2 Saray Arari 3:11 - Maung A Balita Biblia

¹¹ Tinepet nen Ari Josafat, “Wala diay propita a diad panamegley to et makapangipanon tayod Katawan?” Inmebat so sakey ya opisyal na saray sondalo nen Joram, “Wadyay Eliseo a lakin anak nen Safat. Katulongan nen Elias nen saman.”

Maung a Balita Biblia

¹¹ Tinepet nen Ari Josafat, Wala diay propita a diad panamegley to et makapangipanon tayod Katawan? Inmebat so sakey ya opisyal na saray sondalo nen Joram, Wadyay Eliseo a lakin anak nen Safat. Katulongan nen Elias nen saman.

2 Saray Arari 3:11 Iomraidhean Croise

Genesis 18:4

Abuloyan yo ak a mangalay danum a panoras yoy sali yo; nayarian yoy mampainawad silong to yan kiew.

1 Saray Arari 19:21

Kayari ton nampatanir, inala to ra may baka to, pinatas to ra, tan inluto to ra. Insonglur to ray pako da ra may baka to. Inter tod saray totoo so aluton karni tan kinan da. Insan linma a tinmombuk a katambayan nen Elias ed saray kimey to.

1 Saray Arari 22:7

Balet tinepet nen Josafat, “Anggapo ta lay sananey a propita na Katawan a pangipanonan tayo?”

2 Saray Arari 2:25

Manlapud man tinmuloy ed Palandey na Carmelo si Eliseo, insan pinmawil ed Samaria.

2 Saray Arari 3:10

“Agayla yan inkagawa!” eyag nen Ari Joram. “Say Katawan impanoolup to tayon talo ya ipalimad ari na Moab!”

2 Saray Arari 3:12

“Tua man a propita,” inkuanen Josafat. Kanyan linma ra may taloran arari.

2 Saray Arari 3:3

Balet ag to tinondaan a nilagyat a mankasalanan iray Israelita, a singa ginawa nen Ari Jeroboam a lakin anak nen Nebat.

1 Saray Awaran 10:13

Inatey si Saul lapud aliwan matoor ed Katawan. Ag to inonur iray ganggan na Katawan; sinali toy kinmerew na pangiwanwan ed saray ispiritu na inaatey

1 Saray Awaran 14:10

Tinepet nen David ed Dios, “Dogpaan ko ray Filisteo? Panaloen mo ak kasi?” Inmebat so Katawan, “On, dogpaan mo ra! Panaloen ta ka!”

1 Saray Awaran 14:14

Impanon lamet nen David ed Dios, et say Dios inmebat, “Ag ka dia manlalapu no dogpaan mo ra. Saliberber ka tan dogpa kan manlapud biek a dapag, diad abay na saray kiew a balsamo.

1 Saray Awaran 15:13

Anggapo kayod man a mangawit nen inmona, kanyan say Katawan a Dios tayo dinusa to itayo lapud ag tayo inggalang onung na nepeg a pangigalang ed sikato.”

2 Saray Awaran 18:6

Balet tinepet nen Josafat, “Anggapo ta lay sananey a propita a diad panamegley to makapangipanon tayod Katawan?”

Saray Salmo 74:9

Naandipat lan amin iray masanton tanda mi; anggapo lay atilak a propita, et anggapoy makaamta no kapigan mansumpal ya.

Jeremias 37:17

Insan impaawit ak nen Ari Sedekias, tan maamut ton tinepet ed siak diman ed palasio, “Walay papaibaga na Katawan?” Inmebat ak, “Wala! Nipalima kad ari na Babilonia.”

Amos 3:7

Say Katawan a Dios et ag balut manggawa na antokaman ya ag to ni ipaamtad saray aripen ton propita so plano to.

FILIPOS 2:22

Sikayo lay mamaneknek ed katooran nen Timoteo. Tinulongan to ak ed impangikayat na Maung a Balita; singa anak a tinmulong ed ama to.

1 Timoteo 5:10

kabkabat na karaklan a maung so ginagawa to, pinabaleg to ray anak to ed masimpit a panagbilay, sinasangkaili to ray anggan ag to kabat, nampaabeba diad impanlingkur tod kapara ton Cristiano, tinmutulong ed saray walad kairapan, tan insaklang toy bilay tod panggaway amin a kamaungan.

Josue 1:1

Kayariy impatey nen Moises ya aripen na Katawan, say Katawan akitongtong ed kinen Josue a lakin anak nen Nun tan katulong nen Moises.

Josue 9:14

Saray lalakid Israel angawat iray pigaran kakanen a nanlapud saramay taga Gabaon, balet ag da la ya impanon ed Katawan.

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”