel, ta iter mod sikato ya sulat.” Kanyan linmay Naaman a nanawit na talomplon libon pilak, anem a libon balituk, tan samploran marakerakep a kawes.

2 Saray Arari 7:1

Inmebat si Eliseo, “Dengel moy ibabaga na Katawan. Diad onyan oras nabwas nilakod sakey a pilak diad tindaan na Samaria so taloran kilon sankaabigan a trigo odino anemiran kilon sibada.”

Exodo 23:16

“Silibraan yo so Pista na Panagani no igapo yo lan anien iray bungay tanaman yo. “Silibraan yo so Pista na saray Abung-abung diad samput na taon, no borboren yo la ray bunga na kaubasan yo tan arum a tanaman yo.

Saray Bilang 18:12

“Iter kod sika ray amin a sankaabigan a bungay dalin ya iter ed siak na saray Israelita kapag taon: say larak na oliba, say alak, tan say trigo.

Saray Bilang 18:13

Kayaryan mo ran amin. Nayarin pambilay ira na amin a kabyangan na pamilyam no malinis ira onung ed ganggan.

Juan 6:13

Tinipon da ra, tan labinduan tiklis so apano ra na kera-kerad saramay limaran tinapay a kinay totoo.

Juan 6:9

“Wala diay sakey ya ogaw a laki a nambaloy limaran tinapay tan duaran sira. Balet piga la ya ed sayan karakel na totoo?”

1 CORINTO 9:11

Angipasek kamid sikayo na saray maispiritu ran bokel. Makapabelat la kasin tuloy so panani mid sikayo na matiryal iran bengatla?

TAGA GALACIA 6:6

Say mambangat na salitay Dios nepeg a pinabangen ed saray kaabigan a nagagamuran da ray babangatan to.

Deuteronomio 12:6

Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.

Deuteronomio 32:14

Daakan a gatas so inter na saray baka tan saray kanding da; awalaan iray sankaabigan a karniro, kanding, tan baka, awalaan met ira na sankaabigan a trigo, tan sankasamitan ya alak.

Deuteronomio 8:8

sakey a dalin a napananian na trigo tan sibada; napamborboran na ubas, igos, granada, tan oliba, tan napanalaan met na dilo.

1 Samuel 9:4

Linma rad kapokdulan a dalin na Efraim tan diad dalin na Salisa, balet ag da ra naalmo; kanyan linma rad dalin na Saalim, balet andid man ira may asno. Linma ra sirin ya anggad pasen a sakop nen Benjamin, balet siansian ag da ni ra naalmo.

1 Samuel 9:7

Tinepet nen Saul, “No onla tad sikato, antoy niiter tad sikato? Anggapo lay atilak a nakan ed pananginan ta, tan anggapoy antokaman a nayarin iter ta. Akin wala?”