2 Saray Arari 24:2 - Maung A Balita Biblia

² Say Katawan angibaki na saray olup na saray sondalon taga Babilonia, Siria, Moab, tan Ammon, ta labanan day Joakim tan deralen day Juda, onung na gawaen na Katawan ya imbaga to diad panamegley na saray aripen ton propita.

Maung a Balita Biblia

² Say Katawan angibaki na saray olup na saray sondalon taga Babilonia, Siria, Moab, tan Ammon, ta labanan day Joakim tan deralen day Juda, onung na gawaen na Katawan ya imbaga to diad panamegley na saray aripen ton propita.

2 Saray Arari 24:2 Iomraidhean Croise

2 Saray Arari 20:17

asingger lay panaon a naawit ed Babilonia iray amin a bengatlan walad palasio tan amin a tinitipon ya anggad natan na saray lalakim. Anggapoy bengatlan nakeraan.

2 Saray Arari 22:16

sikatoy onggendan a salita na Katawan: “Dusaen koy Jerusalem tan amin da ray totoo to onung na nisulat ed libron binasa na ari.

2 Saray Arari 23:27

Inkuan na Katawan, “Gawaen kod Juda so singa ginawak ed Israel: pataynanen ko ray totood Juda, tan ipolisay koy Jerusalem, say siudad a pinilik. Ipolisay ko met so Timplo, say pasen ya imbagak a pangigalangan ed siak.”

2 Saray Arari 6:23

Kanyan imparaanan ira na ari ed Israel na baleg a ponsia; kayari ran angan tan inminom, imbaki to la rad ari na Siria. Nanlapu lad saman tinondaan la na saray Siriano so ondogpa ed dalin na Israel.

2 Saray Awaran 33:11

Kanyan inabuloyan na Katawan a looban na saray pangulo da ray sondalo na Asiria so Juda. Adakep day Manases, kinawetan da, binalur da na gansan golunggolung, insan da inawit ed Babilonia.

Say Libro nen Job 1:17

Mansasalita ni nen sinmabi so sakey nin aripen tan kuanto, “Dinogpaan kami na taloran grupo na saray Caldeo, imbatik da ray kamilyom. Pinatey day amin ya aripen mo likud labat ed siak. Siak labat so akabatik, kanyan wadya ak a mangibalitad sika.”

Isaias 13:5

Onsasabi ran nanlapud ararawin bansa diad saray samput na dalin. Diad pasnuk na Katawan onsasabi a maneral ed intiron bansa.

Isaias 28:19

Ondalan lan ondalan ed sikayo so deral, kapag kabwasan. Nepeg yo yan liknaen ed agew tan labi. Mangiter na balon takot ed sikayo so kapag balon balita na Dios.

Isaias 7:17

“Say Katawan pairapen to ka, saray totoom, tan amin a kabyangay pamilya na ari. Mapalalo niy iter ton gunigon nen say antokaman a gunigon a sinmabi lad samay impansian na Israel tan Juda—iyakar dia na Katawan so ari na Asiria.

Jeremias 12:9

Saray pinilik a totoo et singa ra sakey a manok a niliktub tan sinibar na saray baga. Padago yo ray ayayep ed katakelan, ta pampera yo ran mangan!

Jeremias 25:1

Diad kumapat a taon na panaarid Juda nen Joakim a lakin anak nen Josias, naawat ko so salita na Katawan nipaakar ed amin a totood Juda. (Sikato yay ononan a taon na panaarid Babilonia nen Nabucodonosor.)

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 26:20

Wala met so sakey a lakin nansalita ed ngaran na Katawan, say anak nen Semaya a si Urias a taga Kiryat-jearim. Nansalita sumpad sayan siudad tan sayan bansa a singa samay ginawa nen Jeremias.

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 32:28

Kanyan sirin, iter ko yan siudad ed Ari Nabucodonosor na Babilonia tan saray sondalo to, tan dakepen da,

Jeremias 35:11

Balet nen nilooban nen Ari Nabucodonosor so bansa, ginetma miy onlad Jerusalem pian nibatikan mi ray taga Babilonia tan saray sondalon taga Siria. Sikato yay makasengeg no akin et manaayam kami diad Jerusalem.”

Jeremias 52:28

Saya so listaan na saray inaalan priso nen Nabucodonosor: nen kumapiton taon na panaari to angala na talon libo tan duamplo tan talo;

Saray Tagleey 1:17

“Inyonat ko ray limak, balet anggapoy ontulong ed siak. Anawag ed kaliber-liber so Katawan na saray onlaban ed siak. Marotak a bengatla so pangipapasen dad siak.

Ezekiel 19:8

Nantitipon iray bansa a mibakal ed sikato; nanlalapud inerman a pasen iray totoo. Imbuskag da ray iket da tan inerel da ed patit da.

Ezekiel 23:23

Iyakar ko ra diay amin a taga Babilonia tan Caldea, saray lalakin taga Pecod, Soa, tan Koa tan amin a taga Asiria. Pantitiponen kon amin iray guapon mamalangwer a lalakin galgalangen tan opisyal, amin da ray manonan opisyal tan atagey a betang ya managkabayo rad para bakal.

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Habacuc 1:6

Pagmaliwen kon manoley iray taga Babilonia, saraman a mapalaloy sebeg tan ag mandeen a totoo. Sulong la ran sulong ed anggan iner, pian nadakep da ray arum a dalin.