2 Saray Arari 24:3 - Maung A Balita Biblia

³ Agawa ya diad panangiganggan na Katawan, pian napaekal tod arap to ray totood Juda lapud amin da ray kasalanan a ginagawa nen Manases,

Maung a Balita Biblia

³ Agawa ya diad panangiganggan na Katawan, pian napaekal tod arap to ray totood Juda lapud amin da ray kasalanan a ginagawa nen Manases,

2 Saray Arari 24:3 Iomraidhean Croise

Genesis 50:20

Nankokomplutan yo ak a nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

2 Saray Arari 17:18

Mapalalo sirin so pasnuk na Katawan ed saray Israelita, kanyan pinataynan to rad arap to tan intilak to labat so nanarian na Juda.

2 Saray Arari 17:20

Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

2 Saray Arari 18:25

Abaloan yo amon ag ak tinulongan na Katawan ed indogpak ed bansa yo tan dineral ko? Say dilin Katawan so angibagad siak a dogpaan koy bansa yo tan deralen ko.”

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

2 Saray Arari 24:20

Lapud mapalalon pasnuk na Katawan, pinaekal tod arap to iray totood Jerusalem tan saray totood Juda.

2 Saray Awaran 24:24

Daiset iray Sirianon sondalo, balet impatalo na Katawan iray amayamay a Judion sondalo lapud inkaindan na totoo so Katawan a Dios na lalaki ra. Onya so impakadusa nen Ari Joas.

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Isaias 45:7

Papalsaen ko so liwawa tan kabilongetan; iiter koy bindision tan ipapadalan koy deral. Siak a Katawan so manggagawa ed sarayan amin.

Jeremias 32:31

Impanpasnuk to ak na mapalalo yan siudad nanlapu lad agew na inkipaalagey to. Ginetmak lan paandipaten,

Jeremias 52:28

Saya so listaan na saray inaalan priso nen Nabucodonosor: nen kumapiton taon na panaari to angala na talon libo tan duamplo tan talo;

Ezekiel 22:3

Ibagam ed siudad so ibabagak, siak a Katawan a Dios: Lapud pinapatey mo ray amayamay a totoom tan dinotakan moy sikan dili diad impangigagalang mod saray talintaoy diriyos, onsasabi lay panaon mo.

Ezekiel 24:6

Sikato ya so kuan na Katawan a Dios: “Pakaskasi so siudad a kawalaan da ray totoon managpatey na too! Kapara toy latiyan a kaldiro ya ag balut naorasan. Sansakey a nanaala so tegteg na karni tan anggapoy akeraan a karga to.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Mikias 2:10

Alagey kayo tan lakayo la; maatap la diay bilay. Lapud saray kasalanan yo niganan naderal yan pasen.

Deuteronomio 28:63

No kaonungan so impanliket na Katawan ed impamaaligwas tan impamarakel tod sikayo, ontan met so panliket tod pamatey tan paneral ed sikayo. Napagit kayod dalin a ngalngali yo la nakayaryan a panayaman.

Deuteronomio 29:28

Nagmaliw a mapalaloy pasnuk na Katawan, tan diad gaway pasnuk to binagut to rad dalin da tan imbantak to rad sananey a dalin, et wadman ira natan.’

Josue 23:15

Balet no panoy impanumpal tod amin ya insipan tod sikayo, ontan met so gawaen tod amin ya impasakbay tod sikayo.