2 Saray Arari 3:9 - Maung A Balita Biblia

⁹ Kanyan linman mibakal si Ari Joram, say ari na Juda, tan say ari na Edom. Kayariy pitoy agew a pankukurang da, naoputan iray danum; anggapoy nakdaan a para saray totoo tan saray ayayep.

Maung a Balita Biblia

⁹ Kanyan linman mibakal si Ari Joram, say ari na Juda, tan say ari na Edom. Kayariy pitoy agew a pankukurang da, naoputan iray danum; anggapoy nakdaan a para saray totoo tan saray ayayep.

2 Saray Arari 3:9 Iomraidhean Croise

1 Saray Arari 22:27

Ibagam ed sikaran ipriso ra tan pakanen da labat na tinapay tan itdan day danum ya anggad isabik ya anggapoy maoges ya agawad siak.”

1 Saray Arari 22:47

Nen saman anggapoy ari ed dalin na Edom; inoleyan na toon tinoro na ari ed Juda.

1 Saray Arari 22:48

Wala ray barko nen Josafat a para biahid dalin na Ofir, ta manalay balituk; balet aderal irad Ezion-geber, kanyan ag la ra nambiahin balut.

2 Saray Arari 3:1

Diad kumalabinwalon taon na panooley nen Ari Josafat na Juda, nagmaliw ya ari na Israel si Joram a lakin anak nen Acab, tan nanayam ed Samaria legan ton nanoley a labinduay taon.

2 Saray Arari 3:10

“Agayla yan inkagawa!” eyag nen Ari Joram. “Say Katawan impanoolup to tayon talo ya ipalimad ari na Moab!”

2 Saray Arari 3:7

Impaibaga to ed kinen Ari Josafat na Juda: “Onlalaban ed siak so ari na Moab; labay mon ibaan ak a mibakal ed sikato?” “Labay ko,” ebat nen Josafat. “No akaparaan kayo, akaparaan kami met, siak, saray sondalok tan saray kabayok.

2 Saray Arari 3:8

Dinay dalanen tayon ondogpa?” “Ondalan tayod kalawakan na Edom,” ebat nen Joram.

2 Saray Arari 8:20

Legan na panooley nen Jehoram, linmaban ed Juda so Edom, tan nagmaliw a walay dilin ari na Edom.

Exodo 11:8

Insumpal nen Moises so pansasalita to diad impangikuanto, “Ondagod siak ya amin iray opisyal mo tan ondakmomo rad siak, tan kerewen dad siak ya itaynan ko la ray amin a totook. Kayari to tan, ontaynan ak la.” Insan linma lay Moises a mapalaloy pasnuk to.

Exodo 15:22

Manlapud Dayat ya Ambalanga si Moises inwanwan ton amaarap ed kalawakan na Sur iray Israelita. Taloy agew a nanakar irad kalawakan, balet anggapoy nalmo ran danum.

Exodo 17:1

Tinaynan na amin ya Israelita so kalakawan na Sin, tan nansosoblay so pasen a nanaayaman da onung ed ganggan na Katawan. Nankampo ra ed Refidim, balet anggapod may danum a nainom na saray totoo.

Saray Bilang 20:2

Anggapoy danum dimad nankampoan da, kanyan minokut day Moises tan Aaron

Saray Bilang 20:4

Akin et inyakar yo kami diad sayan kalawakan? Labay yo ya ompatey kami dia tan saray ayayep mi?

Saray Bilang 21:5

tan nansalita ra sumpad Dios tan diad kinen Moises. Inkuandan nanriklamo, “Akin et impaway mo kamid Egipto anta ompatey kami lamlamang diad kalawakan? Anggapo diay naakan odino nainom tan atama kami la ed sayan andi-kakanaan a kakanen!”

Saray Bilang 33:14

Insan ira nankampo ed Refidim ya anggapod may nainom dan danum.

Saray Huis 4:10

Tinawag diman nen Barac iray kabyangay tribu di Zabulon tan Neftali, tan tinmombuk ed sikato iray samplon libon lalaki. Akilad sikato si Debora.